Hammamiz vatan himoyasiga har kuni tayyor bo‘lishimiz kerak — Shavkat Mirziyoyev
15:00 08.05.2025 (yangilandi: 16:06 08.05.2025)
© Press-slujba prezidenta Uzbekistana
Obuna bo‘lish
O‘zbekiston yetakchisi “Matonat madhiyasi” yodgorligi poyiga gulchambar qo‘ydi.
TOShKENT, 8-may — Sputnik. Prezident Shavkat Mirziyoyev 9-may – Xotira va qadrlash kuni munosabati bilan G‘alaba bog‘iga tashrif buyurib, xotira marosimida ishtirok etdi, deya xabar berdi davlat rahbari matbuot xizmati.
O‘zbekiston yetakchisi “Matonat madhiyasi” yodgorligi poyiga gulchambar qo‘ydi. Bu muazzam obida urushda O‘zbekiston xalqi chekkan azob-uqubatlar, matonat va yo‘qotishlarning ifodasidir.
1/8
© Press-slujba prezidenta Uzbekistana
2/8
© Press-slujba prezidenta Uzbekistana
3/8
© Press-slujba prezidenta Uzbekistana
4/8
© Press-slujba prezidenta Uzbekistana
5/8
© Press-slujba prezidenta Uzbekistana
6/8
© Press-slujba prezidenta Uzbekistana
7/8
© Press-slujba prezidenta Uzbekistana
8/8
© Press-slujba prezidenta Uzbekistana
1/8
© Press-slujba prezidenta Uzbekistana
2/8
© Press-slujba prezidenta Uzbekistana
3/8
© Press-slujba prezidenta Uzbekistana
4/8
© Press-slujba prezidenta Uzbekistana
5/8
© Press-slujba prezidenta Uzbekistana
6/8
© Press-slujba prezidenta Uzbekistana
7/8
© Press-slujba prezidenta Uzbekistana
8/8
© Press-slujba prezidenta Uzbekistana
“Hujjatlarning dalolat berishicha, fashizmga qarshi qonli janglarda o‘sha paytda 6 million 800 ming nafarni tashkil etgan aholimizning qariyb 2 million nafari ishtirok etgan. Shundan 540 mingga yaqini halok bo‘lgan, 158 ming nafari bedarak yo‘qolgan, 50 mingdan ortig‘i konslagerlarda mislsiz qiynoq va azoblar tufayli halok bo‘lgan, 60 mingdan ziyodi nogiron bo‘lib qaytgan”, — deyiladi xabarda.
O‘zbekistonlik askar va ofitserlardan 214 mingga yaqini jangovar orden va medallar bilan mukofotlangani ularning jasoratidan dalolat beradi.
Mamlakat urush yillarida frontning mustahkam ta’minot bazasiga aylangan, jang maydonlariga juda katta miqdorda harbiy texnika, qurol-yarog‘, kiyim va oziq-ovqatlar yetkazib turilgan.
Og‘ir sharoitga qaramay, o‘zbek xalqi urush hududlaridan ko‘chirib kelingan 1 million 500 mingga yaqin insonni, jumladan, ota-onasidan judo bo‘lgan 250 ming nafar yetim bolani o‘z bag‘riga olib, mehr ko‘rsatgan.
“Bular chinakam mardlik va qahramonlik solnomasidir. Bunday murakkab va shonli g‘alabaga munosib hissa qo‘shgan matonatli xalqimiz bilan har qancha faxrlansak, arziydi. Bu qahramonliklarni hech qachon unutmasligimiz, yoshlarimizga yetkazishimiz kerak. Ayniqsa, hozirgi tahlikali zamonda buning ahamiyati nihoyatda katta. Hammamiz vatan himoyasiga har kuni tayyor bo‘lishimiz kerak”, — dedi Shavkat Mirziyoyev.
Prezidentning 19-fevraldagi qaroriga muvofiq, Ikkinchi jahon urushida qozonilgan g‘alabaning 80-yilligi hamda Xotira va qadrlash kuni munosib nishonlanmoqda.
Tadbirda O‘zbekiston Qurolli Kuchlari, davlat va jamoat tashkilotlari vakillari, mahalla faollari va nuroniylar ham ishtirok etib, mazkur yodgorlik poyiga gullar qo‘yishdi.
Davlatimiz rahbari bog‘da o‘rnatilgan “Xotira nuri” kompozitsiyasini ham ko‘zdan kechirdi. U Ikkinchi jahon urushi va front ortida mehnat qilgan o‘zbekistonlik qahramonlar xotirasiga bag‘ishlab barpo etilgan. Monument parvoz qilayotgan ikki qush shaklida bo‘lib, katta va yosh avlodlar o‘rtasidagi vorisiylikni ifodalaydi.
Asar tarixiy meros va zamonaviy san’atni o‘zida mujassam etgan. Unga QR-havola o‘rnatilgan bo‘lib, tashrif buyuruvchilar majmua va urush qahramonlari haqida o‘qishi, “Xotira nuri” kitobini yuklab olishi mumkin.
Prezident Shavkat Mirziyoyev navestil uchastnikov Vtoroy mirovoy voyni i trudovogo fronta. Na vstreche glava gosudarstva pozdravil ix s prazdnikom.
© Press-slujba prezidenta Uzbekistana
Shuningdek, mamlakat yetakchisi G‘alaba bog‘idagi “Millat fidoyilari” xiyobonida bo‘ldi, Ikkinchi jahon urushi va mehnat fronti qatnashchilarini ham ziyorat qilib, bayram bilan tabrikladi.
