TOShKENT, 23 mar — Sputnik. Mongoliya prezidenti farmoni bilan Mongoliyaning O‘zbekistondagi faxriy konsuli Abdug‘afur Rahimov mongol-o‘zbek munosabatlarini rivojlantirishga qo‘shgan hissasi uchun "Do‘stlik" medali bilan mukofotlandi. Bu haqda Mongoliyaning Montsame axborot agentligi xabar berdi.
Medalni konsulga Mongoliya prezidenti shtabi boshlig‘i Z. Enxbold topshirdi.
Xabarda aytilishicha, Abdug‘afur Rahimov 2006-yildan buyon konsulxonaga rahbarlik qiladi. U Mongoliya va O‘zbekistonning biznes, sport va san’at sohasidagi vakillarining o‘zaro tashriflarini tashkil etishda muhim rolni bajargan.
Eslatib o‘tamiz, o‘tgan oyda "O‘zagroeksport" kompaniyasi Mongoliyadagi yirik importorlar bilan sarxil meva va sabzavotlar yetkazib berish bo‘yicha kelishuvga erishgandi.