O‘zbekiston va Vengriya yangi loyihalarni amalga oshirishga kelishib oldi
© Press-slujba prezidenta Uzbekistana
Obuna bo‘lish
Shavkat Mirziyoyevning Vengriyaning yirik kompaniya va banklari rahbarlari bilan uchrashdi.
TOShKENT, 20-may — Sputnik. O‘zbekiston va Vengriya o‘rtasida yangi loyihalarni amalga oshirish bo‘yicha kelishuvlarga erishildi, deya xabar berdi O‘zbekiston prezidenti matbuot xizmati.
O‘zbekiston rahbari Shavkat Mirziyoyevning Budapeshtga rasmiy tashrifi Vengriyaning yirik kompaniya va banklari rahbarlari bilan uchrashuvdan boshlandi.
Vengriya tomonidan “OTP Bank”, “BDPST Group”, “4iG”, “Indotek”, “MVM”, “Duna Group”, “MOL Group”, “H2O Consortium”, “Inpark”, “Wizz Air” va boshqa ko‘plab kompaniyalarning top-menejerlari va ta’sischilari ishtirok etdi.
Programma ofitsialnogo vizita Prezidenta Respubliki Uzbekistan Shavkata Mirziyoyeva v Budapesht nachalas so vstrechi s glavami krupneyshix kompaniy i bankov Vengrii.
© Press-slujba prezidenta Uzbekistana
“Uchrashuvda transport va yo‘l infratuzilmasini modernizatsiya qilish, logistika markazlari va kommunal tarmoqlarni barpo etish, qurilish materiallari, tayyor to‘qimachilik, kimyo, farmatsevtika mahsulotlari ishlab chiqarish kabi yo‘nalishlarda yangi loyihalarni amalga oshirish bo‘yicha kelishuvlarga erishildi”, — deyiladi xabarda.
Mirziyoyev bunday uchrashuvlarni muntazam o‘tkazib borishni taklif etdi.
Programma ofitsialnogo vizita Prezidenta Respubliki Uzbekistan Shavkata Mirziyoyeva v Budapesht nachalas so vstrechi s glavami krupneyshix kompaniy i bankov Vengrii.
© Press-slujba prezidenta Uzbekistana
“Biz mamlakatlarimiz ishbilarmon doiralari o‘rtasidagi mustahkam aloqalarni rivojlantirish uchun barcha sharoitlarni yaratamiz”, — dedi prezidenti.
Davlat rahbari o‘z nutqida rasmiy tashrif Vengriya ishbilarmonlari bilan uchrashuvdan boshlanayotgani ramziy ma’noga ega ekanini aytdi.
Vengriyaning O‘zbekiston iqtisodiyotiga to‘g‘ridan-to‘g‘ri investitsiyalari jadal o‘sib borayotgani qayd etildi. Masalan, “OTP Bank” O‘zbekistonning yirik banklaridan birini sotib olib, mamlakat moliya bozorida barqaror o‘rin egalladi.
Kompaniyaning avtokreditlashni rivojlantirish uchun qo‘shma kompaniya tashkil etish, biznesni moliyalashtirish dasturini yo‘lga qo‘yish, yirik parrandachilik klasterini qurish bo‘yicha yangi rejalari qo‘llab-quvvatlandi.
Sanoat kooperatsiyasini kengaytirish va ilg‘or texnologiyalar transferini rag‘batlantirish maqsadida Toshkent viloyatida Yevropa kompaniyalari uchun maxsus sanoat zonasi tashkil etilmoqda. Ushbu hududni boshqarish Vengriyaning “Inpark” operatoriga beriladi.
Iqtisodiy sheriklikni kengaytirish maqsadida O‘zbekiston prezidenti qator ustuvor yo‘nalishlarni ko‘rsatib o‘tdi. Qo‘shma loyihalarni birgalikda moliyalashtirish va tayyor mahsulotlarni uchinchi mamlakatlarning istiqbolli bozorlariga eksport qilishni qo‘llab-quvvatlash shular jumlasidan.
Transport jihatidan o‘zaro bog‘liqlikni kuchaytirish, xususan, yuk tashishni ko‘paytirish va ikki mamlakat o‘rtasida to‘g‘ridan-to‘g‘ri aviaqatnovlarni rivojlantirish muhimligi ta’kidlandi.
Davlat rahbari Vengriya kompaniyalarining qo‘shma loyihalarni amalga oshirishga qiziqishini yuksak baholadi. O‘z navbatida, biznes vakillari hamkorlikni kengaytirish bo‘yicha taklif va rejalarini bildirdi.
Tadbir yakunida investitsiya loyihalarini amalga oshirish bo‘yicha bitimlar almashish marosimi bo‘lib o‘tdi.
1/3
© Press-slujba prezidenta Uzbekistana
2/3
© Press-slujba prezidenta Uzbekistana
3/3
© Press-slujba prezidenta Uzbekistana
1/3
© Press-slujba prezidenta Uzbekistana
2/3
© Press-slujba prezidenta Uzbekistana
3/3
© Press-slujba prezidenta Uzbekistana
