https://oz.sputniknews.uz/20260606/gonkong-delegatsiyasi-it-parkka-tashrif-buyurdi-58153741.html
Gonkong delegatsiyasi IT Parkka tashrif buyurdi
Gonkong delegatsiyasi IT Parkka tashrif buyurdi
Sputnik O‘zbekiston
Shu kunlarda Gonkong maxsus hududi Bosh ijrochi rahbari Jon Li Ka-chyu boshchiligidagi delegatsiyaning O‘zbekistonga rasmiy tashrifi bo‘lib o‘tmoqda. 06.06.2026, Sputnik O‘zbekiston
2026-06-06T11:12+0500
2026-06-06T11:12+0500
2026-06-06T11:12+0500
axborot texnologiyalari (it)
gonkong
xitoy
hamkorlik
raqamli texnologiyalar
raqamli texnologiyalar vazirligi
https://cdn1.img.sputniknews.uz/img/07ea/06/06/58153971_0:67:1280:787_1920x0_80_0_0_3cb402cbe5904ba11347bd084fdb1ab2.jpg
TOShKENT, 6-iyun — Sputnik. Gonkong biznes delegatsiya IT Park Uzbekistanga tashrif buyurdi. Bu haqida Raqamli Texnologiyalar vazirligi xabar qilmoqda. Tashrif doirasida mehmonlarga IT Park Uzbekistan faoliyati bo‘yicha taqdimot o‘tkazilib, O‘zbekistonda raqamli iqtisodiyotni rivojlantirish, axborot texnologiyalari sohasini qo‘llab-quvvatlash, IT xizmatlari eksportini kengaytirish, xalqaro texnologik kompaniyalarni jalb qilish hamda startap ekotizimini rivojlantirish borasida amalga oshirilayotgan ishlar haqida ma’lumot berildi. Shuningdek, kelgusidagi ustuvor vazifalar, xorijiy kompaniyalar uchun yaratilgan imkoniyatlar, IT Visa va Zero Risk dasturi hamda sohani yanada rivojlantirishga qaratilgan tashabbuslar taqdim etildi.Shu bilan birga, delegatsiya vakillariga mamlakatimizda raqamli davlat xizmatlari va elektron hukumat tizimini rivojlantirish yo‘nalishida amalga oshirilayotgan loyihalar haqida ham ma’lumot berildi. Xususan, UZINFOCOM faoliyati, DMED, MyID biometrik identifikatsiya tizimi, MyGov yagona interaktiv davlat xizmatlari platformasi hamda boshqa raqamli yechimlar imkoniyatlari taqdim etildi.Shundan so‘ng “Gonkong va O‘zbekiston o‘rtasida innovatsiyalar va texnologiyalar sohasidagi taraqqiyot hamda hamkorlik imkoniyatlari” mavzusida uchrashuv tashkil etildi. Tadbirda ikki tomon raqamli transformatsiya, sun’iy intellekt, startaplarni qo‘llab-quvvatlash, venchur investitsiyalar, texnologik parklar o‘rtasidagi hamkorlik haqida fikr almashdilar.Uchrashuv davomida O‘zbekistonda sun’iy intellekt texnologiyalarini 2030-yilgacha rivojlantirish strategiyasi qabul qilingani, mazkur yo‘nalishda davlat boshqaruvi, ta’lim, sog‘liqni saqlash va iqtisodiyotning turli tarmoqlarida loyihalar joriy etilayotgani qayd etildi.O‘z navbatida, Jon Li Ka-chyu Gonkongning innovatsiyalar va texnologiyalar sohasidagi tajribasi haqida so‘z yuritib, O‘zbekistonda raqamli sohada qisqa vaqt ichida erishilgan natijalar yuqori baholanishini ta’kidladi. U “Raqamli Uzbekiston – 2030” strategiyasini yuqori baholab, raqamli Ipak yo‘lini shakllantirishda ikki tomon o‘rtasidagi hamkorlik muhim ahamiyat kasb etishini qayd etdi.Uchrashuv yakunida tomonlar raqamli texnologiyalar, innovatsiyalar, startaplar va investitsiyalar sohasidagi hamkorlikni yanada rivojlantirishga tayyor ekanliklarini bildirib, mazkur tashrif O‘zbekiston va Gonkong o‘rtasidagi uzoq muddatli va o‘zaro manfaatli sheriklikni mustahkamlashga xizmat qilishi qayd etildi.
