An’analar va realizm: Toshkentda Turkmaniston rassomlari ko‘rgazmasi ochildi
An’analar va realizm: Toshkentda Turkmaniston rassomlari ko‘rgazmasi ochildi
Sputnik O‘zbekiston
XI Toshkent biyennalesi doirasida Benkov nomidagi maktab galereyasida turkmanistonlik musavvirlarning 30 dan ziyod realistik asari ko‘rgazmasi ochildi.
TOShKENT, 15 okt — Sputnik. Bugun O‘zbekiston Badiiy akademiyasi Badiiy ko‘rgazmalar direksiyasi tashabbusi bilan Pavel Benkov nomidagi ixtisoslashtirilgan rassomlik maktabi galereyasida "Voqealar ufqi" XI Toshkent xalqaro zamonaviy san’at biyennalesi doirasida navbatdagi noyob ko‘rgazma tantanali ravishda o‘z eshiklarini ochdi.Ko‘rgazma maydonchasida Turkmanistonning taniqli rassomlari — Azat Muradov, Guncha Muradova va Toyli Chopanovning realistik yo‘nalishda yaratilgan 30 dan ortiq eng sara ijodiy ishlari o‘rin olgan. Biyennalening "Voqealar ufqi" deb nomlangan umumiy konsepsiyasi aniq o‘tmish va noaniq kelajak bo‘sag‘asini ifodalagan holda, har qanday zamonaviy va konseptual san’at qatlamlari zamirida, eng avvalo, akademik poydevor yotishini yaqqol namoyon etadi.Ko‘rgazma ishtirokchisi Azat Muradov akademik maktabning ahamiyati haqida fikr bildirar ekan, quyidagilarni ta’kidlab o‘tdi:Mazkur tadbir maktabning yosh iqtidorlari uchun bebaho jonli darslik va ulkan ruhiy rag‘bat manbaiga aylandi. Tajribali ustalarning polotnolari yoshlarga rangshunoslik, puxta tasvir va akademik baza har qanday jasur g‘oyani mukammal ko‘rinishga keltirishda qanchalik zarurligini amalda isbotlaydi.Musavvir Toyli Chopanov ham ijodiy muloqot va yoshlar bilan bog‘liqlikni alohida e’tirof etdi:Mazkur ekspozitsiya milliy an’analar, mualliflik uslubi va akademik maktab uyg‘unligini namoyish etib, biyennale tadbirlari orasida alohida o‘rin egalladi.
XI Toshkent biyennalesi doirasida Benkov nomidagi maktab galereyasida turkmanistonlik musavvirlarning 30 dan ziyod realistik asari ko‘rgazmasi ochildi.
TOShKENT, 15 okt — Sputnik. Bugun O‘zbekiston Badiiy akademiyasi Badiiy ko‘rgazmalar direksiyasi tashabbusi bilan Pavel Benkov nomidagi ixtisoslashtirilgan rassomlik maktabi galereyasida "Voqealar ufqi" XI Toshkent xalqaro zamonaviy san’at biyennalesi doirasida navbatdagi noyob ko‘rgazma tantanali ravishda o‘z eshiklarini ochdi.
Ko‘rgazma maydonchasida Turkmanistonning taniqli rassomlari — Azat Muradov, Guncha Muradova va Toyli Chopanovning realistik yo‘nalishda yaratilgan 30 dan ortiq eng sara ijodiy ishlari o‘rin olgan. Biyennalening "Voqealar ufqi" deb nomlangan umumiy konsepsiyasi aniq o‘tmish va noaniq kelajak bo‘sag‘asini ifodalagan holda, har qanday zamonaviy va konseptual san’at qatlamlari zamirida, eng avvalo, akademik poydevor yotishini yaqqol namoyon etadi.
Ko‘rgazma ishtirokchisi Azat Muradov akademik maktabning ahamiyati haqida fikr bildirar ekan, quyidagilarni ta’kidlab o‘tdi:
"Akademik mahorat ijodkorni aslo cheklab qo‘ymaydi, balki unga haqiqiy erkinlik beradi. Kompozitsiya qonuniyatlari, mukammal chizgilar va rangtasvir ilmini chuqur egallamasdan turib, zamonaviy san’at olamida dadil va ta’sirchan g‘oyalarni to‘laqonli ifoda etib bo‘lmaydi".
Mazkur tadbir maktabning yosh iqtidorlari uchun bebaho jonli darslik va ulkan ruhiy rag‘bat manbaiga aylandi. Tajribali ustalarning polotnolari yoshlarga rangshunoslik, puxta tasvir va akademik baza har qanday jasur g‘oyani mukammal ko‘rinishga keltirishda qanchalik zarurligini amalda isbotlaydi.
Musavvir Toyli Chopanov ham ijodiy muloqot va yoshlar bilan bog‘liqlikni alohida e’tirof etdi:
"O‘z asarlarimizni uzoq yillik akademik ta’lim an’analariga ega ushbu muazzam bilim dargohida taqdim etayotganimizdan bag‘oyat mamnunmiz. Biz milliy o‘ziga xoslik va realistik an’analar orqali zamonamiz nafasini aks ettirib, yosh avlodga san’atdagi tinimsiz mehnatning qadrini ko‘rsatishni maqsad qildik".
Mazkur ekspozitsiya milliy an’analar, mualliflik uslubi va akademik maktab uyg‘unligini namoyish etib, biyennale tadbirlari orasida alohida o‘rin egalladi.
