Rossiya Qurolli kuchlari Zaporojye viloyatida yirik hududni ozod qildi
© Sputnik / Yevgeniy Biyatov
/ Obuna bo‘lish
Chervonaya Krinitsa uchun janglar davomida Ukraina Qurolli kuchlari bir rota shaxsiy tarkibini yo‘qotdi.
TOShKENT, 1 sen — Sputnik. Rossiya Qurolli kuchlari Zaporojye viloyatida ikkita aholi punktini ozod qildi, deb xabar qildi mamlakat Mudofaa vazirligi.
"Dnepr" kuchlar guruhi bo‘linmalarining qat’iy harakatlari natijasida Novopavlovka ozod qilindi.
"Sharq" qo‘shinlar guruhi hujum bo‘linmalari Zaporojye viloyatidagi Chervonaya Krinitsa qishlog‘ini o‘z ichiga olgan yirik hududini nazoratga oldi... Bu 15 kvadrat kilometrdan ortiq mudofaa maydoni bo‘lib u yerda taxminan 100 ta bino bor", deyiladi vazirlik bayonotida.
Ushbu hudud uchun janglar davomida Ukraina Qurolli kuchlari bir rota shaxsiy tarkibini yo‘qotgan.
"Bundan tashqari, to‘rtta zirhli jangovar mashina, to‘rtta avtomobil, 14 ta yer usti robot tizimlari va "Baba Yaga" tipidagi 50 tadan ortiq og‘ir geksakopterlar yo‘q qilindi", deyiladi bayonotda.
Chervonaya Krinitsa qishlog‘ining ozod qilinishi
© Sputnik
Ta’kidlanishicha, Chervonaya Krinitsa qishlog‘ining ozod qilinishi "Sharq" guruhi bo‘linmalariga dushman mudofaasini buzish va bu yo‘nalishda nazorat ostidagi hududlarini kengaytirish imkonini beradi.
Rossiya o‘tgan tunda Ukrainadagi nishonlarga zarba berdi:
Kiyevdagi "Flamingo" raketalari ishlab chiquvchi "Fire Point" zavodi;
Kiyevda "️Aerobavovna" MChJ, uchuvchisiz apparatlarini yetkazib berish va boshqarish uchun aerostatlar ishlab chiqaradigan sanoat korxonasi;
K️iyevdagi harbiy yuklarni yetkazib berish uchun foydalaniladigan "Darnitsa" deposi;
️Xotivda ekipajsiz qayiqlarni yig‘ish, jihozlash va saqlash joyi;
Borispoldagi neft ombori;
Odessada port infratuzilmasini qo‘llab-quvvatlovchi IESga va dron yig‘ish zavodiga;
️Odessa portidagi G‘arb tomonidan yetkazib beriladigan 16 ta qurol-yarog‘ va harbiy texnika saqlash omborlariga va 6 ta yoqilg‘i-moylash baklariga;
Ch️ernomorsk portida UQK foydalangan harbiy texnika omborlariga;
️Orlovkada chegara nazorat punkti va parom bilan o‘tish joyiga.
