"Arda Xiva" — Xiva eshiklari yonidagi sharqona Venetsiya
Obuna bo‘lish
Eksklyuziv
Afsonaviy Ichan qal’a yaqinida yangi turizm markazi — "Arda Xiva" turistik majmuasi paydo bo‘ldi. O‘zbekiston prezidenti tashabbusi bilan barpo etilgan ushbu majmua xozirning o‘zida "Xivaning yo‘ldosh shahri" deb nom oldi.
TOShKENT, 19-may — Sputnik, Bahrom Hatamov. Qadimiy Xiva yaqinida yirik “Arda Xiva” sayyohlik majmuasi ochildi. Shaharcha 25 gektar maydonga teng va u Ichan qal’aning tarixiy uslubidan ilhomlangan.
"Arda Xiva" — "port shahri" degan ma’noni anglatadi. Bu nom uning joylashuviga bevosita bog‘liq: bir paytlar bu yerlar orqali Amudaryo oqib o‘tgan va afsonalarga ko‘ra, u Kaspiy dengizi sari yo‘l olgan. Bugungi kunda mazkur hududda bir necha yirik ko‘llar saqlanib qolgan. Ulardan eng kattasi G‘ovuk ko‘li, u 150 gektar maydonni egallaydi.
Buyuk Ipak yo‘li muhitini qayta yaratish maqsadida G‘ovuk ko‘li yaqinida dam olish hududlari, bozorlar va savdo maydonlari barpo etildi. Turizm majmuasi ilk mehmonlarini qabul qildi va u yillik 3 million sayyohni jalb etish quvvatiga ega.
Kompleks infratuzilmasidan quyidagilar o‘rin olgan:
20 ta mehmonxona - ular bir vaqtning o‘zida 1 000 nafar mehmonni qabul qila oladi;
2 ta akvapark;
3 000 o‘rinli amfiteatr;
musiqali favvora;
11 ta hunarmandchilik ustaxonasi;
Qadimgi Urganch muzeyi;
5 ta kino va konsert zali;
9 ta milliy va xalqaro oshxona;
zargarlik markazi va 70 ta do‘kondan iborat savdo galereyasi.
Faol hordiqni xush ko‘ruvchilar uchun suv motosikli va gondola-qayiqlar uchun 2 km uzunlikda maxsus kanal qurilgan. Majmuada an’anaviy sharqona bezaklar va zamonaviy dizayn uyg‘unlashgan. Bino va inshootlar qo‘shma isitish-sovitish tizimiga ulangan, elektr ta’minoti esa quyosh panellari orqali ta’minlanadi.
Qo‘sha darvoza deb nomlangan o‘ymakor eshiklar orqali majmuaga kirilganda, mehmonlar haqiqiy Xivaning kichik namunasiga duch kelishadi. Bu yerda Kalta Minor va boshqa ko‘plab arxitektura inshootlarining namunalari qurilgan.
1/18
© Sputnik / Baxrom Xatamov
2/18
© Sputnik / Baxrom Xatamov
3/18
© Sputnik / Baxrom Xatamov
4/18
© Sputnik / Baxrom Xatamov
5/18
© Sputnik / Baxrom Xatamov
6/18
© Sputnik / Baxrom Xatamov
7/18
© Sputnik / Baxrom Xatamov
8/18
© Sputnik / Baxrom Xatamov
9/18
© Sputnik / Baxrom Xatamov
10/18
© Sputnik / Baxrom Xatamov
11/18
© Sputnik / Baxrom Xatamov
12/18
© Sputnik / Baxrom Xatamov
13/18
© Sputnik / Baxrom Xatamov
14/18
© Sputnik / Baxrom Xatamov
15/18
© Sputnik / Baxrom Xatamov
16/18
© Sputnik / Baxrom Xatamov
17/18
© Sputnik / Baxrom Xatamov
18/18
© Sputnik / Baxrom Xatamov
