Putin kelgusi haftada Xitoyga boradi

© Sputnik / Sergey Bobilev / Mediabankka o‘tishPrezident RF Vladimir Putin pribil v Kitay s ofitsialnim vizitom
Prezident RF Vladimir Putin pribil v Kitay s ofitsialnim vizitom  - Sputnik O‘zbekiston, 1920, 16.05.2026
Obuna bo‘lish
Si Szinpin taklifiga binoan Rossiya prezidenti 19-20 may kunlari Xitoy Xalq Respublikasiga rasmiy tashrif buyuradi.
TOShKENT, 16-may — Sputnik. Rossiya prezidenti Vladimir Putin 19-20 may kunlari Xitoyga rasmiy tashrif buyuradi. Bu haqda Kreml matbuot xizmati xabar qilmoqda.
Rossiya rahbarining tashrifi davlatlararo munosabatlarni shakllantiruvchi asosiy hujjat bo‘lgan Yaxshi qo‘shnichilik, do‘stlik va hamkorlik shartnomasi imzolanganining 25-yilligiga bag‘ishlangan, deyiladi xabarda.
Vladimir Putin va Si Szinpin ikki tomonlama munosabatlardagi dolzarb masalalarni, Rossiya Federatsiyasi va Xitoy Xalq Respublikasi o‘rtasidagi keng qamrovli sheriklik va strategik hamkorlikni yanada chuqurlashtirish yo‘llarini muhokama qiladilar hamda asosiy xalqaro va mintaqaviy masalalar bo‘yicha fikr almashadilar.

Davlat rahbarlari shuningdek, Rossiya va Xitoy yillarining (2026–2027) ochilish marosimida ishtirok etadilar.
Muzokaralar yakunida eng yuqori darajada Qo‘shma bayonot va bir qator ikki tomonlama hukumatlararo, idoralararo va boshqa hujjatlar imzolanishi rejalashtirilgan.
Tashrif dasturida shuningdek, Xitoy Xalq Respublikasi Davlat Kengashi Bosh vaziri Li Ketsan bilan uchrashuv ham o‘rin olgan bo‘lib, unda savdo-iqtisodiy hamkorlik istiqbollari muhokama qilinadi.
Ministr inostrannix del KNR Van I - Sputnik O‘zbekiston, 1920, 01.04.2025
Rossiya-Xitoy munosabatlari boshqalarga tahdid solmaydi — Van I
Yangiliklar lentasi
0