Mirziyoyev Qizil maydondagi G‘alaba paradida ishtirok etdi
© Press-slujba prezidenta Uzbekistana
Obuna bo‘lish
Shavkat Mirziyoyev Ikkinchi jahon urushidagi G‘alabaning 80-yilligiga bag‘ishlangan tantanali tadbirlarda ishtirok etdi.
TOShKENT, 9-may — Sputnik. O‘zbekiston prezidenti Shavkat Mirziyoyev Rossiya prezidenti Vladimir Putinning taklifiga binoan 9-may kuni Ikkinchi jahon urushidagi G‘alabaning 80-yilligiga bag‘ishlangan tantanali tadbirlarda ishtirok etdi. Bu haqda prezident matbuot xizmati xabar berdi.
Qizil maydonda G‘alaba paradi bo‘lib o‘tdi. Tadbirda Xitoy raisi Si Szinpin, Braziliya prezidenti Lula da Silva, Misr prezidenti Abdulfattoh as-Sisi, Belarus prezidenti Aleksandr Lukashenko, Qozog‘iston prezidenti Qasim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkmaniston prezidenti Serdar Berdimuhamedov, Mo‘g‘uliston prezidenti Uxnaagiyn Xurelsux, Kuba prezidenti Migel Dias-Kanel, Venesuela prezidenti Nikolas Maduro va boshqalar ham qatnashdi.
1/9
© Press-slujba prezidenta Uzbekistana
2/9
© Press-slujba prezidenta Uzbekistana
3/9
© Press-slujba prezidenta Uzbekistana
4/9
© Press-slujba prezidenta Uzbekistana
5/9
© Press-slujba prezidenta Uzbekistana
6/9
© Press-slujba prezidenta Uzbekistana
7/9
© Press-slujba prezidenta Uzbekistana
8/9
© Press-slujba prezidenta Uzbekistana
9/9
© Press-slujba prezidenta Uzbekistana
1/9
© Press-slujba prezidenta Uzbekistana
2/9
© Press-slujba prezidenta Uzbekistana
3/9
© Press-slujba prezidenta Uzbekistana
4/9
© Press-slujba prezidenta Uzbekistana
5/9
© Press-slujba prezidenta Uzbekistana
6/9
© Press-slujba prezidenta Uzbekistana
7/9
© Press-slujba prezidenta Uzbekistana
8/9
© Press-slujba prezidenta Uzbekistana
9/9
© Press-slujba prezidenta Uzbekistana
Urush boshlangan paytda O‘zbekiston aholisi 6 million nafardan ziyod edi. Urush yillarida ikki millionga yaqin o‘zbekistonlik frontga jo‘natildi. 538 mingdan ziyod kishi jang maydonlarida halok bo‘ldi, 158 mingdan ortig‘i bedarak yo‘qoldi.
Ko‘rsatgan mardligi va jasorati uchun O‘zbekistondan 214 mingdan ziyod askar va ofitser jangovar orden va medallar bilan taqdirlandi. 301 kishi Sovet Ittifoqi Qahramoni unvoniga sazovor bo‘ldi, yana 70 kishi "Shuhrat" ordenining barcha darajalari sohibi bo‘ldi.
O‘zbekiston xalqi yuksak insonparvarlik namunasini ko‘rsatib, frontoldi hududlaridan evakuatsiya qilingan 1,5 milliondan ortiq kishini, jumladan, 250 mingdan ziyod yetim bolalarni qabul qildi. O‘zbek xalqining urush yillaridagi jasorati xalqaro hamjamiyatda keng e’tirof etilmoqda.
G‘alaba paradi yakunida O‘zbekiston prezidenti Shavkat Mirziyoyev Rossiya prezidenti Vladimir Putin va boshqa davlat rahbarlari bilan birgalikda Aleksandr bog‘idagi Noma’lum askar qabriga gul qo‘ydi.
Ushbu yodgorlik g‘alaba yo‘lida mislsiz jasorat ko‘rsatgan va jon fido qilgan millionlab jangchilar, jumladan, O‘zbekiston farzandlari xotirasiga o‘rnatilgan.
Marosim bir daqiqalik sukut hamda faxriy qorovul va harbiy orkestrning tantanali yurishi bilan yakunlandi.
