https://oz.sputniknews.uz/20260106/fergana-narkotik-holatlar-fosh-etilish-54650939.html
Farg‘onada Tojikistondan olib kirilgan 32 kg narkotik moddasi fosh etildi
Farg‘onada Tojikistondan olib kirilgan 32 kg narkotik moddasi fosh etildi
Sputnik O‘zbekiston
DXXning Farg‘ona viloyati bo‘yicha boshqarmasi tomonidan o‘tkazilgan tezkor tadbirlar davomida Tojikistondan kontrabanda yo‘li bilan olib kirilgan katta miqdordagi giyohvandlik moddalari aniqlanib, bir necha shaxslar qo‘lga olindi.
2026-01-06T09:27+0500
2026-01-06T09:27+0500
2026-01-08T10:48+0500
davlat xavfsizlik xizmati (dxx)
iiv
davlat bojxona qo‘mitasi
narkotik moddalar
giyohvand moddalarga qarshi
qo‘qon
https://cdn1.img.sputniknews.uz/img/07ea/01/06/54650360_0:0:800:450_1920x0_80_0_0_25eabd0ae9e144287597adaf22d02713.jpg
TOShKENT, 6 yanv — Sputnik. Davlat xavfsizlik xizmatining Farg‘ona viloyati bo‘yicha boshqarmasi xodimlari tomonidan bojxona va ichki ishlar organlari bilan hamkorlikda o‘tkazilgan tezkor tadbirlar davomida giyohvandlik moddalarining noqonuniy muomalasi bilan bog‘liq bir qator holatlar fosh etildi. Bu haqda DXX matbuot xizmati xabar berdi.Jumladan, Tojikistondan kontrabanda yo‘li bilan olib kirilgan giyohvandlik vositalari savdosi bilan shug‘ullanib kelgan, 1984-yilda tug‘ilgan fuqaroning Qo‘qon shahridagi yashash xonadoni ko‘zdan kechirildi. Natijada xonadon oshxonasidan 4 kg 572 gr “opiy” hamda 1 kg 58 gr “gashish” moddalari aniqlanib, protsessual tartibda rasmiylashtirib olindi.Shuningdek, unga tojikistonlik narkosavdogarlar tomonidan “WhatsApp” messenjeri orqali yuborilgan geolokatsiya asosida muqaddam Dang‘ara tumani hududiga yashirib ketilgan 9 kg 980 gr “opiy” moddasi ham olindi.Bundan tashqari, ushbu shaxsga giyohvandlik vositalarini qayta ishlab, iste’molga tayyor holatga keltirishda yordam bergan, Qo‘qon shahrida istiqomat qiluvchi, 1969-yilda tug‘ilgan fuqaro o‘z yashash xonadonida narkolaboratoriya tashkil etgani aniqlandi. Uning xonadonidan ham 7 kg 226 gr “opiy” moddasi olindi.Boshqa holatda Qo‘qon shahri hududida harakatlanayotgan, 1980-yilda tug‘ilgan mahalliy fuqaro boshqaruvidagi “Lacetti” rusumli avtotransport vositasi to‘xtatilib, ko‘zdan kechirilganda, unda muqaddam 34 ming AQSh dollariga sotib olingan 5 kg 22 gr “opiy” moddasi borligi ma’lum bo‘ldi.Tezkor tadbir davom ettirilib, ushbu giyohvandlik moddasini sotgan, 1985-yilda tug‘ilgan hamshahari hamda uning jinoiy sherigi bo‘lgan 1985-yilda tug‘ilgan Tojikiston fuqarosi qo‘lga olindi. Shuningdek, tojikistonlik fuqaroning O‘zbekiston tumanidagi xonadonidan ham 2 kg 362 gr “opiy” moddasi olindi.Qo‘qon shahrida qayd etilgan yana bir holatda “Nexia” rusumli avtomashina to‘xtatilib, xolislar ishtirokida ko‘zdan kechirildi. Natijada unda yo‘lovchi sifatida harakatlanayotgan, 1992-yilda tug‘ilgan fuqaroga tegishli sumka ichida 982 gr “gashish” moddasi borligi aniqlandi.Ma’lum bo‘lishicha, u giyohvandlik vositasini muqaddam tojikistonlik narkokuryerlar tomonidan Qo‘qon shahri hududiga yashirib ketilgan xufiya joydan olgan.Farg‘ona shahrida o‘tkazilgan tezkor tadbirda esa 2000-yilda tug‘ilgan shaxs Tojikistondan olib kelingan 989 gr “gashish” moddasini xaridorga 150 million so‘mga sotayotgan vaqtida ashyoviy dalillar bilan qo‘lga olindi.Hozirda barcha holatlar yuzasidan qonunbuzarlarga nisbatan Jinoyat kodeksining 246-moddasi (kontrabanda) va 273-moddasi (giyohvandlik vositalarini saqlash, o‘tkazish) bilan jinoyat ishlari qo‘zg‘atilib, “qamoq” ehtiyot chorasi qo‘llanildi.
