TOShKENT, 22 fev — Sputnik. O‘zbekistonlik shifokorlar jarrohlik yo‘li bilan tanasidan 13 dona igna olingan bolakayni ilk marotaba videoga olishga ruxsat berishdi, deb xabar qildi Sputnik Qozog‘iston.
Yana uchta igna bolakay tanasida qolmoqda, ammo shifokorlarning ishontirib aytishiga qaraganda, ularni jajji bemorning ahvoli biroz meyorga kelgach, ya’ni sal keyinroq ham olib tashlasa bo‘ladi.
Ayni vaqtda, operatsiyadan bir oy vaqt o‘tgach, bolakay ahvoli yaxshilanganligi xabar qilinmoqda.
Mahalliy shifokorlar ushbu holatni "qaytadan tug‘ilish" deya baholashmoqda.
Ignalar bolakay organizmiga qay tariqa tushib qolgani noma’lumligicha qolmoqda. Bu borada huquqni muhofaza qilish organlari tomonidan surishtiruv ishlari olib borilmoqda. Onasi bolani kasalxonaga olib kelganida, uning isitmasi juda baland bo‘lgani ma’lum, xolos.