TOShKENT, 25 sen – Sputnik. O‘zbekiston va Rossiya o‘rtasida elektron imzoni o‘zaro tan olish tartibi bo‘yicha hamkorlik bitimi imzolandi. Bitim "ICT Week Uzbekistan 2025" doirasida imzolandi.Ta’kidlanishicha, bitimning asosiy maqsadi ishonchli uchinchi funksional mexanizmi orqali elektron imzolarni o‘zaro tekshirishni yo‘lga qo‘yishdan iborat. Bu esa ikki davlat o‘rtasida transchegaraviy elektron hujjat almashinuvini huquqiy va texnik jihatdan qo‘llab-quvvatlashga xizmat qiladi.Imzolash marosimida tomonlar elektron imzolarni o‘zaro tasdiqlovchi kvitansiyalarni taqdim etdi va yakuniy versiyadagi hujjatni tasdiqlashdi.Kelishuv jarayonida O‘zbekiston texnologiyalar vazirligi, Rossiyaning "Gazinformservis" MChJ va O‘zbekistonning "Unicon.uz" MChJ vakillari ishtirok etgani aytilmoqda. "Gazinformservis" ushbu bitimda Rossiyaning ishonchli uchinchi tomoni sifatida qatnashgan.Ta’kidlash joizki, O‘zbekiston va Rossiya sherikchilik aloqalari nafaqat iqtisod va innovatsion texnologiyalar, balki san’at va madaniyat sohasida ham izchil davom etmoqda. Masalan, yaqinda Toshkentda o‘tkazilgan “San’at olami” nomli birinchi Rossiya san’ati festivali poytaxt aholisi uchun rus hamda dunyo opera va balet san’atlarining eng nodir durdonalarini taqdim etgan edi.
Bitim biznes aloqalarini soddalashtirish hamda tashkilotlararo hujjatlar almashinuvi operativligi hamda shaffofligini ta’minlash uchun xizmat qiladi.
TOShKENT, 25 sen – Sputnik. O‘zbekiston va Rossiya o‘rtasida elektron imzoni o‘zaro tan olish tartibi bo‘yicha hamkorlik bitimi imzolandi. Bitim "ICT Week Uzbekistan 2025" doirasida imzolandi.
Ta’kidlanishicha, bitimning asosiy maqsadi ishonchli uchinchi funksional mexanizmi orqali elektron imzolarni o‘zaro tekshirishni yo‘lga qo‘yishdan iborat. Bu esa ikki davlat o‘rtasida transchegaraviy elektron hujjat almashinuvini huquqiy va texnik jihatdan qo‘llab-quvvatlashga xizmat qiladi.
Imzolash marosimida tomonlar elektron imzolarni o‘zaro tasdiqlovchi kvitansiyalarni taqdim etdi va yakuniy versiyadagi hujjatni tasdiqlashdi.
“Kelishuvning amaliy natijasi — O‘zbekiston va Rossiya o‘rtasida elektron imzo bilan imzolangan hujjatlar rasmiy jihatdan o‘zaro tan olinadi. Bu esa davlatlararo, korporativ va tijorat hujjatlarini raqamli formatda tez, ishonchli va qonuniy tarzda yuborish va qabul qilish imkonini beradi”, – deyiladi xabarda.
Kelishuv jarayonida O‘zbekiston texnologiyalar vazirligi, Rossiyaning "Gazinformservis" MChJ va O‘zbekistonning "Unicon.uz" MChJ vakillari ishtirok etgani aytilmoqda. "Gazinformservis" ushbu bitimda Rossiyaning ishonchli uchinchi tomoni sifatida qatnashgan.
“Bu oddiy hujjat emas, balki real biznes uchun samarali yechimdir,” — dedi "Gazinformservis" kompaniyasi direktori Elena Ivanova, — Bu kabi kelishuvlar elektron hujjat aylanishi orqali vaqt va mablag‘ni tejaydi, tomonlar o‘rtasidagi ishonchni oshiradi”.
Ta’kidlash joizki, O‘zbekiston va Rossiya sherikchilik aloqalari nafaqat iqtisod va innovatsion texnologiyalar, balki san’at va madaniyat sohasida ham izchil davom etmoqda. Masalan, yaqinda Toshkentda o‘tkazilgan “San’at olami” nomli birinchi Rossiya san’ati festivali poytaxt aholisi uchun rus hamda dunyo opera va balet san’atlarining eng nodir durdonalarini taqdim etgan edi.
