Islom sivilizatsiyasi markazi: asrlar bo‘ylab sayohat
Islom sivilizatsiyasi markazi: asrlar bo‘ylab sayohat
Sputnik O‘zbekiston
Toshkentda barpo etilayotgan Islom sivilizatsiyasi markazi — O‘zbekiston tarixida ilgari misli ko‘rilmagan ilmiy-ma’rifiy majmua. Bu yerda ming yillik ma’rifat... 23.11.2025, Sputnik O‘zbekiston
TOShKENT, 23 noya — Sputnik, Bahrom Hatamov. Toshkent shahrida barpo etilayotgan Islom sivilizatsiyasi markazi O‘zbekistonning ma’naviy tarixida yangi bosqichni boshlab beruvchi, ilgari bo‘lmagan ulkan va innovatsion loyiha sifatida e’tirof etilmoqda. Loyiha 2017-yilda prezident Shavkat Mirziyoyev tashabbusi bilan yo‘lga qo‘yilib, 2018-yil Ramazon hayitida uning poydevoriga tamal toshi qo‘yilgan.Markaz loyihasiga yuzlab mahalliy va xorijiy olimlar, ekspertlar, jamoat arboblari jalb etilgan. Qorasaroy ko‘chasida zamonaviy texnologiyalar va o‘rta asr Samarqand–Hirot me’morchiligi uyg‘unligida barpo etilayotgan bino 10 gektar maydonni egallaydi. 65 metrli mahobatli gumbaz, 34 metrli peshtoqlar va o‘ta nozik naqshlar markazga o‘ziga xos salobat bag‘ishlaydi.Markaz tarkibida ilmiy-tadqiqot bo‘limlari, nodir qo‘lozmalar fondi, milliondan ziyod adabiyotni o‘z ichiga oluvchi kutubxona, raqamlashtirish laboratoriyalari, restavratsiya ustaxonalari, xalqaro markazlar va ziyorat turizmi bo‘limlari joy oladi. Birinchi qavatdagi 15 ming kvadrat metrli ko‘rgazma galereyasi zamonaviy multimedia vositalari orqali ajdodlar merosini yangi formatda namoyish etadi.Ekspozitsiyalar "Islomdan avvalgi sivilizatsiyalar", "Birinchi va Ikkinchi Renessans", "Yangi O‘zbekiston — Uchinchi Renessans poydevori", "Qur’oni karim" kabi mavzularni qamrab oladi. Xorazmiy, Farg‘oniy, Beruniy, Ibn Sino, Mirzo Ulug‘bek, Navoiy, Bobur kabi allomalar, shuningdek, Bibixonim, Nodirabegim, Uvaysiydek ma’rifat homiylarining bebaho hissasi maxsus ekspozitsiyalar orqali yoritiladi.Qur’oni karim zalida esa musulmon olamining eng qimmatli meroslaridan biri — Usmon Mushafi namoyish etiladi. Shu bilan birga turli sulolalar davrida yaratilgan qo‘lozma Qur’onlar va ularning tarjimalari ham taqdim etiladi."Vaqt kapsulasi" va "Vaqt devori" kabi interaktiv loyihalar tashrif buyuruvchilarni asrlar osha sayohatga yetaklaydi. Markaz YuNESKO va AYSESKO kabi nufuzli tashkilotlar bilan hamkorlik qilayotgani uning xalqaro ilmiy maydondagi o‘rnini yanada mustahkamlamoqda.800 tadan ortiq ilmiy loyihalar ustida 50 tadan ziyod mamlakatdan kelgan 600 nafardan ortiq mutaxassis ish olib borayotgan markaz Yangilangan O‘zbekistonning ma’rifat strategiida muhim ustunga aylanmoqda.
