Sergey Lavrov va Si Szinpin uchrashdi — muhokama etilgan masalalar
© Ministerstvo inostrannix del Rossiyskoy Federatsii
Obuna bo‘lish
Si Szinpin sheriklik va strategik hamkorlikni yanada kengaytirishga intilish qat’iy ekanini tasdiqladi.
TOShKENT, 15-iyul — Sputnik. Rossiya tashqi ishlar vaziri Sergey Lavrov XXR raisi Si Szinpin tomonidan qabul qilindi, deya xabar berdi vazirlik matbuot xizmati.
Uchrashuv Pekinda Shanxay hamkorlik tashkiloti Tashqi ishlar vazirlari kengashi yig‘ilishida ishtirok etish doirasida bo‘lib o‘tdi. Lavrov Xitoy yetakchisiga Rossiya prezidenti Vladimir Putinning salomi va eng ezgu tilaklarini yetkazdi.
Ministr inostrannix del Rossii Sergey Lavrov provel dvustoronnyuyu vstrechu s predsedatelem KNR Si Szinpinom v Tanszine
© Ministerstvo inostrannix del Rossiyskoy Federatsii
“Oliy va yuqori darajadagi ikki tomonlama siyosiy aloqalarning qator masalalari, jumladan, Rossiya davlat rahbarining ShHT sammitida va militaristik Yaponiya ustidan qozonilgan G‘alabaning 80-yilligi tantanalarida ishtirok etish uchun Xitoy Xalq Respublikasiga tashrifiga tayyorgarlik ko‘rish masalalari muhokama qilindi”, — deyiladi xabarda.
Rossiya tomonidan xalqaro va mintaqaviy kun tartibining ayrim dolzarb mavzulariga ham to‘xtalib o‘tildi.
Ministr inostrannix del Rossii Sergey Lavrov provel dvustoronnyuyu vstrechu s predsedatelem KNR Si Szinpinom v Tanszine
© Ministerstvo inostrannix del Rossiyskoy Federatsii
XXR raisi uzoq yillik va samimiy do‘stlik rishtalari bog‘lab turgan Rossiya yetakchisining Xitoyga bo‘lajak tashrifini qutladi.
Si Szinpin ikki tomonlama munosabatlarning bugungi holatini yuksak baholadi hamda Rossiya Federatsiyasi bilan keng qamrovli sheriklik va strategik hamkorlikni yanada kengaytirishga intilishi qat’iy ekanini tasdiqladi.
