https://oz.sputniknews.uz/20261103/tashkent-metro-61703481.html
Toshkent metrosi 2030-yilgacha 103 kilometrga yetkaziladi — yana 29 ta bekat ochiladi
Toshkent metrosi 2030-yilgacha 103 kilometrga yetkaziladi — yana 29 ta bekat ochiladi
Sputnik O‘zbekiston
Toshkent metrosida 2030-yilgacha 29 ta yangi bekat qurilib, tarmoq 103 kilometrga yetkaziladi. Kunlik yo‘lovchilar sonini 1,8 millionga oshirish, 2027-yilda esa 14 ta yangi poyezd xarid qilish rejalashtirilgan.
2026-11-03T14:52+0500
2026-11-03T14:52+0500
2026-11-03T16:17+0500
metro
jamoat transporti
raqamli texnologiyalar
toshkent
https://cdn1.img.sputniknews.uz/img/07ea/05/0d/57527864_205:399:3137:2048_1920x0_80_0_0_be99019d003dcd390a727d163d6d111f.jpg
TOShKENT, 3 noya — Sputnik. Toshkent metropolitenida 2030-yilgacha yana 29 ta yangi bekat qurish va tarmoqni 32 kilometrga kengaytirish rejalashtirilgan. Bu haqda "Toshkent metropoliteni" AJ boshqaruvi raisi o‘rinbosari Yuldash Yusupov matbuot anjumanida ma’lum qildi, deb xabar berdi Sputnik O‘zbekiston muxbiri.Uning so‘zlariga ko‘ra, 2030-yilga borib metro bekatlari soni 79 taga, yo‘nalishlarning umumiy uzunligi 103 kilometrga yetkaziladi. Kunlik yo‘lovchilar oqimi 1,8 million nafarga oshirilishi, poyezdlar harakati intervali esa 2–3 daqiqagacha qisqartirilishi belgilangan.Yusupov so‘nggi yillarda metropoliten tarmog‘i sezilarli darajada kengayganini ta’kidladi. Yo‘lovchilar soni to‘rt baravar oshdiMetropoliten ma’lumotlariga ko‘ra, 2021-yilda metro kuniga o‘rtacha 280–300 ming nafar yo‘lovchiga xizmat ko‘rsatgan bo‘lsa, 2026-yilda bu ko‘rsatkich 1,2 million nafardan oshgan.Yo‘lovchilar sonining ortishi munosabati bilan poyezdlar parki ham kengaytirilmoqda. Xususan, 2027-yilda yana 14 ta besh vagonli zamonaviy poyezd tarkibini xarid qilish rejalashtirilgan.Ayni paytda poyezdlar harakati intervali ham qisqartirilgan:Shuningdek, bekatlarning o‘tkazuvchanlik imkoniyatlarini oshirish ishlari davom etmoqda. Masalan, "Chinor" bekatida turniketlar soni 6 tadan 13 taga yetkazilib, kunlik xizmat ko‘rsatish quvvati 15–20 ming nafardan 35–40 ming nafargacha oshirildi. Bekatda to‘rtta yuqori sig‘imli lift ham o‘rnatildi.2030 yilgacha belgilangan maqsadlarga erishish uchun metro infratuzilmasini kengaytirish, yangi poyezdlar xarid qilish va xususiy investitsiyalarni jalb etish ishlari davom ettiriladi.
https://oz.sputniknews.uz/20260526/metro-yonalish-loyiha-57869806.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
metro, jamoat transporti, raqamli texnologiyalar, toshkent
metro, jamoat transporti, raqamli texnologiyalar, toshkent
Toshkent metrosi 2030-yilgacha 103 kilometrga yetkaziladi — yana 29 ta bekat ochiladi
14:52 03.11.2026 (yangilandi: 16:17 03.11.2026) Kunlik yo‘lovchilar oqimini 1,8 million nafarga oshirish rejalashtirilgan.
TOShKENT, 3 noya — Sputnik. Toshkent metropolitenida 2030-yilgacha yana 29 ta yangi bekat qurish va tarmoqni 32 kilometrga kengaytirish rejalashtirilgan. Bu haqda "Toshkent metropoliteni" AJ boshqaruvi raisi o‘rinbosari Yuldash Yusupov matbuot anjumanida ma’lum qildi, deb xabar berdi
Sputnik O‘zbekiston muxbiri.
Uning so‘zlariga ko‘ra, 2030-yilga borib metro bekatlari soni 79 taga, yo‘nalishlarning umumiy uzunligi 103 kilometrga yetkaziladi. Kunlik yo‘lovchilar oqimi 1,8 million nafarga oshirilishi, poyezdlar harakati intervali esa 2–3 daqiqagacha qisqartirilishi belgilangan.
Yusupov so‘nggi yillarda metropoliten tarmog‘i sezilarli darajada kengayganini ta’kidladi.
Deyarli 40-yil davomida 29 ta bekat va 38 kilometrlik yo‘nalishlardan iborat bo‘lgan metro tarmog‘iga so‘nggi yetti yilda 21 ta bekat va 33 kilometr yangi yo‘l qo‘shildi. Natijada hozirda 50 ta bekat faoliyat yuritmoqda, tarmoqning umumiy uzunligi 71 kilometrga yetgan.
Yo‘lovchilar soni to‘rt baravar oshdi
Metropoliten ma’lumotlariga ko‘ra, 2021-yilda metro kuniga o‘rtacha 280–300 ming nafar yo‘lovchiga xizmat ko‘rsatgan bo‘lsa, 2026-yilda bu ko‘rsatkich 1,2 million nafardan oshgan.
Yo‘lovchilar sonining ortishi munosabati bilan poyezdlar parki ham kengaytirilmoqda. Xususan, 2027-yilda yana 14 ta besh vagonli zamonaviy poyezd tarkibini xarid qilish rejalashtirilgan.
Ayni paytda poyezdlar harakati intervali ham qisqartirilgan:
Chilonzor yo‘nalishida — 5 daqiqadan 1,5–2 daqiqagacha;
O‘zbekiston yo‘nalishida — 6 daqiqadan 3 daqiqagacha;
Yunusobod yo‘nalishida — 11 daqiqadan 4 daqiqagacha;
Yer usti halqa yo‘lida — 12 daqiqadan 8 daqiqagacha.
Shuningdek, bekatlarning o‘tkazuvchanlik imkoniyatlarini oshirish ishlari davom etmoqda. Masalan, "Chinor" bekatida turniketlar soni 6 tadan 13 taga yetkazilib, kunlik xizmat ko‘rsatish quvvati 15–20 ming nafardan 35–40 ming nafargacha oshirildi. Bekatda to‘rtta yuqori sig‘imli lift ham o‘rnatildi.
Metropolitenda raqamli xizmatlar ham kengaytirilmoqda. Bekatlarda Wi-Fi, tunnellarda mobil aloqa imkoniyatlari yaxshilanmoqda. Yo‘l haqini bank kartalari, mobil ilovalar, ATTO, "Face Pay" va "Palm Pay" orqali to‘lash mumkin.
2030 yilgacha belgilangan maqsadlarga erishish uchun metro infratuzilmasini kengaytirish, yangi poyezdlar xarid qilish va xususiy investitsiyalarni jalb etish ishlari davom ettiriladi.
