https://oz.sputniknews.uz/20260319/hunarmandlar-korgazma-ochilish-56332262.html

Tasviriy san’at galereyasida “Mahoratdan komillik sari” hunarmandlar ko‘rgazmasi ochildi

Tasviriy san’at galereyasida “Mahoratdan komillik sari” hunarmandlar ko‘rgazmasi ochildi

Sputnik O‘zbekiston

O‘zbekiston Tasviriy san’at galereyasida Navro‘z umumxalq bayrami munosabati bilan "Mahoratdan komillik sari" nomli an’anaviy amaliy san’at ko‘rgazmasining ochilish marosimi bo‘lib o‘tdi.

2026-03-19T19:48+0500

2026-03-19T19:48+0500

2026-03-19T19:48+0500

navro‘z

ko‘rgazma

foto

toshkent

san’at

hunarmandlar

madaniyat

https://cdn1.img.sputniknews.uz/img/07ea/03/13/56367939_0:321:3070:2048_1920x0_80_0_0_e0be25a8d47566801218c5085a23f03c.jpg

TOShKENT, 19 mar — Sputnik. O‘zbekiston Tasviriy san’at galereyasida “Mahoratdan komillik sari” nomli an’anaviy amaliy san’at ko‘rgazmasi ochildi. Ko‘rgazma Navro‘z bayrami munosabati bilan tashkil etilgan bo‘lib, unda mamlakatning yetuk hunarmand ustalari jamlangan.Ko‘rgazma ekspozitsiyasida kulolchilik, to‘qimachilik, yog‘och o‘ymakorligi, zargarlik, zardo‘zlik, chitgarlik va kashtachilik kabi an’anaviy amaliy san’at turlariga oid noyob asarlar namoyish etildi. Taqdim etilgan asarlar xalq hunarmandchiligining asrlar davomida shakllangan maktablari va ularning uzviy davomiyligini yorqin aks ettirdi.Tadbirda O‘zbekiston an’anaviy hunarmandchiligi rivojiga katta hissa qo‘shgan mashhur xalq ustalari hamda Badiiy akademiya akademiklarining ishlariga alohida e’tibor qaratildi. Jumladan, Akbar Rahimov, Mirzabahrom Abduvahobov, Alisher Nazirov, Ismoil Komilov, No‘mon Obloqulov, Abdullo Narzullayev, Sirojiddin Rahmatullayev, Ahmad Arabov, Baxshillo Jumayev, Sharif Raupov va Abduvohid Karimov kabi ustalarning asarlari tomoshabinlarda katta qiziqish uyg‘otdi.Ko‘rgazmaning asosiy g‘oyasi Navro‘zning yangilanish va yaratish ruhini milliy an’analar uzluksizligi bilan uyg‘unlashtirishdan iborat. Unda hunarmandchilik san’ati chuqur bilim, boy tajriba va yuksak mahoratga asoslangan jonli badiiy madaniyat sifatida namoyon bo‘ldi.

2026

Yangiliklar

uz_UZ

navro‘z foto ko‘rgazma amaliy san’at hunarmandchilik galereya ustalar an’ana, madaniyat