TOShKENT, 11 fev – Sputnik. General-mayor Bahodir Qurbonov O‘zbekiston Mudofaa vaziri etib tayinlandi. Bu haqda Sputnik agentligiga Mudofaa vazirligida xabar qilishdi.
“Bahodir Qurbonov mudofaa vaziri etib tayinlandi. Bu haqda tegishli farmon prezident tomonidan imzolangan”, - dedi agentlik suhbatdoshi.
Bahodir Qurbonov bundan avval, 2018-yil fevralidan Toshkent shahri, poytaxt va Sirdaryo viloyatlari hududini o‘z ichiga olgan Toshkent harbiy okrugi qo‘shinlariga qo‘mondonlik qilgan.
Ungacha 2015-yil dekabridan poytaxt IIBB rahbari, O‘zbekiston ichki ishlar vaziri o‘rinbosari sifatida faoliyat ko‘rsatgan.
Bundan avval, Abdusalom Azizov Davlat xavfsizlik xizmati raisi lavozimiga tayinlanganligi haqida xabar bergandik.