O‘zbekiston va Mo‘g‘uliston o‘rtasida qanday hujjatlar imzolandi — foto
© Press-slujba prezidenta Uzbekistana
Obuna bo‘lish
Shavkat Mirziyoyev va Uxnaagiyn Xurelsux munosabatlarni yangi bosqichga ko‘tarishga kelishib olishdi.
TOShKENT, 25-iyun — Sputnik. O‘zbekiston va Mo‘g‘uliston o‘rtasida hamkorlikka oid yangi hujjatlar imzolandi. Bu haqda davlat rahbari matbuot xizmati ma’lum qildi.
Ulan-Batorda o‘tgan oliy darajadagi muzokaralar yakunida O‘zbekiston prezidenti Shavkat Mirziyoyev va Mo‘g‘uliston prezidenti Uxnaagiyn Xurelsux Keng qamrovli sheriklik munosabatlarini o‘rnatish to‘g‘risidagi qo‘shma deklaratsiyani imzolashdi.
1/4
© Press-slujba prezidenta Uzbekistana
2/4
© Press-slujba prezidenta Uzbekistana
3/4
© Press-slujba prezidenta Uzbekistana
4/4
© Press-slujba prezidenta Uzbekistana
1/4
© Press-slujba prezidenta Uzbekistana
2/4
© Press-slujba prezidenta Uzbekistana
3/4
© Press-slujba prezidenta Uzbekistana
4/4
© Press-slujba prezidenta Uzbekistana
Prezidentlar huzurida quyidagi hujjatlar imzolandi:
o‘simliklar karantini va himoyasi, oliy ta’lim, tog‘-kon sanoati, atrof-muhitni muhofaza qilish, jinoyatchilikning oldini olish va unga qarshi kurashish, sog‘liqni saqlash va tibbiyot fani, jismoniy tarbiya va sport sohalarida hamkorlik to‘g‘risidagi bitimlar;
ikki mamlakat arxiv idoralari o‘rtasidagi hamkorlik to‘g‘risida bayonnoma;
Investitsiyalar, sanoat va savdo vazirligi bilan Mo‘g‘uliston Iqtisodiyot va taraqqiyot vazirligi o‘rtasida, tashqi ishlar vazirliklari o‘rtasida 2026-2027 yillarga mo‘ljallangan, Madaniyat vazirligi bilan Mo‘g‘uliston Madaniyat, sport, turizm va yoshlar vazirligi o‘rtasida 2025-2028 yillarga mo‘ljallangan hamkorlik dasturlari;
Qishloq xo‘jaligi vazirligi va Mo‘g‘uliston Oziq-ovqat, qishloq xo‘jaligi va yengil sanoat vazirligi o‘rtasida qishloq xo‘jaligi sohasidagi hamkorlikni kengaytirish bo‘yicha hamkorlik rejasi;
Ekologiya, atrof-muhitni muhofaza qilish va iqlim o‘zgarishi vazirligi bilan Mo‘g‘uliston Madaniyat, sport, turizm va yoshlar vazirligi o‘rtasida ekoturizm sohasidagi harakatlar rejasi.
Shuningdek, dengizga chiqish imkoniyati bo‘lmagan mamlakatlar uchun xalqaro tahlil instituti bilan birgalikda eng qisqa va samarali transport yo‘laklarini aniqlash bo‘yicha amaliy tadqiqotlar o‘tkazish taklifi bildirildi.
“Mo‘g‘ulistonlik do‘stlarimizning ijtimoiy-iqtisodiy islohotlarni amalga oshirishdagi e’tiborga loyiq muvaffaqiyatlari va yutuqlaridan chin dildan xursandmiz, sizning tinchliksevar tashqi siyosatingizni to‘la qo‘llab-quvvatlaymiz”, — dedi O‘zbekiston yetakchisi.
1/5
© Press-slujba prezidenta Uzbekistana
2/5
© Press-slujba prezidenta Uzbekistana
3/5
© Press-slujba prezidenta Uzbekistana
4/5
© Press-slujba prezidenta Uzbekistana
5/5
© Press-slujba prezidenta Uzbekistana
1/5
© Press-slujba prezidenta Uzbekistana
2/5
© Press-slujba prezidenta Uzbekistana
3/5
© Press-slujba prezidenta Uzbekistana
4/5
© Press-slujba prezidenta Uzbekistana
5/5
© Press-slujba prezidenta Uzbekistana
Ommaviy axborot vositalari vakillari bilan uchrashuvda Shavkat Mirziyoyev va Uxnaagiyn Xurelsux o‘tkazilgan muzokaralar natijalariga doir fikrlarini bayon qilishdi. Shuningdek, prezidentlar rafiqalari bilan birgalikda ikki mamlakat san’at ustalarining konsertida ishtirok etishdi.
