Eron uran ishlab chiqarishni tezda tiklashi mumkin — MAGATE
© © RIA Novosti / Aleksey Vitviskiy/Pereyti v mediabank
Obuna bo‘lish
Agentlik direktori Eronni yana bir bor muzokaralar stoliga qaytishga chaqirdi.
TOShKENT, 29-iyun — Sputnik. Eronda bir necha oy ichida boyitilgan uran ishlab chiqarishni tiklash imkoniyati bor. Bu haqda Xalqaro atom energiyasi agentligi (MAGATE) bosh direktori Rafael Grossi Amerikaning CBS telekanaliga bergan intervyusida ma’lum qildi, deb yozmoqda RIA Novosti.
"Ular bir necha oy ichida yoki undan kamroq vaqt ichida... aylanadigan va boyitilgan uran ishlab chiqaradigan bir necha sentrifuga kaskadlarini olishlari mumkin... Hammasi g‘oyib bo‘ldi va u yerda hech narsa yo‘q deb tasdiqlab bo‘lmaydi", — dedi u.
Agentlik bosh direktorining so‘zlariga ko‘ra, Eronda boyitilgan uran ishlab chiqarish uchun sanoat va texnologik imkoniyatlar bor.
Shu munosabat bilan Grossi yana bir bor muzokaralar stoliga qaytishga va mamlakat yadroviy dasturi bilan bog‘liq muammoning texnik jihatdan asoslangan yechimini topishga chaqirdi va hozir buning uchun imkoniyat borligini ta’kidladi.
Quyidagilar ma’lum:
Shanba kuni Eron parlamenti vitss-spikeri Tehron MAGATE rahbarining mamlakat yadroviy obyektlarida bo‘lishiga va u yerda kameralar o‘rnatishiga boshqa ruxsat bermasligini ma’lum qildi.
Eron tashqi ishlar vaziri Abbos Aroqchining ta’kidlashicha, Grossining mamlakat yadroviy dasturining zarbaga uchragan obyektlarini ko‘zdan kechirish istagi ma’nosiz va yovuz niyatga ega bo‘lishi mumkin.
Eron parlamenti Islom Respublikasining MAGATE bilan hamkorligini to‘xtatish to‘g‘risida qaror qabul qildi.
Ta’kidlanishicha, MAGATE bosh direktori o‘n yil oldin agentlik "barcha muammolar hal qilinganini" rasman e’lon qilgani haqidagi ma’lumotni yashirishda rol o‘ynagan.
Payshanba kuni parlament spikeri MAGATEni Isroilning "himoyachisi va xizmatkori" deb atadi. Uning so‘zlariga ko‘ra, Eron yadroviy obyektlari xavfsizligi ta’minlanmaguncha agentlik bilan hamkorlik qilish mumkin emas.
