https://oz.sputniknews.uz/20260321/osiyo-yuragi-rerix-ekspeditsiyasiga-bagishlangan-noyob-fotokorgazma-toshkentda-ochildi-56330718.html

“Osiyo yuragi”: Rerix ekspeditsiyasiga bag‘ishlangan noyob fotoko‘rgazma Toshkentda ochildi

“Osiyo yuragi”: Rerix ekspeditsiyasiga bag‘ishlangan noyob fotoko‘rgazma Toshkentda ochildi

Sputnik O‘zbekiston

Toshkent Fotosuratlar uyida Nikolay Rerixning Markaziy Osiyo ekspeditsiyasiga bag‘ishlangan “Osiyo yuragi” fotoko‘rgazmasi ochilib, noyob tarixiy va badiiy asarlar jamoatchilikka taqdim etildi.

2026-03-21T19:14+0500

2026-03-21T19:14+0500

2026-03-22T09:59+0500

ko‘rgazma

ko‘rgazma

foto

toshkent

tarix

madaniyat

https://cdn1.img.sputniknews.uz/img/07ea/03/13/56375966_0:87:1536:951_1920x0_80_0_0_64b1150f214d7b14efa92ef2c1060c66.png

Toshkent Fotosuratlar uyida buyuk rassom va tadqiqotchi Nikolay Rerixning Markaziy Osiyoga qilgan mashhur ekspeditsiyasining 100-yilligiga bag‘ishlangan “Osiyo yuragi” nomli fotoko‘rgazma ochildi. Mazkur ko‘rgazma Xalqaro Rerixlar markazi (Moskva), Toshkent Rerixlar jamiyati, O‘zbekiston Badiiy akademiyasi hamda Toshkent Fotosuratlar uyi hamkorligida tashkil etildi.Ko‘rgazma ekspozitsiyasida Xalqaro Rerixlar markazi arxiviga mansub noyob tarixiy fotosuratlar, Rerixning Markaziy Osiyo bo‘ylab amalga oshirgan ekspeditsiyasiga oid asarlar reproduksiyalari hamda zamonaviy fotograf va sayyoh Sergey Shexovsev tomonidan olingan manzaralar o‘rin olgan.Ma’lumki, Nikolay Rerixning 1924–1928 yillardagi Markaziy Osiyo ekspeditsiyasi ilmiy va madaniy ahamiyati jihatidan o‘ziga xos o‘rin tutadi. Ekspeditsiya Himolay tog‘laridan tortib, Xitoy, Mo‘g‘uliston va Tibet hududlarigacha bo‘lgan keng makonlarni qamrab olgan bo‘lib, umumiy masofasi 25 ming kilometrdan ziyodni tashkil etgan. Safar davomida arxeologik, etnografik va badiiy jihatdan katta ahamiyatga ega bo‘lgan materiallar to‘plangan.Ko‘rgazmada shuningdek, Rerixning “Osiyo yuragi” haqidagi falsafiy qarashlari ham aks ettirilgan. U o‘z asarlarida turli xalqlar madaniyati o‘rtasidagi o‘xshashliklar, ma’naviy birlik va o‘zaro anglash g‘oyalarini ilgari surgan.Tashkilotchilarning ta’kidlashicha, mazkur ko‘rgazma nafaqat tarixiy ekspeditsiya xotirasi, balki bugungi kunda ham dolzarb bo‘lgan madaniy muloqot va insoniy qadriyatlarning ahamiyatini yoritadi.

2026

Yangiliklar

uz_UZ

rerix fotoko‘rgazma toshkent markaziy osiyo ekspeditsiya madaniyat san’at tarix foto