https://oz.sputniknews.uz/20260712/jch-mojaro-tanqidlar-58995357.html
JCh-2026da shov-shuvga sabab bo‘lgan sakkizta mojaro — musobaqa nega tanqidlar ostida qoldi?
JCh-2026da shov-shuvga sabab bo‘lgan sakkizta mojaro — musobaqa nega tanqidlar ostida qoldi?
Sputnik O‘zbekiston
JCh-2026 hakamlik qarorlari, siyosiy aralashuv, irqchilik, osmono‘par chipta narxlari va reklama bilan bog‘langan suv ichish tanaffuslari sabab tanqid qilindi. Musobaqaning sakkizta asosiy mojarosini jamladik.
2026-07-12T16:12+0500
2026-07-12T16:12+0500
2026-07-12T16:12+0500
jahon chempionati
futbol bo‘yicha jch-2026
futbol
lionel messi
donald tramp
sport
https://cdn1.img.sputniknews.uz/img/07e5/01/14/15824400_0:0:3505:1972_1920x0_80_0_0_d02074bdd3b9ab231d9eba6207143229.jpg
2026 yilgi futbol bo‘yicha jahon chempionati nafaqat kutilmagan natijalar, balki hakamlik, siyosiy aralashuv, irqchilik, chiptalar narxi va musobaqaning haddan tashqari tijoratlashuvi bilan bog‘liq bahslar bilan ham yodda qolmoqda.Quyida JCh-2026 davomida eng ko‘p muhokama qilingan sakkizta asosiy mojaroni jamladik.1. Trampning FIFA rahbariga qo‘ng‘irog‘iAQSh hujumchisi Folarin Balogun Bosniya va Gersegovinaga qarshi o‘yinda qizil kartochka oldi. Keyinchalik uning avtomatik bir o‘yinlik diskvalifikatsiyasi bir yillik sinov muddati bilan kechiktirildi va futbolchi Belgiyaga qarshi maydonga tushish imkoniga ega bo‘ldi.AQSh prezidenti Donald Tramp FIFA prezidenti Janni Infantino bilan gaplashib, qarorni qayta ko‘rib chiqishni so‘raganini tasdiqladi. Bu holat siyosatning futbol qarorlariga ta’siri haqidagi bahslarni kuchaytirdi. UYeFA esa FIFA qarorini keskin tanqid qildi.2. Mbappega irqiy haqoratFransiya Paragvayni mag‘lub etgach, paragvaylik senator Seleste Amarilya Kilian Mbappeni teri rangi va afrikalik kelib chiqishi sabab haqorat qildi. U futbolchini "kamerunlik" deb atab, irqchilik ruhidagi qo‘pol iboralarni ishlatdi.Mbappe senatorni lavozimiga nomunosib deb atadi. Fransiya futbol federatsiyasi esa sudga murojaat qilishini bildirdi.3. Misr Argentinaga qarshi o‘yindan keyin FIFAga shikoyat qildiMisr nimchorak finalda Argentinaga 2:0 hisobida oldinda borayotgan bo‘lsa-da, yakunda 2:3 hisobida mag‘lub bo‘ldi. Mustafo Zikoning goli VAR orqali bekor qilindi, o‘yin oxirida misrliklar talab qilgan penalti esa belgilanmadi.Misr futbol assotsiatsiyasi hakamlik qarorlari o‘yin natijasiga bevosita ta’sir qilganini aytib, FIFAga rasmiy shikoyat kiritdi.4. Xorvatiya goli "aqlli to‘p" tufayli bekor qilindiXorvatiya — Portugaliya o‘yinining qo‘shimcha daqiqalarida Yoshko Gvardiol hisobni tenglashtirdi. Biroq to‘p ichiga o‘rnatilgan sensor unga Igor Matanovich juda yengil tekkanini qayd etdi va ofsayd sabab gol bekor qilindi.Inson ko‘zi bilan deyarli sezilmagan teginish qarorga asos bo‘lgani Xorvatiya tomonining noroziligiga sabab bo‘ldi. Luka Modrich texnologiya tanlab qo‘llanayotganini aytdi, Xorvatiya futbol federatsiyasi esa FIFAdan izoh talab qildi.5. Messiga kartochka berilmagan