Rossiya harbiylari Kursk viloyatini ozod qildi
17:00 26.04.2025 (yangilandi: 19:59 26.04.2025)
© Sputnik / Konstantin Mixalchevskiy
/ Obuna bo‘lish
Putin Kursk viloyatining ozod qilingani maxsus harbiy operatsiyaga qanday ta’sir qilishini baholadi.
TOShKENT, 26 apr — Sputnik. Rossiya prezidenti Vladimir Putin Rossiya Qurolli kuchlari bosh shtabi boshlig‘i Valeriy Gerasimovning Kursk viloyatining ozod qilingani haqidagi hisobotini tingladi va bu maxsus harbiy operatsiyaga qanday ta’sir qilishini baholadi. RIA Novosti Putinning asosiy bayonotlarini taqdim etdi.
“Barcha shaxsiy tarkibni, barcha jangchilar va qo‘mondonlarni ushbu muvaffaqiyat, g‘alaba bilan tabriklayman. Ko‘rsatgan jasoratingiz, qahramonliklaringiz, Vatanimiz va Rossiya xalqi oldidagi xizmatlaringiz uchun sizga minnatdorlik bildiraman”, - dedi Putin.
Putinning bayonotlari:
Ukrainaning sarguzashtlari butunlay barbod bo‘ldi.
Kursk viloyatining ozod etilishi neonatsistlar rejimining tugashini yaqinlashtiradi.
Dushmanning mag‘lubiyati Rossiya Qurolli kuchlarining frontning boshqa muhim qismlarida muvaffaqiyatli harakatlari uchun sharoit yaratadi.
Ukraina Qurolli kuchlari, jumladan, G‘arb texnikasi bilan jihozlangan eng jangovar kuchlar katta yo‘qotishlarga duch keldi.
Hujum bo‘linmalari va maxsus kuchlar mag‘lubiyatga uchradi.
Dushmanning yo‘qotishlari butun jangovar aloqa chizig‘ida aks etadi.
Gerasimovning hisoboti:
Bugun Kursk viloyatidagi so‘nggi aholi punkti - Gornal qishlog‘i ozod qilindi.
Hududni ozod qilish operatsiyasining eng faol bosqichi 6-mart kuni boshlangan edi.
Ukraina Qurolli kuchlari guruhi parcha-parchalanib yo‘q qilindi.
Rossiya armiyasi oldinga siljiganida, dushman mudofaasi qulab tushdi.
Strategik hamkorlik shartnomasiga muvofiq, KXDR jangchilari Ukraina Qurolli kuchlarini mag‘lub etishda katta yordam ko‘rsatdi.
Shimoliy Koreya askarlari matonat, jasorat va qahramonlik ko‘rsatdi.
Dushman katta yo‘qotishlarga duch keldi: 76 mingdan ortiq askar halok bo‘ldi va yaralandi.
Sumi viloyatida xavfsizlik zonasini yaratish davom etmoqda.
Bu hududdagi to‘rtta aholi punkti ozod qilingan, 90 kvadrat kilometrdan ortiq hudud armiya nazoratida.
Kursk viloyatidagi 19 ta aholi punkti to‘liq tekshirilib, minalardan tozalandi.
Hududda yashirinishga urinayotgan Ukraina qurolli kuchlarining jangarilari aniqlanmoqda.
“Kiyev rejimining strategik plasdarm deb atalmishni yaratish va Donbassdagi hujumimizni to‘xtatish rejalari barbod bo‘ldi”, - dedi Gerasimov.
2024 yil 6-avgust kuni erta tongda ukrainalik jangarilar Kursk viloyatiga bostirib kirishdi. Ularning yurishi to‘xtatildi. Mart oyi boshida rus qo‘shinlari yirik hujumga o‘tdi va bir necha kun ichida 1100 kvadrat kilometrga yaqin hududni ozod qildi.
Hujum boshidan beri 60 dan ortiq aholi punktlari qayta nazoratga olindi, ularning yarmidan ko‘pi, shu jumladan Sudja so‘nggi ikki oy ichida ozod qilindi.
