O‘zbekistonlik o‘quvchilar YeOII mamlakatlari ochiq chempionatida ishtirok etmoqda
© Ministerstvo visshego obrazovaniya, nauki i innovatsiy Respubliki Uzbekistan.
Obuna bo‘lish
Chempionatda Rossiya, Qozog‘iston, O‘zbekiston, Ozarbayjon, Xitoy va Zimbabvedan vakillar ishtirok etmoqda.
TOShKENT, 26-may — Sputnik. O‘zbekistonlik iqtidorli o‘quvchilar Yevroosiyo iqtisodiy ittifoqi (YeOII) hamda YeOII+ hamkor-mamlakatlari kasbiy mahoratining ochiq chempionatida ishtirok etmoqda. Bu haqda Oliy ta’lim, fan va innovatsiyalar vazirligi ma’lum qildi.
Belarusda “ProfSkills Belarus 2025” VI kasbiy mahorat tanlovi va Yevroosiyo iqtisodiy ittifoqi (YeOII) hamda YeOII+ hamkor-mamlakatlari kasbiy mahoratining ochiq chempionati boshlandi.
Ushbu nufuzli musobaqada 400 nafarga yaqin ishtirokchi 50 ta kompetensiya (kasb yo‘nalishi) bo‘yicha bellashmoqda.
Tanlov qurilish, ishlab chiqarish, muhandislik, axborot-kommunikatsiya texnologiyalari, transport va logistika, ijtimoiy va shaxsiy xizmatlar, shuningdek, ijodiy kasblar va moda yo‘nalishlarini qamrab olgan.
YeOII+ hamkor-mamlakatlarining kasbiy mahorati ochiq chempionatida Rossiya, Qozog‘iston, O‘zbekiston, Ozarbayjon, Xitoy va Zimbabvedan vakillar ishtirok etmoqda.
Ctudenti iz Uzbekistana uchastvuyut v Otkritom chempionate professionalnogo masterstva stran YeAES+
© Ministerstvo visshego obrazovaniya, nauki i innovatsiy Respubliki Uzbekistan.
“O‘zbekiston vakillari – Farg‘ona, Samarqand va Qashqadaryo viloyatlari kasbiy ta’lim tashkilotlaridan iqtidorli o‘quvchilar ushbu chempionatda 4 ta kompetensiya bo‘yicha o‘z bilim va ko‘nikmalarini namoyish etmoqda”, — deyiladi xabarda.
Ctudenti iz Uzbekistana uchastvuyut v Otkritom chempionate professionalnogo masterstva stran YeAES+
© Ministerstvo visshego obrazovaniya, nauki i innovatsiy Respubliki Uzbekistan.
Ishtirokchilar 22 yoshgacha bo‘lgan yoshlar (ayrim vakolatlarga - 24 yoshgacha). Professional ta’limning nufuzini oshirish maqsadida yoshlarni iqtisodiyotning ishlab chiqarish sohasiga jalb etish, ishchi va mutaxassislarning kasb mahorati va mehnat unumdorligi darajasini oshirish maqsadida bunday miqyosdagi tanlovlarni o‘tkazish 2014-yildan boshlab an’anaga aylandi.
