TOShKENT, 17 apr – Sputnik. Qirg‘izistonning Botken shahrida 17-20 aprel kunlari "Madaniyat – do‘stlik ko‘prigi" deb nomlangan qirg‘iz-o‘zbek yosh iste’dodlar festivali bo‘lib o‘tadi. Bu haqda BMT Bolalar fondi (YuNISEF) ning Qirg‘izistondagi vakolatxonasi matbuot xizmati xabar berdi.
Xabarda aytilishicha, festivalda Qirg‘izistonning Botken va O‘zbekistonning Farg‘ona viloyatidan yuzdan ortiq yosh iste’dodlar qatnashadi.
"Mazkur yoshlar festivalini o‘tkazish tashabbusi Botken shahri va Farg‘ona viloyati hokimiyatlari tarafidan yangragani bizni xursand qiladi. Mahalliy organlar, qishloq va jamiyatlar darajasidagi hamkorlik uzoq muddatli o‘zaro bir-birini tushunish va do‘stlik uchun juda muhimdir", — dedi bu haqda YuNISEFning Qirg‘izistondagi vakolatxonasi rahbari Yukie Mokuo.
Festivalda yoshlar o‘z iste’dodlarini namoyish etishadi, Botken shahridagi diqqatga sazovor maskanlarga sayohat uyushtirishadi.