Toshkentda barpo etilayotgan Islom sivilizatsiyasi markazi — O‘zbekiston tarixida ilgari misli ko‘rilmagan ilmiy-ma’rifiy majmua. Bu yerda ming yillik ma’rifat merosi, zamonaviy texnologiyalar va Renessans ruhi uyg‘unlashib, mamlakatning yangi intellektual qiyofasini namoyon etmoqda
TOShKENT, 23 noya — Sputnik, Bahrom Hatamov. Toshkent shahrida barpo etilayotgan Islom sivilizatsiyasi markazi O‘zbekistonning ma’naviy tarixida yangi bosqichni boshlab beruvchi, ilgari bo‘lmagan ulkan va innovatsion loyiha sifatida e’tirof etilmoqda. Loyiha 2017-yilda prezident Shavkat Mirziyoyev tashabbusi bilan yo‘lga qo‘yilib, 2018-yil Ramazon hayitida uning poydevoriga tamal toshi qo‘yilgan.
Markaz loyihasiga yuzlab mahalliy va xorijiy olimlar, ekspertlar, jamoat arboblari jalb etilgan. Qorasaroy ko‘chasida zamonaviy texnologiyalar va o‘rta asr Samarqand–Hirot me’morchiligi uyg‘unligida barpo etilayotgan bino 10 gektar maydonni egallaydi. 65 metrli mahobatli gumbaz, 34 metrli peshtoqlar va o‘ta nozik naqshlar markazga o‘ziga xos salobat bag‘ishlaydi.
Tarixiy asarlar bilan o‘ralgan va an’anaviy sharqona koshinlar bilan bezatilgan boy bezatilgan marosim yoki to‘y libosi bilan jihozlangan ko‘rgazma xonasi
Markaz tarkibida ilmiy-tadqiqot bo‘limlari, nodir qo‘lozmalar fondi, milliondan ziyod adabiyotni o‘z ichiga oluvchi kutubxona, raqamlashtirish laboratoriyalari, restavratsiya ustaxonalari, xalqaro markazlar va ziyorat turizmi bo‘limlari joy oladi. Birinchi qavatdagi 15 ming kvadrat metrli ko‘rgazma galereyasi zamonaviy multimedia vositalari orqali ajdodlar merosini yangi formatda namoyish etadi.
Ekspozitsiyalar "Islomdan avvalgi sivilizatsiyalar", "Birinchi va Ikkinchi Renessans", "Yangi O‘zbekiston — Uchinchi Renessans poydevori", "Qur’oni karim" kabi mavzularni qamrab oladi. Xorazmiy, Farg‘oniy, Beruniy, Ibn Sino, Mirzo Ulug‘bek, Navoiy, Bobur kabi allomalar, shuningdek, Bibixonim, Nodirabegim, Uvaysiydek ma’rifat homiylarining bebaho hissasi maxsus ekspozitsiyalar orqali yoritiladi.
"Islom sivilizatsiyasi markazi — bu o‘tmishdan nafaqat g‘urur, balki kelajakka yo‘l ochayotgan milliy ma’rifat majmuasi".
Qur’oni karim zalida esa musulmon olamining eng qimmatli meroslaridan biri — Usmon Mushafi namoyish etiladi. Shu bilan birga turli sulolalar davrida yaratilgan qo‘lozma Qur’onlar va ularning tarjimalari ham taqdim etiladi.
"Vaqt kapsulasi" va "Vaqt devori" kabi interaktiv loyihalar tashrif buyuruvchilarni asrlar osha sayohatga yetaklaydi. Markaz YuNESKO va AYSESKO kabi nufuzli tashkilotlar bilan hamkorlik qilayotgani uning xalqaro ilmiy maydondagi o‘rnini yanada mustahkamlamoqda.
800 tadan ortiq ilmiy loyihalar ustida 50 tadan ziyod mamlakatdan kelgan 600 nafardan ortiq mutaxassis ish olib borayotgan markaz Yangilangan O‘zbekistonning ma’rifat strategiida muhim ustunga aylanmoqda.
