TOShKENT, 8 avg - Sputnik. O‘zbekistonlik artilleriyachilar Xalqaro armiya o‘yinlarining "Artilleriya ustasi-2018" tanlovida ikkinchi o‘rinni egallashdi.
O‘zbekiston jamoasi Belarussiya bilan birgalikda ikkinchi o‘rinni, Rossiya va Ozarbayjon jamoalari uchinchi o‘rinni qo‘lga kiritishdi, deb xabar berdi Armiya o‘yinlari matbuot xizmati. Birinchi o‘ringa Qozog‘iston artilleriyachilari sazovor bo‘lishdi.
Qayd etilishicha, ilk bor finalda to‘rtta o‘rniga oltita jamoa qatnashdi.
O‘zbekistonlik harbiy xizmatchilar 28 yo‘nalishda o‘tkazilayotgan Xalqaro armiya o‘yinlarining 12 tasida ishtirok etmoqda.