https://oz.sputniknews.uz/20261101/ozbekiston-va-indoneziya-savdoni-kengaytirmoqchi-qoshma-qomita-va-290-mln-aholisi-bor-bozor-61653987.html
O‘zbekiston va Indoneziya savdoni kengaytirmoqchi: qo‘shma qo‘mita va 290 mln aholisi bor bozor
O‘zbekiston va Indoneziya savdoni kengaytirmoqchi: qo‘shma qo‘mita va 290 mln aholisi bor bozor
Sputnik O‘zbekiston
Indoneziya O‘zbekistondan quruq meva import qilish imkoniyatini ko‘rib chiqmoqda. 290 millionga yaqin aholisi bor mamlakat bilan savdo va oziq-ovqat bo‘yicha qo‘shma qo‘mita tuzishga kelishildi. O‘zaro savdo 181,4 mln dollarga yetgan.
2026-11-01T09:33+0500
2026-11-01T09:33+0500
2026-11-01T09:33+0500
oziq-ovqat
iqtisod
import
eksport
jamshid xodjayev
investitsiya
investitsiyalar, sanoat va savdo vazirligi
aviareys
https://cdn1.img.sputniknews.uz/img/07ea/0b/01/61653631_0:63:1200:738_1920x0_80_0_0_9c8014788aac45f735ac00c2534befbb.jpg
TOShKENT, 1 noya — Sputnik. O‘zbekiston va Indoneziya oziq-ovqat xavfsizligi, savdo va investitsiyalar sohasidagi hamkorlikni rivojlantirish uchun qo‘shma hukumatlararo qo‘mita tashkil etishga kelishib oldi. Bu haqda Indoneziyaning ANTARA axborot agentligi mamlakat hukumati ma’lumotlariga tayanib xabar berdi.Qo‘mitaning vazifasi erishilgan kelishuvlarni amalga oshirish va qo‘shma iqtisodiy loyihalarni muvofiqlashtirishdan iborat bo‘ladi.29 oktabr kuni Toshkentda O‘zbekiston bosh vaziri o‘rinbosari Jamshid Xodjayev va Indoneziyaning oziq-ovqat masalalari bo‘yicha muvofiqlashtiruvchi vaziri Zulkifli Hasan o‘rtasida muzokaralar bo‘lib o‘tgan.Indoneziya tomoni taqdim etgan ma’lumotlarga ko‘ra, 2025-yilda ikki mamlakat o‘rtasidagi tovar ayirboshlash hajmi 181,4 mln dollarni tashkil etgan. Bu 2021-yilga nisbatan 48,9 foizga ko‘p.Jumladan, Indoneziyaning O‘zbekistonga eksporti 72,6 mln dollar, O‘zbekistondan importi esa 108,8 mln dollarga yetgan.Avvalroq O‘zbekiston va Indoneziya qishloq xo‘jaligi mahsulotlari savdosini kengaytirish, fitosanitariya ruxsatnomalarini rasmiylashtirishni tezlashtirish, qandolatchilik korxonasi va donni saqlash hamda qayta ishlash terminalini tashkil etish masalalarini muhokama qilgan edi.Bundan tashqari, 30-oktabr kuni Indoneziya vaziri Zulkifli Hasan O‘zbekiston Ekologiya va iqlim o‘zgarishi milliy qo‘mitasi raisi Aziz Abduhakimov bilan uchrashdi. Tomonlar chiqindilardan elektr energiyasi ishlab chiqarish, barqaror qishloq xo‘jaligi va atrof-muhitni muhofaza qilish sohalarida qo‘shma loyihalarni amalga oshirish imkoniyatlarini muhokama qildi.
https://oz.sputniknews.uz/20260514/uzbekistan-indonesia-islom-moliya-muhokama-57558962.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
oziq-ovqat, iqtisod, import, eksport, jamshid xodjayev, investitsiya, investitsiyalar, sanoat va savdo vazirligi, aviareys
oziq-ovqat, iqtisod, import, eksport, jamshid xodjayev, investitsiya, investitsiyalar, sanoat va savdo vazirligi, aviareys
O‘zbekiston va Indoneziya savdoni kengaytirmoqchi: qo‘shma qo‘mita va 290 mln aholisi bor bozor
O‘zbekiston va qariyb 290 mln aholisi bor Indoneziya savdo va oziq-ovqat bo‘yicha qo‘shma qo‘mita tuzadi. Dunyoda eng ko‘p musulmon yashaydigan bu mamlakatga quruq meva eksporti ham muhokama qilindi
TOShKENT, 1 noya — Sputnik. O‘zbekiston va Indoneziya oziq-ovqat xavfsizligi, savdo va investitsiyalar sohasidagi hamkorlikni rivojlantirish uchun qo‘shma hukumatlararo qo‘mita tashkil etishga kelishib oldi. Bu haqda Indoneziyaning ANTARA axborot agentligi mamlakat hukumati ma’lumotlariga tayanib
xabar berdi.
Qo‘mitaning vazifasi erishilgan kelishuvlarni amalga oshirish va qo‘shma iqtisodiy loyihalarni muvofiqlashtirishdan iborat bo‘ladi.
29 oktabr kuni Toshkentda O‘zbekiston bosh vaziri o‘rinbosari Jamshid Xodjayev va Indoneziyaning oziq-ovqat masalalari bo‘yicha muvofiqlashtiruvchi vaziri Zulkifli Hasan o‘rtasida muzokaralar bo‘lib o‘tgan.
Uchrashuvda O‘zbekistonda yetishtirilgan quruq mevalarni Indoneziyaga yetkazib berish imkoniyatlari muhokama qilingan.
Indoneziya tomoni taqdim etgan ma’lumotlarga ko‘ra, 2025-yilda ikki mamlakat o‘rtasidagi tovar ayirboshlash hajmi 181,4 mln dollarni tashkil etgan. Bu 2021-yilga nisbatan 48,9 foizga ko‘p.
Jumladan, Indoneziyaning O‘zbekistonga eksporti 72,6 mln dollar, O‘zbekistondan importi esa 108,8 mln dollarga yetgan.
Avvalroq O‘zbekiston va Indoneziya qishloq xo‘jaligi mahsulotlari savdosini kengaytirish, fitosanitariya ruxsatnomalarini rasmiylashtirishni tezlashtirish, qandolatchilik korxonasi va donni saqlash hamda qayta ishlash terminalini tashkil etish masalalarini muhokama qilgan edi.
Shuningdek, 2026-yil 2-martda boshlangan erkin savdo kelishuvi bo‘yicha muzokaralar davom etmoqda. Toshkent va Jakarta o‘rtasida to‘g‘ridan-to‘g‘ri aviaqatnovlarni yo‘lga qo‘yish ham rejalashtirilgan.
Bundan tashqari, 30-oktabr kuni Indoneziya vaziri Zulkifli Hasan O‘zbekiston Ekologiya va iqlim o‘zgarishi milliy qo‘mitasi raisi Aziz Abduhakimov bilan uchrashdi. Tomonlar chiqindilardan elektr energiyasi ishlab chiqarish, barqaror qishloq xo‘jaligi va atrof-muhitni muhofaza qilish sohalarida qo‘shma loyihalarni amalga oshirish imkoniyatlarini muhokama qildi.
Ma’lumot uchun, Indoneziya aholisi 288 million atrofida bo‘lib, uning 87 foizdan ortig‘i islom diniga e’tiqod qiladi. Mamlakat dunyoda musulmonlar soni eng ko‘p bo‘lgan davlat hisoblanadi.
