TOShKENT, 22 mar — Sputnik. O‘zbekiston Respublikasi Bosh prokuraturasi Toshkent shahar prokurorining sobiq birinchi o‘rinbosari M.A.Mirzayevdan jabr ko‘rgan fuqarolarni qidirmoqda, deb xabar qildi Sputnik O‘zbekiston muxbiri.
Shu munosabat bilan, agar Siz ko‘rsatilgan shaxslar tomonidan sodir etilgan pora olish, mansab vakolatlarini suiiste’mol qilish yoki boshqa jinoiy qilmishlar oqibatida jabrlanuvchi yoki guvoh bo‘lgan bo‘lsangiz, Bosh prokuraturaga ariza bilan murojaat qilishingiz yoki 233-63-33, 236-00-76 telefon raqamlari orqali xabar berishingiz mumkin", — deyiladi xabarda.
Eslatib o‘tamiz, sal avval O‘zbekiston sobiq bosh prokurori R.Qodirovga nisbatan Bosh prokuratura tomonidan qo‘zg‘atilgan jinoyat ishi bo‘yicha Toshkent shahar prokurorining sobiq birinchi o‘rinbosari M.Mirzayev va uning oila a’zolari ushlanganligi to‘g‘risida xabar tarqatilgan edi va shundan so‘ng Bosh prokuratura Toshkent shahar prokurorining sobiq birinchi o‘rinbosari M.Mirzayev va uning oila a’zolari ushlanganligiga raddiya bergan edi.