YeOIIda sifat nazorati va kontrafaktdan himoya qilish tizimi modernizatsiya qilinmoqda
© Press-slujba YeEK
Obuna bo‘lish
Gap bozorni muvofiqlikni baholash to‘g‘risidagi ishonchsiz hujjatlarga ega kontrafakt mahsulotlardan himoya qilishga qaratilgan kompleks chora-tadbirlarni tayyorlash haqida bormoqda.
TOShKENT, 13 okt – Sputnik. Yevroosiyo iqtisodiy ittifoqida (YeOII) sifat nazorati va kontrafaktdan himoya qilish tizimini modernizatsiya qilishni Yevroosiyo iqtisodiy komissiyasi (YeIK) texnik jihatdan tartibga solish vaziri Aleksandr Subbotin va Rosakkreditatsiya rahbari Dmitriy Volvach muhokama qildi.
“Bizning vazifamiz – xavfli yoki meyorlarga javob bermaydigan tovarni muomalaga chiqarish deyarli imkonsiz bo‘ladigan tizim yaratish”, - dedi Subbotin uchrashuvda.
Bozor ishtirokchilari tomonidan yuzaga kelishi mumkin bo‘lgan qoidabuzarliklarga tezkor javob berish uchun YeIK bo‘lajak o‘zgarishlarni ikki blokka bo‘lishni taklif qilmoqda.
Birinchisi YeOII integratsiyalashgan axborot tizimi mexanizmlari ishga tushirilgunga qadar amalga oshirilishi mumkin bo‘lgan chora-tadbirlarni o‘z ichiga oladi.
Taklif qilinmoqda:
vakolatli organlar hamkorligining vaqtinchalik tartibini belgilash;
hujjatlar almashish va shikoyatlarni ko‘rib chiqish tartib-taomillarini soddalashtirish;
yagona reyestrlardagi ma’lumotlarning ishonchliligini oshirish.
Bu ittifoq davlatlarining sertifikatlashtirish organlari va sinov laboratoriyalari ishidagi qoidabuzarliklarni tezkor aniqlash imkonini beradi.
Ushbu blokda 2018-yildan beri amalda bo‘lgan YeOII davlatlarining akkreditatsiya organlari rahbarlari kengashi to‘g‘risidagi nizomga o‘zgartirishlar loyihasiga alohida e’tibor qaratilgan.
Kengashga milliy idoralar o‘rtasidagi kelishmovchiliklarni hal qilish uchun majburiy maslahatlashuvlar o‘tkazish, bunday uchrashuvlar tartibini tasdiqlash va ularning materiallarini komissiyaga yuborish vakolatini berish rejalashtirilgan.
Bu mexanizm nizoli vaziyatlarni professional ko‘rib chiqishni tezlashtiradi va nazorat qiluvchi organlar harakatlarining uyg‘unligini ta’minlaydi.
Ikkinchi blok quyidagilarni nazarda tutadi:
huquqiy tartibga solishda uzoq muddatli o‘zgarishlar;
akkreditatsiya organlari va davlat nazorati organlarining o‘zaro hamkorlik qilish sohasidagi tartibga solishni tizimlashtirish;
sinov bayonnomalarini hisobga olishni huquqiy tartibga solish;
javobgarlik to‘g‘risidagi milliy qonunchilikni takomillashtirish.
“Xaridor qadoqdagi YeOII sertifikati belgisi tovarning haqiqiy sifatiga mos kelishiga va bozorimizda raqobat halol olib borilayotganiga ishonch hosil qilishi kerak”, - dedi Subbotin.
Maslahatlashuvlar va zarur tartib-taomillardan o‘tgandan so‘ng chora-tadbirlar majmuasi Yevroosiyo hukumatlararo kengashiga tasdiqlash uchun taqdim etiladi.
YeOII
Yevroosiyo iqtisodiy ittifoqi (YeOII) - 2015-yil 1-yanvardan faoliyat yuritib kelayotgan xalqaro iqtisodiy birlashma. Ittifoqqa hozir Rossiya, Armaniston, Belarus, Qozog‘iston va Qirg‘iziston a’zodir. O‘zbekiston 2020-yilda YeOIIda kuzatuvchi maqomini oldi. Kuba, Eron ham kuzatuvchi maqomiga ega.
