TOShKENT, 17 okt – Sputnik. “O‘quvchilarni psixologik-pedagogik qo‘llab-quvvatlash ishlarini yanada takomillashtirish to‘g‘risida”gi qaror loyihasi muhokamaga qo‘yildi.
Qaror loyihasida aytilishicha, psixologik xizmatning maqsadi o‘quvchilarni, ota-onalarni, pedagogik jamoani psixologik jihatdan qo‘llab-quvvatlash, o‘quvchilarning faol ijtimoiy moslashuvi va ularning yosh davrlari bo‘yicha rivojlanishida psixologik va psixosamatik salomatligida uchraydigan og‘ishlarning oldini olish va bartaraf etishga yordam berish, uzluksiz ta’lim jarayonida o‘zligini anglashi, individual psixologik xususiyatlari, shaxsiy imkoniyatlari va qobiliyatlarini namoyon etishlari uchun psixologik-pedagogik qo‘llab-quvvatlash (psixodiagnostik faoliyat, so‘rovnoma, maslaxat berish orqali)dan iborat.
Qaror loyihasiga umumiy o‘rta ta’lim muassasalarining psixologik xizmati to‘g‘risidagi nizom hamda psixologik xizmati xodimlarini attestatsiyadan o‘tkazish tartibi to‘g‘risidagi nizomlar ilova qilingan.
Umumiy o‘rta ta’lim muassasalari psixologlarining lavozim majburiyatlari hamda bu lavozimlarga qo‘yiladigan malaka talablari qayta ko‘rib chiqiladi.
Psixologik xizmati xonalarini jihozlash meyorlari ishlab chiqiladi.