https://oz.sputniknews.uz/20260422/iran-usa-harbiy-javob-talab-57060569.html
“Yutqazgan taraf shart qo‘ya olmaydi”: Eron rasmiysi AQSh blokadasiga harbiy javob talab qildi
“Yutqazgan taraf shart qo‘ya olmaydi”: Eron rasmiysi AQSh blokadasiga harbiy javob talab qildi
Sputnik O‘zbekiston
Tehron Trampning o‘t ochishni to‘xtatish rejimini uzaytirish qarorini rad etdi. Eron rasmiysi AQSh dengiz blokadasini tajovuz davomi deb atab, harbiy javob talab qildi, Tasnim esa yangi ssenariyni tilga oldi.
2026-04-22T11:38+0500
2026-04-22T11:38+0500
2026-04-22T11:40+0500
dunyo yangiliklari
donald tramp
aqsh – eron mojarosi
isroil
https://cdn1.img.sputniknews.uz/img/07ea/03/03/56070251_0:71:1350:830_1920x0_80_0_0_4e5137c0f9165770d8c8152b7a4951ef.jpg
TOShKENT, 22 apr — Sputnik. AQSh prezidenti Donald Trampning Eron bilan o‘t ochishni to‘xtatish rejimini uzaytirish haqidagi qarori Tehronda keskin rad etildi.Eron parlamenti raisi maslahatchisi Mehdi Muhammadiy Trampning bu qadamini ahamiyatsiz deb atadi.Muhammadiyning fikricha, AQSh tomonidan dengiz blokadasini saqlab qolish oddiy bosim emas, balki amalda to‘g‘ridan-to‘g‘ri tajovuzning davomidir.Shu orada Eron qurolli kuchlari ham keskin bayonot bilan chiqdi. Mamlakat harbiy qo‘mondonligi markaziy shtabi — “Xotam al-Anbiya”ning rasmiy vakili Ibrohim Zolfag‘ariy Eron armiyasi “allaqachon 100 foiz jangovar shaylik holatida” ekanini bildirdi. Uning so‘zlariga ko‘ra, “Eronga qarshi har qanday harakat sodir etilsa”, javob zudlik bilan beriladi va AQSh hamda Isroilga “yana bir, yanada og‘irroq saboq” beriladi.Eronning Tasnim agentligi esa Tehron Vashingtondan o‘t ochishni to‘xtatish rejimini uzaytirishni so‘ramaganini ta’kidladi. Agentlik yana bir diqqatga sazovor ssenariyni ham tilga oldi: Vashington mojarodan bir tomonlama chiqib ketishi va buning oqibatida Eron hamda Isroil o‘rtasidagi deyarli “yakkama-yakka” to‘qnashuv davom etishi mumkin.Avvalroq Tramp Truth Social ijtimoiy tarmog‘ida Eron takliflari taqdim etilguniga va muzokaralar yakunlanguniga qadar o‘t ochishni to‘xtatish rejimini uzaytirishini ma’lum qilgan edi. Shu bilan birga, u Yaqin Sharqdagi Amerika harbiy kontingenti to‘liq jangovar shay holatda qolishini bildirib, dengiz blokadasini davom ettirish haqida buyruq berilganini yozdi.Shu bilan birga, ma’lumotlarga ko‘ra, Tramp vitse-prezident Jey Di Vensning Eron bo‘yicha muzokaralar uchun Islomobodga tashrifini butunlay bekor qilish masalasini xususiy tarzda muhokama qilmoqda.Fonni yanada keskinlashtirayotgan yana bir omil — AQSh razvedkasining baholari. NBC ma’lumotiga ko‘ra, Amerika harbiy razvedkasi ma’muriyatning Eron mudofaa va hujum salohiyati yo‘q qilingani haqidagi bayonotlariga qaramay, Islom Respublikasi hali ham sezilarli harbiy resurslarni saqlab qolgan deb hisoblaydi.Pentagon razvedka boshqarmasi direktori general-leytenant Jeyms Adamsning Kongressga taqdim etgan ko‘rsatmalariga ko‘ra, Eron o‘z zaxirasida AQSh va uning Yaqin Sharqdagi ittifoqchilari kuchlariga tahdid solishi mumkin bo‘lgan minglab raketa va dronlarni saqlab turibdi.
