Rossiya teatri ilk bor “To‘rt yurak — Do‘stlik ko‘prigi” festivalida ishtirok etmoqda
© Sputnik / Aleksandra Terexina
Obuna bo‘lish
Eksklyuziv
Festival doirasida mahorat darslari, teatr sahnalashtirishlari, munozara va muhokamalar o‘tkazilmoqda. Bu san’at sohasida xalqaro hamkorlikni rivojlantirish, teatr jamoalarini qo‘llash hamda yoshlarning professional tajriba orttirish imkoniyatlarini kengaytirishga yordam beradi.
TOShKENT, 14 okt – Sputnik. Toshkentda “To‘rt yurak — Do‘stlik ko‘prigi” nomli rus drama teatrlarining xalqaro festivali ochildi. Uni O‘zbekistondagi Rossotrudnichestvo vakolatxonasi tashkil etdi.
Festivalda Qozog‘iston, Qirg‘iziston, Tojikiston va O‘zbekiston teatrlari rahbarlari, rejissorlari hamda aktorlari qatnashmoqda, shuningdek, ilk bor Rossiyadan ham ishtirokchilar — Permning “U Mosta” drama teatri tashrif buyurgan.
Festivalning birinchi kunida Toshkentdagi Rus uyida “Rus teatrlarining do‘stlik ko‘prigi” mavzusida panel muhokamasi bo‘lib o‘tdi. Unda O‘zbekistondagi Rossotrudnichestvo vakolatxonasi rahbari Irina Staroselskaya va festival kuratori Irina Xilkova ishtirok etdi.
V Tashkente otkrilsya mejdunarodniy festival russkix dramaticheskix teatrov "Serdsa chetirex — Most drujbi"
© Sputnik / Aleksandra Terexina
Munozara doirasida Qostanay viloyat rus drama teatri direktori Yuriy Ivlev “MONOFEST” xalqaro monospektakllar festivalini o‘tkazish tajribasini baham ko‘rib, bugungi kunda Qozog‘iston tomoshabinlari uchun qanday spektakllar eng dolzarb ekani haqida so‘z yuritdi. Dunyodagi ilk mistik teatr hisoblangan “U Mosta” (“Ko‘prik oldida”) qanday tashkil etilgani va bugungi hayoti haqida esa uning badiiy rahbari Sergey Fedotov gapirib berdi.
V Tashkente otkrilsya mejdunarodniy festival russkix dramaticheskix teatrov "Serdsa chetirex — Most drujbi"
© Sputnik / Aleksandra Terexina
Vladimir Mayakovskiy nomidagi Davlat rus drama teatri direktori Munira Dadayeva Tojikistondagi ish tajribasi bilan bo‘lishdi, Chingiz Aytmatov nomidagi Rus drama teatri direktori Sergey Bardakov esa 2027-yilda Qirg‘izistonda o‘tkaziladigan teatr festivalini e’lon qildi. Muloqotga boshqa ishtirokchilar ham qo‘shildi.
“Biz uchun bu muhokama, bu munozaralar juda muhim, chunki unda biz nafaqat fikr almashish, balki bir-birimizni yanada yaqindan bilishni istaymiz: yoshlarni teatrga qanday jalb qilish, teatr ular uchun qiziqarli bo‘lishiga qanday erishish, qolaversa, qo‘shma teatr loyihalarini, jumladan, yoshlar loyihalarini qanday amalga oshirish yo‘llarini bilib olmoqchimiz”, — dedi Irina Staroselskaya Sputnik O‘zbekiston muxbiriga bergan intervyusida.
Panel munozarasidan so‘ng teatrshunos, san’atshunoslik fanlari nomzodi, Rossiya davlat sahna san’ati instituti Rus teatri kafedrasi dotsenti Aleksandr Platunov festival ishtirokchilari uchun xorijdagi rus teatrlarining repertuar siyosati haqida onlayn ma’ruza o‘tkazdi.
V Tashkente otkrilsya mejdunarodniy festival russkix dramaticheskix teatrov "Serdsa chetirex — Most drujbi"
© Sputnik / Aleksandra Terexina
O‘sha kuni ta’lim dasturi ham boshlandi. U Butunrossiya davlat kinematografiya instituti (VGIK) professori va Rossiya teatr san’ati instituti (GITIS) dotsenti Irina Avtushenkoning sahna nutqi bo‘yicha mahorat darsi bilan ochildi.
Oqshomda esa O‘zbekiston davlat yosh tomoshabinlar teatri sahnasida “Masxaraboz-shou” spektakli festivalning teatr dasturini tantanali ravishda ochib beradi.
“Ijodiy ko‘prik juda muhim — turli mamlakatlardanmiz, hammamiz birgamiz, har xilmiz, barchamiz iqtidorli va noyobmiz. Biz quvonchli ijodiy lahzalarimiz hamda teatrlarni tashvishga solayotgan muammolar haqida suhbatlashish, fikrlashish uchun uchrashamiz. Ushbu festivalda dasturlarimiz juda xilma-xil. Asosi — ta’lim dasturi, ammo eng muhimi — muloqot va o‘zaro fikr almashish”, — dedi Irina Xilkova.
Ushbu festivalning o‘tkazilishi O‘zbekiston uchun san’at sohasidagi xalqaro hamkorlikni rivojlantirish, o‘z teatr jamoalarini qo‘llab-quvvatlash hamda yoshlarning professional tajriba orttirish imkoniyatlarini kengaytirishda muhim imkoniyatdir.
