Valentina Matviyenko Tanzila Narbayevani Xalqaro parlamentarizm kuni bilan tabrikladi
14:13 30.06.2025 (yangilandi: 14:16 30.06.2025)
© Senat Oliy Majlisa
Obuna bo‘lish
Valentina Matviyenko: parlament diplomatiyasining davlatlararo muloqotdagi ahamiyati ortib bormoqda.
TOShKENT, 30-iyun — Sputnik. Global tahdidlar sharoitida parlament diplomatiyasining davlatlararo muloqotni uyg‘unlashtirish vositasi sifatidagi ahamiyati ortib bormoqda. Bu haqda Rossiya Federatsiya Kengashi raisi Valentina Matviyenko ma’lum qildi, deb yozmoqda "Parlament gazetasi".
Qayd etilishicha, Valentina Matviyenko 30-iyun - Xalqaro parlamentarizm kuni munosabati bilan Belarus, Ozarbayjon, Armaniston, Qozog‘iston, Tojikiston, Turkmaniston, O‘zbekiston, Qirg‘iziston, XXR, Hindiston, Indoneziya, Braziliya, BAA, Misr, Saudiya Arabistoni, JAR, Efiopiya parlamentlari, shuningdek, Parlamentlararo ittifoqdagi hamkasblariga tabrik telegrammalarini yubordi.
"Qonun chiqaruvchilar dolzarb xalqaro va mintaqaviy muammolarni hal qilishga ko‘maklashadi. Davlatning ichki siyosiy va ijtimoiy-iqtisodiy barqarorligi ko‘p jihatdan ularning samarali faoliyatiga bog‘liq. Global tahdidlar sharoitida parlament diplomatiyasining davlatlararo muloqotni uyg‘unlashtirish vositasi sifatidagi ahamiyati ortib bormoqda", — deyiladi tabrik matnida.
Matviyenkoning ta’kidlashicha, Xalqaro parlamentarizm kuni qonun chiqaruvchi hokimiyat organlariga yuklatilgan missiya - davlat huquqiy tizimining samarali ishlashini, fuqarolarning huquq va erkinliklariga rioya etilishini ta’minlash muhimligini ta’kidlashga qaratilgan.
