YeOII va Xitoy "qog‘ozsiz" yuk tashishni sinab ko‘radi — hukumat raislari yig‘ilishi yakunlari
YeOII va Xitoy "qog‘ozsiz" yuk tashishni sinab ko‘radi — hukumat raislari yig‘ilishi yakunlari
Sputnik O‘zbekiston
YeOII va Xitoy qog‘ozsiz temir yo‘l yuk tashuvlarini sinovdan o‘tkazadi. Ittifoqda oziq-ovqat bilan ta’minlanganlik 93,5 foizga yetdi, umumiy neft bozori bo‘yicha ishlar davom etadi.
TOShKENT, 10 avg — Sputnik. Cho‘lponotada o‘tgan Yevroosiyo hukumatlararo kengashi yig‘ilishida imzolangan uchta bitimdan tashqari, transport, oziq-ovqat xavfsizligi, neft bozori, raqobat va iqlim siyosatiga oid qator masalalar ko‘rib chiqildi. Bu haqda YeIK matbuot xizmati xabar berdi.Avval xabar qilinganidek, YeOII davlatlari elektron savdo, broker va dilerlarni boshqa a’zo davlatlar birjalariga kiritish hamda ilmiy unvonlarni o‘zaro tan olish bo‘yicha uchta bitim imzoladi.Xitoy bilan qog‘ozsiz yuk tashishEOII va Xitoy temir yo‘lda yuk tashishda qog‘oz hujjatlardan voz kechishni sinovdan o‘tkazish bosqichiga o‘tmoqda. 2025-yilda Rossiya va Belarus o‘rtasida yuklarning 94 foizi, Rossiya va Qozog‘iston o‘rtasida esa 81 foizi elektron tashish hujjatlari orqali rasmiylashtirilgan. Oziq-ovqat bilan ta’minlash — 93,5 foizEIK ma’lumotiga ko‘ra, so‘nggi besh yilda YeOIIda qishloq xo‘jaligi mahsulotlari ishlab chiqarish 12,4 foizga o‘sgan, o‘zaro savdo qariyb ikki baravar, eksport esa 40 foizga ko‘paygan. 2025-yilda Ittifoqning oziq-ovqat bilan o‘zini o‘zi ta’minlash darajasi 93,5 foizga yetgan.Hukumat rahbarlari asosiy qishloq xo‘jaligi mahsulotlari bilan barqaror ta’minlash bo‘yicha yangi choralar ishlab chiqishni topshirdi.Neft bozori va raqobatEOII davlatlari neft va neft mahsulotlarining umumiy bozorlarini shakllantirish bo‘yicha xalqaro shartnoma va yagona qoidalarni kelishishni davom ettiradi. YeIK bu yo‘nalishni integratsiyaning asosiy ustuvor vazifalaridan biri deb atadi.Shuningdek, 2025-yilda YeIK transchegaraviy bozorlarda raqobat qoidalari buzilishi bo‘yicha 18 ta murojaatni ko‘rib chiqqan va 22 ta tovar bozorida raqobat holatini baholagan.Yevroosiyo hukumatlararo kengashining navbatdagi yig‘ilishi 1–2 oktabr kunlari Minskda bo‘lib o‘tadi.
Cho‘lponotada transport, oziq-ovqat xavfsizligi, neft bozori, raqobat va iqlim siyosati bo‘yicha yangi vazifalar belgilandi.
TOShKENT, 10 avg — Sputnik. Cho‘lponotada o‘tgan Yevroosiyo hukumatlararo kengashi yig‘ilishida imzolangan uchta bitimdan tashqari, transport, oziq-ovqat xavfsizligi, neft bozori, raqobat va iqlim siyosatiga oid qator masalalar ko‘rib chiqildi. Bu haqda YeIK matbuot xizmati xabar berdi.
Avval xabar qilinganidek, YeOII davlatlari elektron savdo, broker va dilerlarni boshqa a’zo davlatlar birjalariga kiritish hamda ilmiy unvonlarni o‘zaro tan olish bo‘yicha uchta bitim imzoladi.
Xitoy bilan qog‘ozsiz yuk tashish
YeOII va Xitoy temir yo‘lda yuk tashishda qog‘oz hujjatlardan voz kechishni sinovdan o‘tkazish bosqichiga o‘tmoqda. 2025-yilda Rossiya va Belarus o‘rtasida yuklarning 94 foizi, Rossiya va Qozog‘iston o‘rtasida esa 81 foizi elektron tashish hujjatlari orqali rasmiylashtirilgan.
Joriy yilda Rossiya va Xitoy o‘rtasida elektron yuk xati asosida tajriba tashuvlari o‘tkaziladi. Bu tovarlarni yetkazish vaqti va xarajatlarini qisqartirishga qaratilgan.
Oziq-ovqat bilan ta’minlash — 93,5 foiz
YeIK ma’lumotiga ko‘ra, so‘nggi besh yilda YeOIIda qishloq xo‘jaligi mahsulotlari ishlab chiqarish 12,4 foizga o‘sgan, o‘zaro savdo qariyb ikki baravar, eksport esa 40 foizga ko‘paygan. 2025-yilda Ittifoqning oziq-ovqat bilan o‘zini o‘zi ta’minlash darajasi 93,5 foizga yetgan.
Hukumat rahbarlari asosiy qishloq xo‘jaligi mahsulotlari bilan barqaror ta’minlash bo‘yicha yangi choralar ishlab chiqishni topshirdi.
Neft bozori va raqobat
YeOII davlatlari neft va neft mahsulotlarining umumiy bozorlarini shakllantirish bo‘yicha xalqaro shartnoma va yagona qoidalarni kelishishni davom ettiradi. YeIK bu yo‘nalishni integratsiyaning asosiy ustuvor vazifalaridan biri deb atadi.
Shuningdek, 2025-yilda YeIK transchegaraviy bozorlarda raqobat qoidalari buzilishi bo‘yicha 18 ta murojaatni ko‘rib chiqqan va 22 ta tovar bozorida raqobat holatini baholagan.
Yig‘ilishda uchinchi davlatlarning iqlim va uglerod tartibga solish choralari YeOII savdosiga salbiy ta’sirini kamaytirish bo‘yicha takliflar ham taqdim etildi.
Yevroosiyo hukumatlararo kengashining navbatdagi yig‘ilishi 1–2 oktabr kunlari Minskda bo‘lib o‘tadi.
YeOII
Yevroosiyo iqtisodiy ittifoqi (YeOII) - 2015-yil 1-yanvardan faoliyat yuritib kelayotgan xalqaro iqtisodiy birlashma. Ittifoqqa hozir Rossiya, Armaniston, Belarus, Qozog‘iston va Qirg‘iziston a’zodir. O‘zbekiston 2020-yilda YeOIIda kuzatuvchi maqomini oldi. Moldova, Kuba, Eron ham kuzatuvchi maqomiga ega.
