Energetika, transport, turizm: Xitoy investorlari bilan muhim kelishuvlarga erishildi
© Ministerstvo investitsiy, promishlennosti i torgovli Respubliki Uzbekistan
Obuna bo‘lish
Muzokaralar yakunida tayyorgarlik ishlarini boshlash va muloqotni davom ettirish bo‘yicha kelishuvga erishildi.
TOShKENT, 3 avg – Sputnik. O‘zbekiston investitsiyalar, sanoat va savdo vaziri o‘rinbosari Ilzat Kasimov infratuzilma, energetika, transport va turizm sohalarida ikki tomonlama hamkorlikni kengaytirish masalalari yuzasidan Xitoyning yetakchi kompaniyalari rahbariyati bilan muzokaralar o‘tkazdi. Bu haqda vazirlik matbuot xizmati xabar berdi.
MIPT Uzbekistana provol rad klyuchevix vstrech v Tanszine s krupneyshimi kitayskimi investorami
© Ministerstvo investitsiy, promishlennosti i torgovli Respubliki Uzbekistan
Uchrashuvlar Xitoyning Tanszin shahrida bo‘lib o‘tdi.
“Sinoma Energy Conservation” rahbariyati bilan Jizzax viloyatida gips zaxiralarini geologik qidirish, shamol generatorlari ishlab chiqarish, innovatsion energetika texnoparkini barpo etish, shuningdek, strategik sheriklik to‘g‘risidagi memorandumni imzolash masalalari muhokama qilindi.
“Tianjin Urban Construction Group Holdings” kompaniyasi O‘zbekistonda ko‘priklar va avtomagistrallar qurilishida, metro va LRT tizimlarini rivojlantirishda, drenaj infratuzilmasini yaratishda, shuningdek, texnoparklar va muhandislik markazlarida tajriba almashish va ishtirok etishga tayyorligini bildirdi.
“Tianjin Rail Transit Group Corporation” metro tizimlari bo‘yicha ilg‘or yechimlarini, jumladan avtomatlashtirish, harakatni boshqarish va xodimlarni o‘qitish bo‘yicha tajribasini taqdim etdi. Delegatsiya kompaniyaning texnologik markazi va transport boshqaruv tizimi bilan tanishdi.
“ST Wonderful International” Toshkent shahrida besh yulduzli “Pekin” mehmonxonasini qurish va oilaviy hordiq uchun yirik ko‘ngilochar bog‘ni barpo etish bo‘yicha rejalarini tasdiqladi.
MIPT Uzbekistana provol rad klyuchevix vstrech v Tanszine s krupneyshimi kitayskimi investorami
© Ministerstvo investitsiy, promishlennosti i torgovli Respubliki Uzbekistan
Muzokaralar yakunida tayyorgarlik ishlarini boshlash va muloqotni davom ettirish bo‘yicha kelishuvga erishildi. O‘zbekiston tomoni Xitoy hamkorlari bilan asosiy yo‘nalishlarda uzoq muddatli hamkorlikka tayyor ekanligini tasdiqladi.