epizodArgentinaning Jazoirga qarshi dastlabki uchrashuvida Lionel Messi raqib himoyachisi Aysa Mandiga orqadan xavfli harakat qildi. Hakam jarima zarbasi belgiladi, ammo Messiga hatto sariq kartochka ham ko‘rsatilmadi.Keyinroq Balogun shunga o‘xshash vaziyatda qizil kartochka olgach, muxlislar va mutaxassislar yulduz futbolchilarga alohida munosabat bo‘layotgani haqida gapira boshladi.6. Gananing Angliyaga qarshi o‘yindagi penalti e’tiroziAngliya va Gana o‘rtasidagi 0:0 hisobida yakunlangan bahsda Ezri Konsa Prins Kvabenaga qarshi havodagi kurashda qoida buzgani aytildi. Biroq hakam penalti belgilamadi, VAR ham epizodni qayta ko‘rib chiqmadi.Gana bosh murabbiyi Karlush Keyrush FIFAni VAR tizimidan foydalanish tartibini qayta ko‘rib chiqishga chaqirdi. Antuan Semeno esa futbolchilar hakamlardan qarorni tekshirishni faolroq talab qilishi kerakligini bildirdi.7. Qimmat chiptalarJCh-2026 chiptalari narxi ham muxlislarning noroziligiga sabab bo‘ldi. Guruh bosqichi chiptalari 140 dollardan, final chiptalari esa 4 ming dollardan boshlandi.Tanqidlardan keyin FIFA 60 dollarlik cheklangan miqdordagi maxsus chiptalarni joriy qildi. Muxlislar tashkilotlari esa narxlarni asossiz yuqori deb baholadi.8. Suv ichish tanaffuslari reklama uchunmi?O‘yinlarning 22 va 67-daqiqalarida uch daqiqalik suv ichish tanaffuslari joriy qilindi. FIFA buni futbolchilar salomatligi bilan izohladi.Biroq telekanallar tanaffus vaqtida reklama namoyish eta boshlagach, qaror tijoriy maqsadda qabul qilingani haqida gumonlar paydo bo‘ldi. FIFA bu iddaolarni rad etdi.
https://oz.sputniknews.uz/20260712/jch-england-norway-galaba-58988313.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
jahon chempionati, futbol bo‘yicha jch-2026, futbol, lionel messi, donald tramp, sport
jahon chempionati, futbol bo‘yicha jch-2026, futbol, lionel messi, donald tramp, sport
JCh-2026da shov-shuvga sabab bo‘lgan sakkizta mojaro — musobaqa nega tanqidlar ostida qoldi?
Bahsli hakamlik, siyosiy aralashuv, irqchilik, qimmat chiptalar va reklamaga aylangan tanaffuslar JCh-2026ning eng ko‘p muhokama qilingan voqealari bo‘ldi.
2026 yilgi futbol bo‘yicha jahon chempionati nafaqat kutilmagan natijalar, balki hakamlik, siyosiy aralashuv, irqchilik, chiptalar narxi va musobaqaning haddan tashqari tijoratlashuvi bilan bog‘liq bahslar bilan ham yodda qolmoqda.
Quyida JCh-2026 davomida eng ko‘p muhokama qilingan sakkizta asosiy mojaroni jamladik.
1. Trampning FIFA rahbariga qo‘ng‘irog‘i
AQSh hujumchisi Folarin Balogun Bosniya va Gersegovinaga qarshi o‘yinda qizil kartochka oldi. Keyinchalik uning avtomatik bir o‘yinlik diskvalifikatsiyasi bir yillik sinov muddati bilan kechiktirildi va futbolchi Belgiyaga qarshi maydonga tushish imkoniga ega bo‘ldi.
AQSh prezidenti Donald Tramp FIFA prezidenti Janni Infantino bilan gaplashib, qarorni qayta ko‘rib chiqishni so‘raganini tasdiqladi. Bu holat siyosatning futbol qarorlariga ta’siri haqidagi bahslarni kuchaytirdi. UYeFA esa FIFA qarorini keskin tanqid qildi.
