Imom Moturidiy markazining asosiy vazifalari belgilab berildi

© WikipediaMavzoley Imam Moturidi v Samarkande
Mavzoley Imam Moturidi v Samarkande - Sputnik O‘zbekiston, 1920, 16.09.2025
Obuna bo‘lish
Markazda 40 nafar xodim, shu jumladan, 24 nafar ilmiy xodim faoliyat olib boradi.
TOShKENT, 16 sen — Sputnik. Vazirlar Mahkamasining583-sonli qarori bilan Imom Moturidiy xalqaro ilmiy-tadqiqot markazining ustavi tasdiqlandi.
Ustav Imom Moturidiy xalqaro ilmiy-tadqiqot markazining asosiy vazifa va funksiyalari, huquq va majburiyatlarini, shuningdek, faoliyatini tashkil etish tartibini belgilaydi.
Ustavga ko‘ra, islom dinining insonparvarlik mohiyati, ma’rifiy-madaniy roli va rivojlanish yo‘nalishlarini ilmiy asosda o‘rganish va keng ommaga yetkazish Markazning vazifalaridan biri hisoblanadi.
Markazning asosiy funksiyalari amalga oshiradi, jumladan:
Imom Moturidiy, Abu Muin Nasafiy va ularning izdoshlari tomonidan yozilgan aqida va kalom ilmlariga oid asarlarning tadqiqiga oid ilmiy loyihalarni amalga oshiradi;
islom dinining ilm-ma’rifat, bunyodkorlik va insoniylikka asoslangan mazmun-mohiyatini ochib berishga bag‘ishlangan tadqiqotlarni amalga oshiradi.
Markaz faoliyatini qo‘llab-quvvatlash va muvofiqlashtirish bo‘yicha Vasiylik kengashi Markaz faoliyatini muvofiqlashtiradi.
Eslatib o‘tamiz, Imom Moturidiy xalqaro ilmiy-tadqiqot markazi — prezidentining 2020-yil 11-avgustdagi qarori asosida O‘zbekiston xalqaro islom akademiyasi huzurida tashkil etilgan edi.

Markazning asosiy maqsadi mutafakkir olim, moturidiylik ta’limoti asoschisi Imom Abu Mansur Moturidiy va uning izdoshlari merosini chuqur o‘rganish, ularning aqida va kalom ilmi rivojiga qo‘shgan hissasini tadqiq etish va keng targ‘ib qilish etib belgilangan. Markazda 40 nafar xodim, shu jumladan, 24 nafar ilmiy xodim faoliyat olib boradi.
Yangiliklar lentasi
0