O‘zbekiston delegatsiyasi Nijniy Novgorodga tashrif buyurdi
© Press-slujba gubernatora i
pravitelstva Nijegorodskoy oblasti
Obuna bo‘lish
Bosh konsul Qosimov o‘zaro hamkorlikni rivojlantirishning muhimligini ta’kidladi.
TOShKENT, 5 sen – Sputnik. Rossiyaning Nijniy Novgorod viloyatiga O‘zbekistonning Qozondagi bosh konsulxonasi delegatsiyasi amaliy tashrif bilan keldi, deya xabar berdi viloyat hukumati matbuot xizmati.
Delegatsiyaga bosh konsul Nodirjon Qosimov rahbarlik qilmoqda. Tashrif maqsadi – Nijniy Novgorod viloyati va O‘zbekiston hududlari o‘rtasidagi ikki tomonlama munosabatlarni mustahkamlash, savdo-iqtisodiy, ta’lim va madaniy hamkorlikni rivojlantirish.
Delegatsiya Uzbekistana pribila v Nijegorodskuyu oblast dlya rasshireniya torgovo-ekonomicheskix i obrazovatelnix svazey s regionom
© Press-slujba gubernatora i
pravitelstva Nijegorodskoy oblasti
Tashrif doirasida Nijniy Novgorod viloyati gubernatori o‘rinbosari Andrey Gneushevning delegatsiya a’zolari bilan uchrashuvi bo‘lib o‘tdi.
“Bugungi kunda O‘zbekiston Nijniy Novgorod viloyatining eng keng faoliyat yo‘nalishlari bo‘yicha muhim hamkori hisoblanadi. Anchadan buyon yaqin aloqalar o‘rnatganmiz. Bir qator hududlar bilan o‘zaro hamkorlik shartnomalari imzolangan. Biz jadal rivojlanayotgan samarali hamkorligimizni juda qadrlaymiz. Bizning maqsadimiz, ayniqsa savdo-iqtisodiy va ta’lim sohalarida hamkorlikni rivojlantirishni davom ettirish, o‘zaro rivojlanish uchun yangi zamin yaratishdir”, - dedi Gneushev.
Uchrashuv doirasida ta’lim sohasiga alohida e’tibor qaratildi. Ta’kidlanishicha, Nijniy Novgorod o‘zbekistonlik talabalari uchun yetakchi jalb qilish markazlaridan biriga aylandi. Bugungi kunda viloyat oliy o‘quv yurtlarida 1500 nafardan ortiq o‘zbek talabalari tahsil olmoqda, bu xorijiy talabalar umumiy sonining 20 foizini tashkil etadi.
Bosh konsul Qosimov o‘zaro hamkorlikni rivojlantirishning muhimligini ta’kidladi.
“Shuni alohida ta’kidlashni istardimki, O‘zbekiston mamlakat ichida ham, Rossiya Federatsiyasi mintaqalari, masalan, Nijniy Novgorod viloyati bilan mintaqalararo munosabatlarni rivojlantirishga katta ahamiyat beradi. Nijniy Novgorod va Nijniy Novgorod viloyati barcha muhim jihatlarni qamrab olgan imzolangan bitimlar doirasida O‘zbekiston mintaqalari bilan hamkorlikni mustahkamlash uchun hamma narsani qilmoqda. Iqtisodiy hamkorlik, delegatsiyalar almashinuvi, o‘zaro tashriflar va ilmiy-gumanitar hamkorlikni rivojlantirish haqida gapirganda, prezidentimiz tomonidan amalga oshirilayotgan tub islohotlar tufayli faol ish olib borayotgan samarali hamkorlik mexanizmlari yaratilganini ta’kidlayman. Va biz hamkorlikka tayyormiz", - dedi Qosimov.
Tashrif doirasida O‘zbekiston delegatsiyasining hamkorlikni kengaytirishdan manfaatdor bo‘lgan va yangi takliflarga ochiq bo‘lgan Nijniy Novgorod tadbirkorlari bilan uchrashuvi rejalashtirilgan.