2. Mbappega irqiy haqorat
Fransiya Paragvayni mag‘lub etgach, paragvaylik senator Seleste Amarilya Kilian Mbappeni teri rangi va afrikalik kelib chiqishi sabab haqorat qildi. U futbolchini "kamerunlik" deb atab, irqchilik ruhidagi qo‘pol iboralarni ishlatdi.
Mbappe senatorni lavozimiga nomunosib deb atadi. Fransiya futbol federatsiyasi esa sudga murojaat qilishini bildirdi.
3. Misr Argentinaga qarshi o‘yindan keyin FIFAga shikoyat qildi
Misr nimchorak finalda Argentinaga 2:0 hisobida oldinda borayotgan bo‘lsa-da, yakunda 2:3 hisobida mag‘lub bo‘ldi. Mustafo Zikoning goli VAR orqali bekor qilindi, o‘yin oxirida misrliklar talab qilgan penalti esa belgilanmadi.
Misr futbol assotsiatsiyasi hakamlik qarorlari o‘yin natijasiga bevosita ta’sir qilganini aytib, FIFAga rasmiy shikoyat kiritdi.
4. Xorvatiya goli "aqlli to‘p" tufayli bekor qilindi
Xorvatiya — Portugaliya o‘yinining qo‘shimcha daqiqalarida Yoshko Gvardiol hisobni tenglashtirdi. Biroq to‘p ichiga o‘rnatilgan sensor unga Igor Matanovich juda yengil tekkanini qayd etdi va ofsayd sabab gol bekor qilindi.
Inson ko‘zi bilan deyarli sezilmagan teginish qarorga asos bo‘lgani Xorvatiya tomonining noroziligiga sabab bo‘ldi. Luka Modrich texnologiya tanlab qo‘llanayotganini aytdi, Xorvatiya futbol federatsiyasi esa FIFAdan izoh talab qildi.
5. Messiga kartochka berilmagan epizod
Argentinaning Jazoirga qarshi dastlabki uchrashuvida Lionel Messi raqib himoyachisi Aysa Mandiga orqadan xavfli harakat qildi. Hakam jarima zarbasi belgiladi, ammo Messiga hatto sariq kartochka ham ko‘rsatilmadi.
Keyinroq Balogun shunga o‘xshash vaziyatda qizil kartochka olgach, muxlislar va mutaxassislar yulduz futbolchilarga alohida munosabat bo‘layotgani haqida gapira boshladi.
6. Gananing Angliyaga qarshi o‘yindagi penalti e’tirozi
Angliya va Gana o‘rtasidagi 0:0 hisobida yakunlangan bahsda Ezri Konsa Prins Kvabenaga qarshi havodagi kurashda qoida buzgani aytildi. Biroq hakam penalti belgilamadi, VAR ham epizodni qayta ko‘rib chiqmadi.
Gana bosh murabbiyi Karlush Keyrush FIFAni VAR tizimidan foydalanish tartibini qayta ko‘rib chiqishga chaqirdi. Antuan Semeno esa futbolchilar hakamlardan qarorni tekshirishni faolroq talab qilishi kerakligini bildirdi.
JCh-2026 chiptalari narxi ham muxlislarning noroziligiga sabab bo‘ldi. Guruh bosqichi chiptalari 140 dollardan, final chiptalari esa 4 ming dollardan boshlandi.
Tanqidlardan keyin FIFA 60 dollarlik cheklangan miqdordagi maxsus chiptalarni joriy qildi. Muxlislar tashkilotlari esa narxlarni asossiz yuqori deb baholadi.
8. Suv ichish tanaffuslari reklama uchunmi?
O‘yinlarning 22 va 67-daqiqalarida uch daqiqalik suv ichish tanaffuslari joriy qilindi. FIFA buni futbolchilar salomatligi bilan izohladi.
Biroq telekanallar tanaffus vaqtida reklama namoyish eta boshlagach, qaror tijoriy maqsadda qabul qilingani haqida gumonlar paydo bo‘ldi. FIFA bu iddaolarni rad etdi.
