Mirziyoyev Chorvoqda qurilayotgan xalqaro turizm markazining master-rejasi bilan tanishdi
© Press-slujba prezidenta Uzbekistana
Obuna bo‘lish
Chorvoqdadagi xalqaro turizm markazi 10 ta kichik hududga bo‘lib quriladi.
TOShKENT, 14 apr — Sputnik. Prezident Shavkat Mirziyoyev “Sea Breeze Uzbekistan” xalqaro turizm markazining master-rejasi taqdimoti bilan tanishdi, deya xabar berdi davlat rahbari matbuot xizmati.
Avval xabar berilganidek, Chorvoq suv ombori bo‘yida “Sea Breeze Uzbekistan” xalqaro turizm markazi qurilmoqda. Bu galgi taqdimotda ushbu yirik loyihaning bir nechta xorijiy kompaniyalar ishtirokida ishlab chiqilgan master-rejasi ko‘rib chiqildi.
Prezident Shavkat Mirziyoyev 14-aprelya oznakomilsya s prezentatsiyey master-plana mejdunarodnogo turisticheskogo sentra “Sea Breeze Uzbekistan”.
© Press-slujba prezidenta Uzbekistana
Taqdimotda quyidagilar ma’lum qilindi:
turizm markazini 10 ta kichik hududga bo‘lib qurish ko‘zda tutilmoqda;
ularning har biri piyoda borish mumkin bo‘lgan ko‘ngilochar maskan va xizmatlarni qamrab oladi;
ikki qirg‘oq o‘rtasida ko‘prik qurilib, keluvchilarga qulaylik oshiriladi;
suv bo‘yida xiyobon, plyaj va dam olish joylari bo‘lsa, qiyaliklarda mehmonxonalar, kottejlar, uylar, restoran va tomoshagohlar bo‘ladi;
shuningdek, madaniyat, ta’lim, tibbiyot, sport maskanlari barpo etiladi;
ya’ni bu yerda faqat sayohat emas, balki yil davomida yashash imkoniyati ham yaratiladi.
Prezident Shavkat Mirziyoyev 14-aprelya oznakomilsya s prezentatsiyey master-plana mejdunarodnogo turisticheskogo sentra “Sea Breeze Uzbekistan”.
© Press-slujba prezidenta Uzbekistana
“Davlatimiz rahbari bu loyiha barcha tashrif buyuruvchilarga qulay bo‘lishi lozimligini ta’kidlab, majmuani zarur infratuzilma bilan ta’minlash bo‘yicha ko‘rsatmalar berdi”, — deyiladi xabarda.
Ma’lum qilinishicha, turizmda so‘nggi yillarda 2 mingdan ortiq yangi tadbirkor ish boshladi. O‘tgan yili xorijiy sayyohlar tashrifi ilk bor 10 milliondan oshdi. Birgina Toshkent viloyatining Bo‘stonliq hududida Amirsoy va “Ugam River” kabi kurortlar, “Beldirsoy-Chimon-Nanay” turizm maskanlari tashkil etildi.
