TOShKENT, 11-iyun — Sputnik. Qozog‘iston prezidenti Qasim-Jomart Toqayev Yevroosiyo iqtisodiy Ittifoqi (YeOII) va uchinchi tomonlarning yagona bojxona tranziti tizimi to‘g‘risidagi bitimni ratifikatsiya qilishni nazarda tutuvchi qonunni imzoladi. Bu haqda Qozog‘iston rahbari matbuot xizmati xabar berdi.Bitim 2024-yil dekabrida Sankt-Peterburgda imzolangan. Hujjat YeOII va uchinchi tomonlarning bojxona chegaralari orqali tovarlarni tashish uchun qulay shart-sharoitlarni ta’minlash imkonini beruvchi bojxona tranzitining yagona tizimini shakllantirishni nazarda tutadi. Bitim yagona tranzit deklaratsiyasini elektron shaklda joriy etish, bojxona tartib-taomillarini bir ko‘rinishga keltirish, raqamli nazorat vositalarini, jumladan, navigatsiya plombalarini qo‘llashga qaratilgan.Tizimni joriy etish bojxona tartib-tamoyillarini standartlashtirish va soddalashtirish, tranzit paytida biznesning vaqt va moliyaviy xarajatlarini kamaytirish, axborot almashinuvini tezlashtirish, ta’minot xavfsizligi va samaradorligini oshirish imkonini beradi. Bundan tashqari, yagona tizimni shakllantirish xalqaro savdo ishtirokchilari uchun tartib-tamoyillarning oldindan ma’lumligini ta’minlashi kerak.
Bitim yagona tranzit deklaratsiyasini elektron shaklda joriy etishni ham nazarda tutadi.
TOShKENT, 11-iyun — Sputnik. Qozog‘iston prezidenti Qasim-Jomart Toqayev Yevroosiyo iqtisodiy Ittifoqi (YeOII) va uchinchi tomonlarning yagona bojxona tranziti tizimi to‘g‘risidagi bitimni ratifikatsiya qilishni nazarda tutuvchi qonunni imzoladi. Bu haqda Qozog‘iston rahbari matbuot xizmati xabar berdi.
“Davlat rahbari tomonidan Qozog‘iston Respublikasining "Yevroosiyo iqtisodiy ittifoqi va uchinchi tomonning (uchinchi tomonlar) yagona bojxona tranzit tizimi to‘g‘risidagi bitimni ratifikatsiya qilish to‘g‘risida”gi qonuni imzolandi”, - deyilgan xabarda.
Bitim 2024-yil dekabrida Sankt-Peterburgda imzolangan. Hujjat YeOII va uchinchi tomonlarning bojxona chegaralari orqali tovarlarni tashish uchun qulay shart-sharoitlarni ta’minlash imkonini beruvchi bojxona tranzitining yagona tizimini shakllantirishni nazarda tutadi. Bitim yagona tranzit deklaratsiyasini elektron shaklda joriy etish, bojxona tartib-taomillarini bir ko‘rinishga keltirish, raqamli nazorat vositalarini, jumladan, navigatsiya plombalarini qo‘llashga qaratilgan.
Tizimni joriy etish bojxona tartib-tamoyillarini standartlashtirish va soddalashtirish, tranzit paytida biznesning vaqt va moliyaviy xarajatlarini kamaytirish, axborot almashinuvini tezlashtirish, ta’minot xavfsizligi va samaradorligini oshirish imkonini beradi. Bundan tashqari, yagona tizimni shakllantirish xalqaro savdo ishtirokchilari uchun tartib-tamoyillarning oldindan ma’lumligini ta’minlashi kerak.
YeOII
Yevroosiyo iqtisodiy ittifoqi (YeOII) - 2015-yil 1-yanvardan faoliyat yuritib kelayotgan xalqaro iqtisodiy birlashma. Ittifoqqa hozir Rossiya, Armaniston, Belarus, Qozog‘iston va Qirg‘iziston a’zodir. O‘zbekiston 2020-yilda YeOIIda kuzatuvchi maqomini oldi. Moldova, Kuba, Eron ham kuzatuvchi maqomiga ega.
