Tinchlik o‘z-o‘zidan kelmaydi, uni qurish kerak - Putin
10:53 16.01.2026 (yangilandi: 10:59 16.01.2026)
© POOL
Obuna bo‘lish
Rossiya prezidenti 15-yanvar kuni 34 davlat elchilaridan ishonch yorliqarini qabul qildi.
TOShKENT, 16 yanv — Sputnik. Rossiya prezidenti 15-yanvar kuni 34 davlatning yangi tayinlangan elchilaridan ishonch yorliqarini qabul qildi.
Kremlda bo‘lib o‘tgan marosimda Vladimir Putinning asosiy bayonotlari:
️Ukrainadagi mojaro bo‘yicha iloji boricha tezroq kelishuvga erishish kerak. Moskva uzoq muddatli tinchlik tarafdori.
️Kiyev va uni qo‘llab-quvvatlovchi poytaxtlar ham bunga tayyor emas, lekin biz bu ehtiyoj ertami-kechmi tan olinishiga umid qilamiz. Ungacha Rossiya o‘z maqsadlariga izchil intilishda davom etadi.
️Bejizga aytilmagan: tinchlik o‘z-o‘zidan kelmaydi - u quriladi. Har kuni. Tinchlik harakat, mas’uliyat va ongli tanlovni talab qiladi.
️Bir mamlakat xavfsizligini boshqalar hisobiga ta’minlash mumkin emas. Ukraina inqirozi Rossiyaning qonuniy manfaatlarini e’tiborsiz qoldirish natijasida yuzaga keldi.
️Moskva global ishlarda BMTning rolini kuchaytirish tarafdori va ushbu fikrni qo‘llab-quvvatlaganlar bilan munosabatlar o‘rnatadi.
️Xalqaro maydondagi vaziyat tobora yomonlashib bormoqda. O‘nlab mamlakatlar betartiblik va qonunsizlikdan aziyat chekmoqda. Ko‘p davlatlar o‘zlarini himoya qilish uchun yetarli resurslarga ega emas.
️Diplomatiya, konsensus yoki murosa o‘rniga - biz o‘zini kuchli hisoblaganlarning o‘z xohish-irodasini boshqalarga o‘tkazishni joiz deb bilganlarning monologini eshitayapmiz.
️Rossiya muvozanatli siyosiy yo‘nalishni davom ettiradi va ko‘p qutbli dunyoga intiladi.
️Moskva Yevropa mamlakatlari bilan muloqotga qaytishga tayyor, bu ularning aybi bilan to‘xtatilgan edi. Vaqt o‘tishi bilan mamlakatlarimiz normal va konstruktiv muloqotga qaytadi deb ishonmoqchiman.
So‘z yakunida Vladimir Putin Rossiya barcha davlatlar bilan o‘zaro manfaatli aloqalarni qurishga tayyor ekanini ta’kidladi.
