TOShKENT, 26 yanv — Sputnik. O‘zbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti yuqori malakali huquqshunos, sotsiolog, politolog, iqtisodchi, moliyachi va IT-mutaxassislarni ishga taklif qiladi.
Nomzodlarga qo‘yiladigan talablar: oliy ma’lumot; ingliz, rus va boshqa chet tillarini bilish; tahliliy materiallar tayyorlash qobiliyatiga ega bo‘lish.
— qonunchilik muammolari va huquqni qo‘llash amaliyotini tahlil qilish, natijalariga ko‘ra amaldagi qonun hujjatlarini yanada takomillashtirish bo‘yicha takliflar ishlab chiqish;
— qonun ijodkorligi va huquqni qo‘llash amaliyoti bo‘yicha tahliliy materiallar tayyorlash;
— hujjatlar loyihalarini tayyorlash;
— qonun loyihalarini tayyorlash;
— normativ-huquqiy hujjatlar loyihalarini ekspertizadan o‘tkazish;
— huquq, siyosat, iqtisodiyot va boshqa sohalarda tadqiqot olib borish;
— yuridik va jismoniy shaxslarning murojaatlarini ko‘rib chiqish va qonuniy hal etish.
Oylik ish haqi, ijtimoiy himoyalashga qaratilgan choralar va to‘lovlar:
— oylik ish haqi — dastlab 1,7 mln. so‘mdan 3 mln. so‘mgacha, keyinchalik ushbu oylik ish haqiga qo‘shimchalar qo‘shib boriladi;
— mehnat kodeksida belgilangan bayram va chorak yakunlari bo‘yicha oylik ish haqi fondi miqdorida mukofot pullari;
— Hukumat poliklinikasi va statsionarlarida hodim va uning oila a’zolarining bepul davolanishi;
— xodim ta’tilga chiqqanda bir oylik ish haqi fondi miqdorida moddiy yordam puli;
— uy-joy sharoitlarini yaxshilashga muhtoj bo‘lgan xodimlarga uy-joy sotib olish uchun imtiyozli ipoteka krediti;
— xodimlarga uy-joylarni ijaraga olganlik (ijarada turganlik) uchun kompensatsiya to‘lovi;
— qonun hujjatlari talablari asosida Toshkent shahriga doimiy propiskaga kiritish.
Bundan tashqari: Mansab lavozimlarida o‘sib borish; ilg‘or xorijiy tajribani o‘rganish maqsadida chet ellarga xizmat safarlari va stajirovkalar.
Instututda ishlash istagini bildirgan nomzodlar 2018-yil 25-fevral kuniga qadar o‘z rezumesini qmptiuz@umail.uz elektron pochtasiga yuborishlari lozim. Yuborilayotgan rezumeda nomzodning yashash manzili va telefon raqamlari to‘g‘risidagi ma’lumotlar ham eks ettirilishi kerak.