TOShKENT, 17-iyun — Sputnik. Moskva markazidagi Ilinka ko‘chasida taksi haydovchisi boshqaruvni yo‘qotib piyodalar yo‘lagiga chiqib ketdi va 7 kishini urib yubordi, RIA Novosti xabariga asosan.
Yo‘l-harakatini tashkil qilish markazi xabariga ko‘ra, haydovchi haydovchi mast bo‘lmagan va bu ishni qassdan qilmagan. Dastlabki so‘roq vaqtida ma’lum bo‘lishicha, u tormoz va gaz pedallanini adashtirib yuborgan.
Jabrlanganlar 2 nafar Meksika fuqarosi, 2 nafar Ozarbayjon fuqarosi, ikki Rossiya fuqarosi va bir ukrainalik bo‘lgan.
Vrachlar xabariga ko‘ra, ikki nafar jabrlangan Meksika fuqarolarining ahvoli qoniqarli darajada. Moskva meri Sergey Sobanin vaziyat nazorat ostida ekanini aytmoqda.
Huquqni saqlash organlari xabariga ko‘ra, taksichining haydovchilik guvohnomasi 2013-yilda Qirg‘izistonda berilgan. Haydovchining o‘zi aytishiga qaraganda u oxirgi sutka davomida 20 soat davomida to‘xtamasdan ishlagan va bundan oldin faqat 3 soat uxlagan.
“Men tormozni bosayapman deb o‘ylagandim… keyin nima bo‘lganini o‘zim ham tushunmay qoldim”, — deb guvohlik bergan taksi haydovchisi.
Shuningdek, uning haydovchilik tajribasi ikki yil ekanini va Moskvaga bir oy oldin kelganini ham ma’lum.