https://oz.sputniknews.uz/20260426/qiziqarli-faktlar-57162709.html
Rashk sabab 99 yoshdagi ajrim, uy qamog‘idagi uysiz, xotindan qochib qamoqqa: qiziqarli faktlar
Rashk sabab 99 yoshdagi ajrim, uy qamog‘idagi uysiz, xotindan qochib qamoqqa: qiziqarli faktlar
Sputnik O‘zbekiston
99 yoshida ajrashishga qaror qilgan erkak, uy qamog‘iga mahkum qilingan uysiz va 20 rupiy uchun 22-yil sudlashgan erkak— maqolada hayotda sodir bo‘lgan g‘alati voqealar... 26.04.2026, Sputnik O‘zbekiston
2026-04-26T19:41+0500
2026-04-26T19:41+0500
2026-04-27T10:31+0500
bu qiziq
ajrashish
jinoyatchilik
hodisalar
https://cdn1.img.sputniknews.uz/img/07ea/04/1a/57162928_0:80:1536:944_1920x0_80_0_0_76bdec8d853e0d21ba244d8be1902f09.png
TOShKENT, 26 apr — Sputnik. Ba’zan hayot voqealari badiiy to‘qimadan ham g‘alatiroq bo‘ladi. Quyida turli mamlakatlarda sodir bo‘lgan, bir qarashda ishonish qiyin bo‘lgan voqealar jamlandi.99 yoshida ajrashishga qaror qilgan erkakItaliyada 99 yoshli Antonio S. 77-yillik nikohdan so‘ng 96 yoshli rafiqasi Roza S. bilan ajrashish uchun ariza bergan. Bunga u eski javondan xotinining taxminan 60-yil avvalgi munosabati haqidagi xatlarni topib olgani sabab bo‘lgani xabar qilingan.“Uy qamog‘i”ga hukm qilingan uysizItaliyada Dominiko Kodispotti ismli 48 yoshli uysiz erkak “uy qamog‘i”ga hukm qilingan. Ammo uning uyi bo‘lmagani uchun jazoni Milan ko‘chalaridan birida o‘tagan. U har kecha bir xil joyda — markaziy vokzal yaqinidagi trotuarda qolishi shart edi, politsiya esa uning o‘sha yerda ekanini tekshirib turgan.6 yil ishga bormay maosh olib yurgan xodimIspaniyada davlat xizmatchisining 6-yil ishga bormagani unga 20-yillik xizmat uchun mukofot bermoqchi bo‘lishganida fosh bo‘lgan. Kadis shahridagi suv xo‘jaligi tizimida ishlagan muhandis Xoakin Garsiyaning qayerdaligini aniqlashga urinishganda, hamkasblari uni bir necha yildan beri ko‘rmagani ma’lum bo‘lgan.Hodisa ikki idora o‘rtasidagi burokratik chalkashlik sabab yillar davomida sezilmay qolgan: suv kompaniyasi uni shahar ma’muriyati nazorat qilyapti deb o‘ylagan, ma’muriyat esa aksincha, u suv kompaniyasi qaramog‘ida deb hisoblagan. Shu orada Garsiya maosh olishda davom etgan. Oqibatda sud uni 27 ming yevro jarimaga tortgan.Xotinidan qochish uchun qamalmoqchi bo‘lgan erkakAQShda 70 yoshli Lourens Jon Rippl ismli erkak xotini bilan yashashdan charchab, qamoqqa tushish uchun bankni talon-toroj qilgan. Tergov ma’lumotlariga ko‘ra, u xotinining yoniga qaytishdan ko‘ra qamoqda bo‘lishni afzal ko‘rishini aytgan.2016 yilda u Kanzas-Sitidagi Bank of Labor bankiga kirib, kassirga pul talab qilingan yozuv uzatgan. Pulni olgach esa qochmagan — bank xollida o‘tirib, politsiya kelishini kutgan. Ammo aksiga olib, sud uni qamoqqa emas, 6 oylik uy qamog‘iga hukm qilgan.20 rupiy uchun 22-yil sudlashgan erkakHindistonda advokat Tungnatx Chaturvedi temir yo‘l chiptasi uchun 20 rupiy ortiqcha pul olingani sabab 22-yil sudlashgan. 