https://oz.sputniknews.uz/20260421/trump-iran-zarbalar-boshlanish-57026203.html
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
dunyo yangiliklari, donald tramp, aqsh – eron mojarosi, isroil
dunyo yangiliklari, donald tramp, aqsh – eron mojarosi, isroil
“Yutqazgan taraf shart qo‘ya olmaydi”: Eron rasmiysi AQSh blokadasiga harbiy javob talab qildi
11:38 22.04.2026 (yangilandi: 11:40 22.04.2026) Tehron Trampning sulhni uzaytirish qarorini ahamiyatsiz dedi: Eron rasmiysi AQSh dengiz blokadasiga harbiy javob talab qildi, Tasnim esa Eron-Isroil “yakkama-yakka” olishuvi ehtimoli haqida yozdi
TOShKENT, 22 apr — Sputnik. AQSh prezidenti Donald Trampning Eron bilan o‘t ochishni to‘xtatish rejimini uzaytirish haqidagi qarori Tehronda keskin
rad etildi.
Eron parlamenti raisi maslahatchisi Mehdi Muhammadiy Trampning bu qadamini ahamiyatsiz deb atadi.
“Trampning Eron bilan sulhni uzaytirish to‘g‘risidagi qarori hech qanday ahamiyatga ega emas. Yutqazgan tomon shartlarni belgilay olmaydi”, — deb yozdi u X ijtimoiy tarmog‘idagi sahifasida.
Muhammadiyning fikricha, AQSh tomonidan dengiz blokadasini saqlab qolish oddiy bosim emas, balki amalda to‘g‘ridan-to‘g‘ri tajovuzning davomidir.
“Dengiz blokadasini davom ettirishning zarba berishdan hech qanday farqi yo‘q va bunga harbiy javob berish kerak. Bundan tashqari, vaqtinchalik sulhni davom ettirish AQShga vaqtdan yutish uchun kerak”, — dedi u.
Shu orada Eron qurolli kuchlari ham keskin bayonot bilan chiqdi. Mamlakat harbiy qo‘mondonligi markaziy shtabi — “Xotam al-Anbiya”ning rasmiy vakili Ibrohim Zolfag‘ariy Eron armiyasi “allaqachon 100 foiz jangovar shaylik holatida” ekanini bildirdi. Uning so‘zlariga ko‘ra, “Eronga qarshi har qanday harakat sodir etilsa”, javob zudlik bilan beriladi va AQSh hamda Isroilga “yana bir, yanada og‘irroq saboq” beriladi.
Eronning Tasnim agentligi esa Tehron Vashingtondan o‘t ochishni to‘xtatish rejimini uzaytirishni so‘ramaganini ta’kidladi. Agentlik yana bir diqqatga sazovor ssenariyni ham tilga oldi: Vashington mojarodan bir tomonlama chiqib ketishi va buning oqibatida Eron hamda Isroil o‘rtasidagi deyarli “yakkama-yakka” to‘qnashuv davom etishi mumkin.
Avvalroq Tramp Truth Social ijtimoiy tarmog‘ida Eron takliflari taqdim etilguniga va muzokaralar yakunlanguniga qadar o‘t ochishni to‘xtatish rejimini uzaytirishini ma’lum qilgan edi. Shu bilan birga, u Yaqin Sharqdagi Amerika harbiy kontingenti to‘liq jangovar shay holatda qolishini bildirib, dengiz blokadasini davom ettirish haqida buyruq berilganini yozdi.
Shu bilan birga, ma’lumotlarga ko‘ra, Tramp vitse-prezident Jey Di Vensning Eron bo‘yicha muzokaralar uchun Islomobodga tashrifini butunlay bekor qilish masalasini xususiy tarzda muhokama qilmoqda.
Keyinroq Tasnim Tehronning chorshanba kuni AQSh bilan muzokaralarda ishtirok etmaslik haqidagi qarori qat’iy ekanini bildirdi.
Fonni yanada keskinlashtirayotgan yana bir omil — AQSh razvedkasining baholari. NBC ma’lumotiga ko‘ra, Amerika harbiy razvedkasi ma’muriyatning Eron mudofaa va hujum salohiyati yo‘q qilingani haqidagi bayonotlariga qaramay, Islom Respublikasi hali ham sezilarli harbiy resurslarni saqlab qolgan deb hisoblaydi.
Pentagon razvedka boshqarmasi direktori general-leytenant Jeyms Adamsning Kongressga taqdim etgan ko‘rsatmalariga ko‘ra, Eron o‘z zaxirasida AQSh va uning Yaqin Sharqdagi ittifoqchilari kuchlariga tahdid solishi mumkin bo‘lgan minglab raketa va dronlarni saqlab turibdi.