gonkong
xitoy
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
axborot texnologiyalari (it), gonkong, xitoy, hamkorlik, raqamli texnologiyalar, raqamli texnologiyalar vazirligi
axborot texnologiyalari (it), gonkong, xitoy, hamkorlik, raqamli texnologiyalar, raqamli texnologiyalar vazirligi
Gonkong delegatsiyasi IT Parkka tashrif buyurdi
Shu kunlarda Gonkong maxsus hududi Bosh ijrochi rahbari Jon Li Ka-chyu boshchiligidagi delegatsiyaning O‘zbekistonga rasmiy tashrifi bo‘lib o‘tmoqda.
TOShKENT, 6-iyun — Sputnik. Gonkong biznes delegatsiya IT Park Uzbekistanga tashrif buyurdi. Bu haqida Raqamli Texnologiyalar vazirligi xabar qilmoqda.
Tashrif doirasida mehmonlarga IT Park Uzbekistan faoliyati bo‘yicha taqdimot o‘tkazilib, O‘zbekistonda raqamli iqtisodiyotni rivojlantirish, axborot texnologiyalari sohasini qo‘llab-quvvatlash, IT xizmatlari eksportini kengaytirish, xalqaro texnologik kompaniyalarni jalb qilish hamda startap ekotizimini rivojlantirish borasida amalga oshirilayotgan ishlar haqida ma’lumot berildi.
Shuningdek, kelgusidagi ustuvor vazifalar, xorijiy kompaniyalar uchun yaratilgan imkoniyatlar, IT Visa va Zero Risk dasturi hamda sohani yanada rivojlantirishga qaratilgan tashabbuslar taqdim etildi.
Shu bilan birga, delegatsiya vakillariga mamlakatimizda raqamli davlat xizmatlari va elektron hukumat tizimini rivojlantirish yo‘nalishida amalga oshirilayotgan loyihalar haqida ham ma’lumot berildi.
Xususan, UZINFOCOM faoliyati, DMED, MyID biometrik identifikatsiya tizimi, MyGov yagona interaktiv davlat xizmatlari platformasi hamda boshqa raqamli yechimlar imkoniyatlari taqdim etildi.
Shundan so‘ng “Gonkong va O‘zbekiston o‘rtasida innovatsiyalar va texnologiyalar sohasidagi taraqqiyot hamda hamkorlik imkoniyatlari” mavzusida uchrashuv tashkil etildi. Tadbirda ikki tomon raqamli transformatsiya, sun’iy intellekt, startaplarni qo‘llab-quvvatlash, venchur investitsiyalar, texnologik parklar o‘rtasidagi hamkorlik haqida fikr almashdilar.
Uchrashuv davomida O‘zbekistonda sun’iy intellekt texnologiyalarini 2030-yilgacha rivojlantirish strategiyasi qabul qilingani, mazkur yo‘nalishda davlat boshqaruvi, ta’lim, sog‘liqni saqlash va iqtisodiyotning turli tarmoqlarida loyihalar joriy etilayotgani qayd etildi.
O‘z navbatida, Jon Li Ka-chyu Gonkongning innovatsiyalar va texnologiyalar sohasidagi tajribasi haqida so‘z yuritib, O‘zbekistonda raqamli sohada qisqa vaqt ichida erishilgan natijalar yuqori baholanishini ta’kidladi. U “Raqamli Uzbekiston – 2030” strategiyasini yuqori baholab, raqamli Ipak yo‘lini shakllantirishda ikki tomon o‘rtasidagi hamkorlik muhim ahamiyat kasb etishini qayd etdi.
Uchrashuv yakunida tomonlar raqamli texnologiyalar, innovatsiyalar, startaplar va investitsiyalar sohasidagi hamkorlikni yanada rivojlantirishga tayyor ekanliklarini bildirib, mazkur tashrif O‘zbekiston va Gonkong o‘rtasidagi uzoq muddatli va o‘zaro manfaatli sheriklikni mustahkamlashga xizmat qilishi qayd etildi.
