https://oz.sputniknews.uz/20251013/alisher-hamdamo-korgazma-foto-52660522.html

Toshkentda Alisher Hamdamovning "Ranglarda yashovchi hislar" ko‘rgazmasi ochildi - foto

Toshkentda Alisher Hamdamovning "Ranglarda yashovchi hislar" ko‘rgazmasi ochildi - foto

Sputnik O‘zbekiston

Fotosuratlar uyida yosh iste’dodli rassom Alisher Hamdamovning “Ranglarda yashovchi hislar” nomli shaxsiy ko‘rgazmasi o‘z ishini boshladi. Ekspozitsiyasi tomoshabinni his-tuyg‘ular olamiga chorlaydi. Asarlarda ranglarning uyg‘unligi, mazoklarning shiddati va kompozitsion yechimlaridagi aniqlik muallifning yetuk mahoratini namoyon etadi.

2025-10-13T19:47+0500

2025-10-13T19:47+0500

2025-10-13T19:47+0500

rassom

ko‘rgazma

foto

multimedia

toshkent

https://cdn1.img.sputniknews.uz/img/07e9/0a/0d/52654921_0:206:3069:1932_1920x0_80_0_0_507af77ff8aba8f2cb2cea8157ba7e5b.jpg

Fotosuratlar uyida yosh iste’dodli rassom Alisher Hamdamovning “Ranglarda yashovchi hislar” nomli shaxsiy ko‘rgazmasi o‘z ishini boshladi. O‘zbekiston Badiiy akademiyasi, O‘zbekiston Badiiy ijodkorlar uyushmasi hamda Toshkent Fotosuratlar uyi hamkorligida tashkil etilgan ushbu ko‘rgazma yosh rassom Alisher Hamdamov ijodining so‘nggi yillarda yuksak darajada shakllangan ifodasini ko‘rsatadi. Rassomning “Ranglarda yashovchi hislar” deb nomlangan ekspozitsiyasi tomoshabinni his-tuyg‘ular olamiga chorlaydi. Asarlarda ranglarning uyg‘unligi, mazoklarning shiddati va kompozitsion yechimlaridagi aniqlik muallifning yetuk mahoratini namoyon etadi.Alisher Hamdamov o‘ziga xos uslub va ifoda vositalariga ega rassom sifatida tanilgan. Uning “Manzilli safar” (2025), “Muloqot” (2024), “Mutolaa” (2024), “Savdogarlar” (2024), “Karvon” (2024) kabi ishlari ranglar simfoniyasi orqali inson kayfiyatini va hayotning turfa ohanglarini ifodalaydi. Rassomning “Bahor” (2020) asarida yoshlikning iliq tuyg‘ulari, “Ota” (2025)da esa umrning chuqur falsafasi mujassam.Ko‘rgazmadagi har bir asar ranglar orqali hayot, inson, tabiat va tuyg‘ular orasidagi nozik bog‘liqlikni ochib beradi. Hamdamov ijodi tomoshabinni o‘ylantiradi, ranglar tili orqali his etishga undaydi. Alisher Hamdamov 1986-yilda Farg‘ona viloyatining Rishton tumanida tug‘ilgan. U P. Benkov nomidagi rassomlik kollejini va Kamoliddin Behzod nomidagi MRDIni tamomlagan. 2010-yildan O‘zbekiston Badiiy ijodkorlar uyushmasi a’zosi. Rassom xalqaro miqyosdagi bir qator ko‘rgazma va simpoziumlarda ishtirok etgan, asarlari Kipr, Xitoy va boshqa davlatlardagi san’at muzeylari hamda shaxsiy kolleksiyalarda saqlanadi.Ko‘rgazma 19-oktabrgacha qadar davom etadi.

2025

Yangiliklar

uz_UZ

ko‘rgazma toshkent rassom foto alisher hamdamov ranglarda yashovchi hislar