Rossiya va O‘zbekiston o‘rtasidagi savdo 2026-yilning birinchi yarmida 24 foizga oshdi

© Sputnik / Sgenerirovano IIUzbekistan i Rossiya provedut perekrestnie Dni v chest 35-letiya dipotnosheniy
Uzbekistan i Rossiya provedut perekrestnie Dni v chest 35-letiya dipotnosheniy - Sputnik O‘zbekiston, 1920, 19.11.2026
Obuna bo‘lish
Rossiyaning O‘zbekistondagi savdo vakili o‘rinbosari ikki mamlakat an’anaviy savdodan qo‘shma sanoat ishlab chiqarishlarini tashkil etishga o‘tayotganini aytdi.
TOShKENT, 19 noya — Sputnik. Rossiya va O‘zbekiston o‘rtasidagi tovar ayirboshlash hajmi 2026-yilning birinchi yarmida 24 foizga oshdi. Bu haqda “Azot Sintezgaz. O‘zbekiston va MDH” xalqaro kongressida Rossiyaning O‘zbekistondagi savdo vakili o‘rinbosari Igor Kaminin ma’lum qildi, deb xabar bermoqda Sputnik O‘zbekiston muxbiri.
Uning so‘zlariga ko‘ra, tashqi cheklovlarga qaramay, so‘nggi yillarda ikki mamlakat o‘rtasidagi savdo hajmi har yili o‘rtacha 15–16 foizga o‘smoqda.
Rossiya O‘zbekistonning eng yirik savdo sheriklaridan biri bo‘lib qolmoqda. Shu bilan birga, mamlakatlar an’anaviy tovar yetkazib berishdan chuqurroq sanoat hamkorligi va qo‘shma ishlab chiqarishlarni tashkil etishga o‘tmoqda.
Kamininning ma’lum qilishicha, Rossiya har yili O‘zbekistonga 700–800 mln dollarlik kimoviy mahsulotlar yetkazib beradi. Kimyo sanoati ikki mamlakat o‘rtasidagi o‘zaro savdo tarkibida to‘rtinchi o‘rinni egallaydi.
U Rossiyaning SIBUR neft-gaz kimyo kompaniyasini ushbu yo‘nalishdagi asosiy hamkorlardan biri sifatida tilga oldi. Kompaniya quvurlar, polipropilen matolar, gilamlar va boshqa mahsulotlar ishlab chiqarishda qo‘llaniladigan xomashyo yetkazib beradi.
Shuningdek, O‘zbekistonda birinchi bo‘lib yashil vodorod ishlab chiqarishni yo‘lga qo‘ygan “MAXAM-CHIRCHIQ” korxonasida hozir 43 turdagi mahsulot tayyorlanmoqda. Ularning 40–50 foizi eksportga yo‘naltirilmoqda. Korxonaning ishlab chiqarish bo‘yicha direktori Rixsibay Uzoqov Sputnik O‘zbekiston muxbiriga ma’lum qilishicha, zavod kichik tonnajli kimyo sohasini rivojlantirish, jumladan, azot, fosfor va kaliyni o‘z ichiga olgan NPK o‘g‘itlar ishlab chiqarishni kengaytirishni rejalashtirmoqda.

Ma’lumot uchun: 18–19 noyabr kunlari Toshkentda “Azot Sintezgaz. O‘zbekiston va MDH” V xalqaro kongressi bo‘lib o‘tmoqda. Unda gaz-kimyo sanoati vakillari, investorlar hamda texnologik kompaniyalar yangi investitsiya loyihalari, ishlab chiqarishni modernizatsiya qilish, sun’iy intellektni joriy etish va xalqaro hamkorlik masalalarini muhokama qilmoqda.

KengaytirishYig‘ishtirish
XIII Forum-vistavka Goszakaz – za chestnie zakupki - Sputnik O‘zbekiston, 1920, 18.11.2026
Rossiyadan O‘zbekistonga agromahsulotlar eksporti 1,6 barobarga oshdi
Yangiliklar lentasi
0