TOShKENT, 4-iyun - Sputnik. Toshkentning eng hashamatli stadioni "Bunyodkor" nomi "Milliy" etib o‘zgartirildi.
Bu haqda mahalliy OAVlarda hamda Toshkent shahar hokimligi rasmiy saytida xabar qilindi.
Joriy yilning 16-mart kuni O‘zbekiston prezidenti Shavkat Mirziyoyev "Futbolni rivojlantirish chora-tadbirlari to‘g‘risida"gi qarorni imzolagan.
Hujjatda "Bunyodkor" stadionining butun majmuasi va inshootlari futbol bo‘yicha milliy terma jamoalar uchun o‘quv-mashg‘ulot jarayonlarini tashkil etish va sport musobaqalari hamda boshqa tadbirlarni o‘tkazishda O‘zbekiston futbol assotsiatsiyasining asosiy bazasi hisoblanishi belgilab qo‘yilgan.
Eslatib o‘tamiz, 2012-yilning sentabrida ochilgan "Bunyodkor" stadioni o‘z ichiga 34 ming tomoshabinni sig‘dira oladi.