Buxoroda O‘zbekiston xalq ustasi Baxshillo Jumayevning 70-yilligiga bag‘ishlangan “Zarrin iplar musiqasi” ko‘rgazmasi ochildi. Unda zardo‘zlik san’ati namunalari, milliy liboslar va to‘y an’analariga oid eksponatlar namoyish etilmoqda.
III Xalqaro zardo‘zlik va zargarlik festivali doirasida Buxoro shahrida O‘zbekiston xalq ustasi, taniqli zardo‘z hunarmand Baxshillo Jumayev tavalludining 70-yilligiga bag‘ishlangan “Zarrin iplar musiqasi” ijodiy ko‘rgazmasi va fotoko‘rgazmasi ochildi.Mazkur madaniy loyiha orqali ustoz hunarmandning ko‘p yillik ijodiy faoliyati, o‘zbek milliy amaliy san’atini rivojlantirishdagi xizmatlari hamda Buxoro zardo‘zlik maktabining noyob an’analari namoyish etilmoqda.Ekspozitsiyadan Baxshillo Jumayev tomonidan yaratilgan eng sara asarlar o‘rin olgan. Ular orasida yirik hajmdagi zardo‘zlik namunalari, xalqaro ko‘rgazma va tanlovlarda ishtirok etgan ijodiy ishlar, an’anaviy Buxoro liboslari, milliy urf-odat va marosimlarni aks ettiruvchi noyob buyumlar bor.Ekspozitsiyaning yana bir muhim bo‘limi o‘zbek xalqining to‘y va chimilduq an’analariga bag‘ishlangan. Unda milliy liboslar, bosh kiyimlar, chimilduq jihozlari hamda xalq udumlarini aks ettiruvchi 25 taga yaqin tarixiy va amaliy san’at namunasi namoyish qilinmoqda.Ko‘rgazma doirasida zardo‘zlik va zargarlik san’atining an’anaviy texnologiyalari, zar ip bilan ishlash uslublari, qadimiy naqsh va bezak turlari ham keng jamoatchilik e’tiboriga havola etildi.Fotoko‘rgazma esa tomoshabinlarga o‘zbek hunarmandchiligining nafis va betakror jihatlarini tarixiy nigoh orqali ko‘rish imkonini beradi.
Unda zardo‘zlik san’atining noyob namunalari va milliy liboslarni aks ettiruvchi eksponatlar namoyish etilmoqda
III Xalqaro zardo‘zlik va zargarlik festivali doirasida Buxoro shahrida O‘zbekiston xalq ustasi, taniqli zardo‘z hunarmand Baxshillo Jumayev tavalludining 70-yilligiga bag‘ishlangan “Zarrin iplar musiqasi” ijodiy ko‘rgazmasi va fotoko‘rgazmasi ochildi.
Mazkur madaniy loyiha orqali ustoz hunarmandning ko‘p yillik ijodiy faoliyati, o‘zbek milliy amaliy san’atini rivojlantirishdagi xizmatlari hamda Buxoro zardo‘zlik maktabining noyob an’analari namoyish etilmoqda.
Ekspozitsiyadan Baxshillo Jumayev tomonidan yaratilgan eng sara asarlar o‘rin olgan. Ular orasida yirik hajmdagi zardo‘zlik namunalari, xalqaro ko‘rgazma va tanlovlarda ishtirok etgan ijodiy ishlar, an’anaviy Buxoro liboslari, milliy urf-odat va marosimlarni aks ettiruvchi noyob buyumlar bor.
Ko‘rgazmaning alohida qismi “Yetti go‘zal” deb nomlanadi. Unda milliy nafosat va badiiy yechim uyg‘unligini ifoda etuvchi asarlar jamlangan.
Ekspozitsiyaning yana bir muhim bo‘limi o‘zbek xalqining to‘y va chimilduq an’analariga bag‘ishlangan. Unda milliy liboslar, bosh kiyimlar, chimilduq jihozlari hamda xalq udumlarini aks ettiruvchi 25 taga yaqin tarixiy va amaliy san’at namunasi namoyish qilinmoqda.
Ko‘rgazma doirasida zardo‘zlik va zargarlik san’atining an’anaviy texnologiyalari, zar ip bilan ishlash uslublari, qadimiy naqsh va bezak turlari ham keng jamoatchilik e’tiboriga havola etildi.
Fotoko‘rgazma esa tomoshabinlarga o‘zbek hunarmandchiligining nafis va betakror jihatlarini tarixiy nigoh orqali ko‘rish imkonini beradi.
“Bunday ko‘rgazmalar milliy hunarmandchilik merosini asrab-avaylash, uni xalqaro miqyosda targ‘ib qilish va yosh avlod qalbida milliy qadriyatlarga hurmat tuyg‘usini mustahkamlashda muhim ahamiyat kasb etadi”.
