TOShKENT, 26 yanv — Sputnik. 2018-yil iyun oyida futbol bo‘yicha jahon chempionatiga "muxlis pasporti" orqali kirib kelgan 5,5 ming chet ellik fuqarolar Rossiya hududida qonunga zid ravishda qolishgan.
Bu haqda Rossiya IIV migratsiya boshqarmasi rahbari o‘rinbosari Andrey Krayushkin xabar berdi, deb yozadi RIA Novosti.
Krayushkin so‘zlariga ko‘ra, bu migrantlar mart oyi oxirida Rossiyadan chiqarib yuboriladi.
Rossiya IIV vakilining so‘zlariga ko‘ra, 31-dekabr holatiga ko‘ra, bunday nolegal fuqarolar soni mamlakatda 12 ming nafardan ziyodni tashqil etgan, ammo FXX (FSB) bilan hamkorlikda olib borilgan ishlar tufayli ular sonini 5,5 ming nafargacha qisqartirishga muvaffaq bo‘lingan.
Futbol chempionati o‘tkazilayotgan vaqtda maxsus karta yordamida RF 650 mingdan ziyod chet el fuqarolari kirib kelganlar.
Rossiyada futbol chempionati 2018-yil 14-iyun sanasidan 15-iyulga qadar bo‘lib o‘tgan. Chempionat finalida Fransiya va Xorvatiya terma jamoalari uchrashishdi. O‘yinda fransuzlar 4:2 hisob bilan g‘alaba qozongan.