Tanzila Narbayeva MDH PA tadbirlarida ishtirok etadi — dastur
© Senat Oliy Majlisa
Obuna bo‘lish
Hamdo‘stlik mamlakatlari parlamentlari rahbarlari Sankt-Peterburgda yig‘iladi.
TOShKENT, 17 apr — Sputnik. Oliy Majlis Senati raisi Tanzila Narbayeva Sankt-Peterburgda bo‘lib o‘tadigan Mustaqil Davlatlar Hamdo‘stligi Parlamentlararo Assambleyasining (MDH PA) bahorgi sessiyasi tadbirlarida ishtirok etadi. Bu haqda MDH PA xabar berdi.
Bugun Sankt-Peterburgda MDH PA Kengashining yig‘ilishi bo‘lib o‘tadi. Tadbir MDH PA Kengashi raisi, Rossiya Federatsiyasi Federal Majlisi Federatsiya Kengashi raisi Valentina Matviyenko boshchiligida o‘tkaziladi.
Ishtirokchilar:
Ozarbayjon Respublikasi Milliy Majlisi raisi Sagiba Gafarova;
Armaniston Respublikasi Milliy Assambleyasi raisi Alen Simonyan;
Belarus Respublikasi Milliy Assambleyasi Kengashi raisi Natalya Kochanova;
Qozog‘iston Respublikasi parlamenti Senati raisi Maulen Ashimbayev;
Qirg‘iz Respublikasi Jogorku Keneshi raisi Nurlanbek Turgunbek uulu;
Tojikiston Milliy Majlisi Oliy Majlisi raisi Rustami Emomali;
O‘zbekiston Respublikasi Oliy Majlisi Senati raisi Tanzila Narbayeva.
Shuningdek, tadbirda MDH bosh kotibi Sergey Lebedev ishtirok etishi rejalashtirilgan.
Yig‘ilish kun tartibidan quyidagilar joy olgan:
uchrashuv ishtirokchilari MDH PA xalqaro kuzatuvchilari tomonidan o‘tkazilgan Belarus prezidenti saylovi va Tojikistondagi parlament saylovlari monitoringini muhokama qilishadi;
MDH PA mukofoti uchun diplom loyihalari xalqaro tanlovi to‘g‘risidagi nizomni ko‘rib chiqishadi;
MDH Parlamentlararo Assambleyasining 2024-yildagi ishlarini sarhisob qiladi va bo‘lajak xalqaro sammitlarga tayyorgarlik mavzusiga to‘xtaladi.
Bahorgi sessiya doirasida 17-aprel kuni “Sun’iy intellekt va yangi texnologiyalardan terrorchilik maqsadlarida foydalanishga qarshi kurashishni huquqiy tartibga solish” mavzusida xalqaro konferensiya bo‘lib o‘tadi. Tadbir MDH PA, Birlashgan Millatlar Tashkilotining Terrorizmga qarshi kurash boshqarmasi va Xalqaro Qizil Xoch qo‘mitasi hamkorligida tashkil etildi.
Hamdo‘stlik parlamentariylari tahdidlar manzarasi va sun’iy intellektdan terroristik maqsadlarda foydalanishning yangi usullarini, shuningdek, xavfsizlik va innovatsiyalar o‘rtasidagi muvozanatni topishni muhokama qiladi.
Bundan tashqari, quyidagi qo‘mita yig‘ilishlari bo‘lib o‘tadi:
MDH PA huzuridagi xavfsizlik sohasidagi qonunchilikni uyg‘unlashtirish hamda yangi chaqiriq va tahdidlarga qarshi kurashish bo‘yicha qo‘shma komissiya;
MDH PA Mudofaa va xavfsizlik bo‘yicha doimiy komissiyasi;
MDH PA Siyosiy masalalar va xalqaro hamkorlik bo‘yicha doimiy komissiyasi.
Shuningdek, 18-aprel kuni Hamdo‘stlik mamlakatlari parlamentlari rahbarlari, deputatlari va senatorlari Piskarevskoe memorial qabristoniga gul va gulchambar qo‘yish marosimida ishtirok etadi.
MDH Parlamentlararo Assambleyasining 58-yalpi majlisi ham bo‘lib o‘tadi. Shu kuni Hamdo‘stlik mamlakatlari parlamentariylari va Assambleyaning faxriy mehmonlari MDH PAning Ulug‘ Vatan urushidagi G‘alabaning 80-yilligiga bag‘ishlangan tantanali yig‘ilishida ishtirok etadi.