1999-yilda u Matxura stansiyasidan Moradabadga borish uchun ikki chipta sotib olgan. Chiptalar 70 rupiy turishi kerak edi, ammo kassir unga 100 rupiydan faqat 10 rupiy qaytargan.Chaturvedi pulni qaytarishni talab qilgan, ammo rad javobini olgach, Indian Railways ustidan iste’molchilar sudiga murojaat qilgan. Ish 22-yil davom etgan va 100 tadan ortiq sud majlisi bo‘lib o‘tgan. 2022-yilda sud uning foydasiga qaror chiqarib, temir yo‘lni 20 rupiyni foizi bilan qaytarishga va 15 ming rupiy jarima to‘lashga majbur qilgan.“Terlagan poyabzal” sabab amalga oshmagan terakt rejasi2001 yilda Richard Rid ismli britaniyalik terrorchi American Airlines’ning Parij—Mayami reysida oyoq kiyimiga yashirilgan portlovchi moslamani ishga tushirishga uringan. Ammo reja amalga oshmagan: tergovchilarga ko‘ra, namlik sabab moslama ishlamay qolgan. Ekipaj va yo‘lovchilar uni to‘xtatgan, samolyot Bostonga yo‘naltirilgan. Keyinchalik Rid terrorizm bilan bog‘liq ayblovlar bo‘yicha aybini tan olgan va umrbod qamoq jazosiga hukm qilingan.Donor yuragini olgan erkak donorning bevasiga uylanganAQShda Sonni Grem ismli erkak 1995-yilda donor yuragini qabul qilgan. Keyinchalik u donorning bevasi Sheril Kottl bilan tanishib, unga uylangan. Oradan yillar o‘tib, Gremning ham hayoti donornikiga o‘xshash fojiali holat bilan yakunlangani xabar qilingan.
https://oz.sputniknews.uz/20241108/xix-asrda-ozbekiston-46499935.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
ajrashish, jinoyatchilik, hodisalar
ajrashish, jinoyatchilik, hodisalar
Rashk sabab 99 yoshdagi ajrim, uy qamog‘idagi uysiz, xotindan qochib qamoqqa: qiziqarli faktlar
19:41 26.04.2026 (yangilandi: 10:31 27.04.2026) 99 yoshida ajrashishga qaror qilgan erkak, uy qamog‘iga mahkum qilingan uysiz va 20 rupiy uchun 22-yil sudlashgan erkak— maqolada hayotda sodir bo‘lgan g‘alati voqealar jamlandi.
TOShKENT, 26 apr — Sputnik. Ba’zan hayot voqealari badiiy to‘qimadan ham g‘alatiroq bo‘ladi. Quyida turli mamlakatlarda sodir bo‘lgan, bir qarashda ishonish qiyin bo‘lgan voqealar jamlandi.
99 yoshida ajrashishga qaror qilgan erkak
Italiyada 99 yoshli Antonio S. 77-yillik nikohdan so‘ng 96 yoshli rafiqasi Roza S. bilan ajrashish uchun ariza bergan. Bunga u eski javondan xotinining taxminan 60-yil avvalgi munosabati haqidagi xatlarni topib olgani sabab bo‘lgani xabar qilingan.
“Uy qamog‘i”ga hukm qilingan uysiz
Italiyada Dominiko Kodispotti ismli 48 yoshli uysiz erkak “uy qamog‘i”ga hukm qilingan. Ammo uning uyi bo‘lmagani uchun jazoni Milan ko‘chalaridan birida o‘tagan. U har kecha bir xil joyda — markaziy vokzal yaqinidagi trotuarda qolishi shart edi, politsiya esa uning o‘sha yerda ekanini tekshirib turgan.
