“Uchar tuya rivoyati”: Toshkentda Ulug‘bek Rajabovning shaxsiy ko‘rgazmasi ochildi
Obuna bo‘lish
Eksklyuziv
Tomoshabinlar ijodkorning so‘nggi yillarda yaratgan 30 taga yaqin yirik hajmdagi asarlari bilan yaqindan tanishish imkoniyatiga ega bo‘lishadi.
20 noyabr kuni Toshkent Fotosuratlar uyida O‘zbekiston Badiiy ijodkorlar uyushmasi a’zosi, yosh va iste’dodli rassom Ulug‘bek Rajabovning “Uchar tuya rivoyati” nomli shaxsiy ko‘rgazmasi tantanali tarzda ochildi.
Mazkur madaniy tadbir O‘zbekiston Badiiy akademiyasi, O‘zbekiston Badiiy ijodkorlar uyushmasi hamda Toshkent Fotosuratlar uyi hamkorligida tashkil etilmoqda.
Ko‘rgazmada rassomning 30 taga yaqin rangtasvir asarlari namoyish etiladi. Rajabov bugungi kunda respublika miqyosidagi yirik ko‘rgazmalar ishtirokchisi sifatida san’at ixlosmandlariga yaxshi tanish. Uning asarlari yorqin ranglari, shakllarning plastika va ifodaviy jihatdan o‘ziga xosligi bilan ajralib turadi.
Rassom o‘zining ranglar bilan ishlashdagi ichki sezgirligi va tajribasi orqali har bir asariga o‘zgacha ruh bag‘ishlaydi. Ba’zan bu tuyg‘u ona shahri Samarqandning ko‘hna sayqalidan ilhom oladi, ba’zan esa ijodkorning ichki musiqasi bilan uyg‘unlashadi. “Soyadagi qizlar”, “Bahor”, “Oqshom”, “Kuzgi kayfiyat” kabi asarlar shular jumlasidan.
1/18
© Sputnik / Baxrom Xatamov
Sado va ranglar
2/18
© Sputnik / Baxrom Xatamov
Kuz
3/18
© Sputnik / Baxrom Xatamov
Ustoz va shogird
4/18
© Sputnik / Baxrom Xatamov
To‘y
5/18
© Sputnik / Baxrom Xatamov
Mehmonlari ko‘rgazma ochilishida
6/18
© Sputnik / Baxrom Xatamov
Sarchashma
7/18
© Sputnik / Baxrom Xatamov
Buyuk tamaddunlar
8/18
© Sputnik / Baxrom Xatamov
Hurmatli ko‘rgazma mehmonlari
9/18
© Sputnik / Baxrom Xatamov
Kuzgi kayfiyat
10/18
© Sputnik / Baxrom Xatamov
Ranglar olamiga sho‘ng‘ish
11/18
© Sputnik / Baxrom Xatamov
Shoxi-Zinda
12/18
© Sputnik / Baxrom Xatamov
Ochilishga anshlag
13/18
© Sputnik / Baxrom Xatamov
Xuzurlanish lahzasi
14/18
© Sputnik / Baxrom Xatamov
Botanika bog‘i
15/18
© Sputnik / Baxrom Xatamov
So‘qoq
16/18
© Sputnik / Baxrom Xatamov
Selfi
17/18
© Sputnik / Baxrom Xatamov
Kuzning aksi
18/18
© Sputnik / Baxrom Xatamov
Ko‘rgazma afishasi
Ko‘rgazmaning asosiy qismini tashkil etuvchi yirik hajmdagi konseptual asarlar esa tomoshabinni nafaqat o‘zining ko‘lami, balki mavzu talqini bilan ham hayratga soladi. Ularda rassom qadimiy So‘g‘d madaniyatiga nafis, ehtiyotkorona va shu bilan birga zamonaviy yondashuv orqali murojaat qiladi.
Mahobatli shakllar, qadimiy ruhni aks ettiruvchi ranglar kompozitsiyalarga chuqur mazmun, tarixiy jarang va badiiy ulug‘vorlik bag‘ishlaydi. “Buyuk tamaddunlar”, “So‘g‘d go‘zallari”, “To‘y”, “Uchar tuyalar”, “Afrosiyob ishqi” — Rajabov ijodidagi ramziy va ma’nodagi eng yorqin namunalardan hisoblanadi.
“Rang – bu mening hikoya tilim. Ba’zan birgina ohang butun rivoyatni aytib berishi mumkin”, — deydi Ulug‘bek Rajabov.
Ijodkor haqida qisqacha
Ulug‘bek Rajabov 1981-yilda Samarqand viloyatining Narpay tumanida tug‘ilgan. P. Benkov nomidagi Respublika rassomlik kollejini tamomlagan, so‘ng K. Behzod nomidagi MRDIda bakalavriat va magistratura bosqichlarida ta’lim olgan.
2009 yildan boshlab O‘zbekiston Badiiy ijodkorlar uyushmasi a’zosi. 2011–2021 yillarda turli ijodiy ta’lim muassasalarida dars bergan. Rassomning asarlari xalqaro va respublika ko‘rgazmalarida namoyish etilgan bo‘lib, bugungi kunda dunyoning turli davlat muzeylari va shaxsiy galereyalarida saqlanadi.