https://oz.sputniknews.uz/20251225/iiv-jinoiy-guruh-fosh-qilinish-54463182.html
qo‘qon
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
farg‘ona viloyati, qo‘qon shahri, farg‘ona shahri, davlat xavfsizlik xizmati, dxx, giyohvandlik moddalari, opiy, gashish, narkotik kontrabanda, tojikistondan kontrabanda, narkokuryer, narkosavdo, jinoyat kodeksi 246-modda, jinoyat kodeksi 273-modda, narkotik laboratoriya, tezkor tadbirlar, o‘zbekiston-tojikiston chegarasi
farg‘ona viloyati, qo‘qon shahri, farg‘ona shahri, davlat xavfsizlik xizmati, dxx, giyohvandlik moddalari, opiy, gashish, narkotik kontrabanda, tojikistondan kontrabanda, narkokuryer, narkosavdo, jinoyat kodeksi 246-modda, jinoyat kodeksi 273-modda, narkotik laboratoriya, tezkor tadbirlar, o‘zbekiston-tojikiston chegarasi
Farg‘onada Tojikistondan olib kirilgan 32 kg narkotik moddasi fosh etildi
09:27 06.01.2026 (yangilandi: 10:48 08.01.2026) Farg‘ona viloyatida DXX tomonidan o‘tkazilgan tezkor tadbirlarda Tojikistondan olib kirilgan opiy va gashish musodara qilindi.
TOShKENT, 6 yanv — Sputnik. Davlat xavfsizlik xizmatining Farg‘ona viloyati bo‘yicha boshqarmasi xodimlari tomonidan bojxona va ichki ishlar organlari bilan hamkorlikda o‘tkazilgan tezkor tadbirlar davomida giyohvandlik moddalarining noqonuniy muomalasi bilan bog‘liq bir qator holatlar fosh etildi. Bu haqda DXX matbuot xizmati
xabar berdi.
Jumladan, Tojikistondan kontrabanda yo‘li bilan olib kirilgan giyohvandlik vositalari savdosi bilan shug‘ullanib kelgan, 1984-yilda tug‘ilgan fuqaroning Qo‘qon shahridagi yashash xonadoni ko‘zdan kechirildi. Natijada xonadon oshxonasidan 4 kg 572 gr “opiy” hamda 1 kg 58 gr “gashish” moddalari aniqlanib, protsessual tartibda rasmiylashtirib olindi.
Shuningdek, unga tojikistonlik narkosavdogarlar tomonidan “WhatsApp” messenjeri orqali yuborilgan geolokatsiya asosida muqaddam Dang‘ara tumani hududiga yashirib ketilgan 9 kg 980 gr “opiy” moddasi ham olindi.
Bundan tashqari, ushbu shaxsga giyohvandlik vositalarini qayta ishlab, iste’molga tayyor holatga keltirishda yordam bergan, Qo‘qon shahrida istiqomat qiluvchi, 1969-yilda tug‘ilgan fuqaro o‘z yashash xonadonida narkolaboratoriya tashkil etgani aniqlandi. Uning xonadonidan ham 7 kg 226 gr “opiy” moddasi olindi.
Boshqa holatda Qo‘qon shahri hududida harakatlanayotgan, 1980-yilda tug‘ilgan mahalliy fuqaro boshqaruvidagi “Lacetti” rusumli avtotransport vositasi to‘xtatilib, ko‘zdan kechirilganda, unda muqaddam 34 ming AQSh dollariga sotib olingan 5 kg 22 gr “opiy” moddasi borligi ma’lum bo‘ldi.
Tezkor tadbir davom ettirilib, ushbu giyohvandlik moddasini sotgan, 1985-yilda tug‘ilgan hamshahari hamda uning jinoiy sherigi bo‘lgan 1985-yilda tug‘ilgan Tojikiston fuqarosi qo‘lga olindi. Shuningdek, tojikistonlik fuqaroning O‘zbekiston tumanidagi xonadonidan ham 2 kg 362 gr “opiy” moddasi olindi.
Qo‘qon shahrida qayd etilgan yana bir holatda “Nexia” rusumli avtomashina to‘xtatilib, xolislar ishtirokida ko‘zdan kechirildi. Natijada unda yo‘lovchi sifatida harakatlanayotgan, 1992-yilda tug‘ilgan fuqaroga tegishli sumka ichida 982 gr “gashish” moddasi borligi aniqlandi.
Ma’lum bo‘lishicha, u giyohvandlik vositasini muqaddam tojikistonlik narkokuryerlar tomonidan Qo‘qon shahri hududiga yashirib ketilgan xufiya joydan olgan.
Farg‘ona shahrida o‘tkazilgan tezkor tadbirda esa 2000-yilda tug‘ilgan shaxs Tojikistondan olib kelingan 989 gr “gashish” moddasini xaridorga 150 million so‘mga sotayotgan vaqtida ashyoviy dalillar bilan qo‘lga olindi.
Hozirda barcha holatlar yuzasidan qonunbuzarlarga nisbatan Jinoyat kodeksining 246-moddasi (kontrabanda) va 273-moddasi (giyohvandlik vositalarini saqlash, o‘tkazish) bilan jinoyat ishlari qo‘zg‘atilib, “qamoq” ehtiyot chorasi qo‘llanildi.