6 yil ishga bormay maosh olib yurgan xodim
Ispaniyada davlat xizmatchisining 6-yil ishga bormagani unga 20-yillik xizmat uchun mukofot bermoqchi bo‘lishganida fosh bo‘lgan. Kadis shahridagi suv xo‘jaligi tizimida ishlagan muhandis Xoakin Garsiyaning qayerdaligini aniqlashga urinishganda, hamkasblari uni bir necha yildan beri ko‘rmagani ma’lum bo‘lgan.
Hodisa ikki idora o‘rtasidagi burokratik chalkashlik sabab yillar davomida sezilmay qolgan: suv kompaniyasi uni shahar ma’muriyati nazorat qilyapti deb o‘ylagan, ma’muriyat esa aksincha, u suv kompaniyasi qaramog‘ida deb hisoblagan. Shu orada Garsiya maosh olishda davom etgan. Oqibatda sud uni 27 ming yevro jarimaga tortgan.
Xotinidan qochish uchun qamalmoqchi bo‘lgan erkak
AQShda 70 yoshli Lourens Jon Rippl ismli erkak xotini bilan yashashdan charchab, qamoqqa tushish uchun bankni talon-toroj qilgan. Tergov ma’lumotlariga ko‘ra, u xotinining yoniga qaytishdan ko‘ra qamoqda bo‘lishni afzal ko‘rishini aytgan.
2016 yilda u Kanzas-Sitidagi Bank of Labor bankiga kirib, kassirga pul talab qilingan yozuv uzatgan. Pulni olgach esa qochmagan — bank xollida o‘tirib, politsiya kelishini kutgan. Ammo aksiga olib, sud uni qamoqqa emas, 6 oylik uy qamog‘iga hukm qilgan.
20 rupiy uchun 22-yil sudlashgan erkak
Hindistonda advokat Tungnatx Chaturvedi temir yo‘l chiptasi uchun 20 rupiy ortiqcha pul olingani sabab 22-yil sudlashgan. 1999-yilda u Matxura stansiyasidan Moradabadga borish uchun ikki chipta sotib olgan. Chiptalar 70 rupiy turishi kerak edi, ammo kassir unga 100 rupiydan faqat 10 rupiy qaytargan.
Chaturvedi pulni qaytarishni talab qilgan, ammo rad javobini olgach, Indian Railways ustidan iste’molchilar sudiga murojaat qilgan. Ish 22-yil davom etgan va 100 tadan ortiq sud majlisi bo‘lib o‘tgan. 2022-yilda sud uning foydasiga qaror chiqarib, temir yo‘lni 20 rupiyni foizi bilan qaytarishga va 15 ming rupiy jarima to‘lashga majbur qilgan.
“Terlagan poyabzal” sabab amalga oshmagan terakt rejasi
2001 yilda Richard Rid ismli britaniyalik terrorchi American Airlines’ning Parij—Mayami reysida oyoq kiyimiga yashirilgan portlovchi moslamani ishga tushirishga uringan. Ammo reja amalga oshmagan: tergovchilarga ko‘ra, namlik sabab moslama ishlamay qolgan. Ekipaj va yo‘lovchilar uni to‘xtatgan, samolyot Bostonga yo‘naltirilgan. Keyinchalik Rid terrorizm bilan bog‘liq ayblovlar bo‘yicha aybini tan olgan va umrbod qamoq jazosiga hukm qilingan.
Donor yuragini olgan erkak donorning bevasiga uylangan
AQShda Sonni Grem ismli erkak 1995-yilda donor yuragini qabul qilgan. Keyinchalik u donorning bevasi Sheril Kottl bilan tanishib, unga uylangan. Oradan yillar o‘tib, Gremning ham hayoti donornikiga o‘xshash fojiali holat bilan yakunlangani xabar qilingan.
