Medinskiy Rossiya va Ukraina Istanbulda nimalarga kelishib olganini ochiqladi
09:58 24.07.2025 (yangilandi: 10:37 24.07.2025)
© Sputnik / Ramil Sitdikov
/ Obuna bo‘lish
Vladimir Medinskiy muzokaralarda erishilgan kelishuvlarni ma’lum qildi.
TOShKENT, 24-iyul – Sputnik. Istanbulda Rossiya-Ukraina muzokaralarining uchinchi raundi bo‘lib o‘tdi. Rossiya delegatsiyasi rahbari Vladimir Medinskiy muzokaralarda erishilgan kelishuvlarni ma’lum qildi.
Rossiya takliflari
Onlayn rejimda ishlaydigan uchta ishchi guruh tuzish, Kiyev bu taklifni ko‘rib chiqadi.
Har ikki tomondan yana kamida 1200 nafar harbiy asir almashish.
Yaradorlar va askarlarning jasadlarini olib chiqib ketish uchun qisqa, 24 va 48 soatlik sulh e’lon qilish masalasini ko‘rib chiqish.
Rossiya yana uch ming halok bo‘lgan ukrainalik harbiylarning jasadini topshirishni taklif qildi, ular Qizil Xoch yordami bilan va Ukraina tomoni tayyor bo‘lishi bilanoq topshiriladi.
Gumanitar kelishuvlar
Ikkinchi raunddagi barcha gumanitar kelishuvlar bajarildi.
Ikkinchi misli ko‘rilmagan yirik mahbuslar almashinuvi yakunlandi.
Moskva Kiyevga Ukraina Qurolli kuchlarining halok bo‘lgan yetti mingdan ortiq harbiy xizmatchisining jasadini qaytardi.
Harbiy operatsiyalar chizig‘ida og‘ir yaradorlar va bemorlarning muddatsiz tibbiy almashinuvi davom etadi.
Tinch aholining qaytishi
Ukraina bilan harbiy operatsiyalar natijasida ko‘chirilgan tinch aholini qaytarish masalasi muhokama qilindi.
Ukraina Qurolli kuchlari tomonidan Ukraina hududiga ko‘chirilgan Kursk viloyati aholisining hammasi ham uylariga qaytarilmagan, ularning soni 30 nafarga yaqin.
Ularning nima sababdan ushlab turilgani noma’lum.
Kiyev bu odamlarning maqomiga oydinlik kiritishi kerak.
Rossiya Ukraina qo‘l ostidagi Kursk viloyati aholisini asirga olingan askarlar va boshqa toifadagi odamlarga almashtirishga tayyor.
Rahbarlar uchrashuvi
Putin va Zelenskiy uchrashuviga to‘g‘ri tayyorlanish kerak, Rossiya delegatsiyasi bu pozitsiyani Ukraina delegatsiyasiga yetkazdi.
Rahbarlar uchrashuvi uchun kelishuv shartlarini ishlab chiqish va bu uchrashuvda nimani muhokama qilish kerakligini tushunish kerak.
Putin va Zelenskiy uchrashuvi mojaroga “nuqta qo‘yishi” kerak.
Bolalarning qaytishi
Rossiya muzokaralarning o‘tgan raundida olingan ukrainalik bolalar ro‘yxati bilan bog‘liq ishini yakunladi.
Ukraina ro‘yxatidagi katta miqdordagi bolalar hech qachon Rossiya hududida bo‘lmagan.
Ma’lum bo‘lishicha, ro‘yxatdagi 50 nafar familiya katta odamlarniki.
Rossiyadagi ukrainalik bolalar davlat nazorati ostida, ular farovonlik va xavfsizlikda tegishli bolalar muassasalarida qolmoqda.
Rossiyadagi Inson huquqlari va bolalar huquqlari bo‘yicha vakillar mamlakat hududida joylashganligi taxmin qilinayotgan ukrainalik bolalar ro‘yxati ustida ishlamoqda.
Rossiya Kiyev bilan Rossiya hududidan Ukrainaga olib ketilgan bolalarni qaytarish masalasini ko‘tardi.
Moskva Ukraina va Yevropa Ittifoqi mamlakatlaridagi rossiyalik bolalar ro‘yxatini topshirdi.
Mojaroni hal qilish masalasini muhokama qilish
Rossiya va Ukraina muzokaralar davomida memorandumlarda belgilangan pozitsiyalarni uzoq muhokama qilishdi, ular bir-biridan juda uzoqda.
Medinskiy Ukraina tomoni bilan nafaqat delegatsiyalar darajasida, balki ishchi guruhlar darajasida ham tezkor aloqalarga umid bildirdi.
Rossiya Ukraina bilan muzokaralarning to‘rtinchi raundi bo‘lib o‘tishiga umid qilmoqda.
